أختطاف متكرر.

الحلقة (3)🔥🔥

#اختطاف متكرر (3).

ملاك : مقتليش من البنت يلي جبتها.
أمجد: هادي تكون بنت عمنا عمااار
ملاك: لالا كدب مستحيللل😨شن جيبها.
أمجد: حنردو كل شي خدوه منا فلوسنا و أرض متعنا و الشركه
كل شي إلا بابا مش معروف أن كان عايش او ميت كله بسببهم💔.
ملاك: لاكن هادي اي وحده منتفكرش أن كانت عندي بنت عم .
امجد: انت جيتي بعدها بي سنتين وهيا كان عمرها 4سنين ملحقتيش عليها انجبتي انتي وصااار الي صاار.
ملاك : بس شن ذنبها هيا .
امجد: احني مش راح نديرو شي حنبتزوهم بيه
لعند يرجعو الورث بعدها نسافرو.
ملاك: اهاا فهمت نديرلك حاجه تاكله.
أمجد : لا توا كنت ناكل في مكرونة.
ملاك: ههههه على صبح.
أمجد: اي.. وين حطيتي نور في أي دار.
ملاك : دار الخزين .
أمجد : تبيه تموت انتي ؟؟
بري طلعيها حطيها في داري وسكري عليها
وطلعيلها بطاطين تانيات .
منرقد في الصالون واحرسي أن ميكونش في هاتف.
ملاك: باهي..اني منمشي نرقد تصبح على خير وتوا نحولها
مشت فتحت عليها الباب.
أمجد مشي لدار امه خدي بطانية ورقد في الصالون
ملاك:هيا نوضي نحطك في دار تانية
نور: انتي ماعندكش قلب كيف هكي تخطفو بنت حطي روحك بدلي
ملاك: قتلك قلب قتلك اااه القلب انتم الي ماعندكمش نوضي قدامي بسرعه
نور: نفضت يديها وناضت قعدت تشبح يمين يسار
ملاك: طلعت قدامه تمشي
نور: نهضت عصا وخبطاته على رااسه.
ملاك: طول داخت .
نور: شحتها في دار الخزين وسكرت عليها الباب.
ياااربي ساعدني يااارب نقدر نهرب توا نمشي بشوية لين نطلع.
قعدت تمشي بشوية لين وصلت بحدا الصالون لقت أمجد راقد قعدت تركز في ملامحه باش تحفضهم وترسمه
حي عليا كان ماينوض. ...دارت وضعيت الانبطاح وقعدت تمرد باش
أمجد ميشوفهاش لعند وصلت الباب. .فتحاته بشوية .
أمجد : حرك رجله ضرب المزهرية لعند طاحت.
نور:😨 فتحت الباب بسرعة وطلعت وسكراته قبل ميشوفها.
أمجد : طول ناض. ..شاف لقي المزهرية طايحه رجع رقد.
نور: طلعت تجري باش ميوصلهاش شافت بنت من بعيد
مشتلها تجري لأن هيا متعرف حد في المكان هدا.

___________________________

⛅⛅7:30ص.
ايوب: ناض على صوت اتصال.الوو من معااي
أمجد : الصوت كان يجي كلمه ايه وكلمه لا لأن التغطية هااربه.
اني الخاطف نبي نقولكم عندكم لغدوه عشية كان مجبتوش 4 مليون منبعتلكم فيديو لأختك وهيا تموت.
ايوب : شن شن تقول ؟؟أعطيني نكلمه باهي.
أمجد : لا وفصل الخط   قعد يخبط. ..تي كيف هربت هادي .
ملاك: منذكرش إلا لما ضربتني بس.
أمجد : اني منمشي ندور عليها .

_______________________

سارة: كييف من خاطفك.
نور: بلاهي عليك دسيني عندك باش نكلم اهلي بلاهي عليك.
ساارة:  تعاالي بسرعة خشي.
خشت هيا وسارة داخل وكان حوشها من التطريز القديم يعني زي حياش القرية.
سارة : علاش خاطفينك ؟
نور: اني ديما يخطفو فيا ويطلبو في فدية بس
المره هادي غير طلبو الورت كله وبابا قعد معطاهمش.
سارة: كم طلبو
نور: 4 مليووون.
سارة:😳 حي حي .
نور: ماشي جاي علي رجليه .
سارة: 😂😂 جوك عادي حتى خاطفينك.
نور: اني اي حد يخطفني اندير معاه صحبة بس هدا الاخير دمه باارد وقفاص.
سارة : تضحك 😂.
نور: أعطيني نتصل بسرعة قبل مايجي.
سارة: للأسف في جبل التغطية مقطوعه وتوا يصلحو فيها تبي حتى اسبوع يعني.
نور: حي علي الحظ ...شن مندير توا ؟
سارة: اقعدي عندي وتعالي غيري حوايجك نعطيك من حوايجي باش ميشوفك حد من الضيعه.
نور: باهي ومشت تجري معاه لدار.
سارة: ألبسي هدا أحمر يطلع عليك.
نور: شكرا ..نبي نسالك
سارة: نعم.
نور: عايشة بروحك
سارة: اني مطلقة ومعاي ولدي صغير عمره 4 سنين واهلي ماتو بي حادث.
نور: اها اسفة .ربي يرحمهم
سارة: لا عادي متتاسفيش وتقدري تعيشي معاي كان تبي.
نور : اللطف خيرك تفاولي عليا بدل متقولي
إنشاء الله تروحي.. قتلك تقدري تعيشي.
سارة: لا اني قصدي يعني الفترة هادي مابين رجعت التغطية اقعدي عندي.
نور: لاكن مانبيك تقولي لي حد ان في عندك بنت
سارة: باهي موافقة..تشبحي في الدار هديكا خوديه ليك مؤقتا.
نور: تمام .شكرا ..ومشت خشتلها ودارت دوش ولبست قفطان.طلعت
سارة: تعالي افطري.
نور: يسلمو ايدياتك.❤
سارة : الله يسلمك
sajdah Ahmed almozge 🔥

________________________

أمجد: طلع يجري من الحوش وقعد يطق على الأبواب ويدور فيها لأن ماتعرف حد اكيده بتقعد عند ناس.
________________________

زين: ماما من المرأ هادي
سارة: هادي عمتو ياروحي.
زين: اهاا كيف حالك عمتو
نور:بخير كيف حالك انت ؟
زين: كويس...اني منمشي ندول (نقول)لي ناس عندنا عمتو.
سارة: لالا ولدي هيا ماتبي حد يعرف كان بتقول لناس هيا بتروح.
زين: اممم به خيرها ماجبتش شطلاتة (شكلاطة)😂.
نور: هههه نسيت توا غدوه ناخدلك شكلاطة وحلوه ومسكتة.
زين: شحيتي  .
نور: سلمك 😂.
زين: شن أسمك.
نور: مرام
سارة: هيا تعال افطر معانا.
زين: لا لا بنمشي لي أمجد نفطر معاه.
سارة: باهي برا ورد بالك على روحك.
زين: باهي وطلع يجري.
نور: متأكده ولدك مايعاودش
سارة: لا اطمني.
نور : صحيتي تعبتك معاي
سارة: لا عادي لاتعب ولا حاجة.
نور: تعرفي خاطري نرقد لين نشبع من النوم هيا باي منمشي نرقد.
سارة : ضحكت.. باهي بري ارقدي واني خلي ندير دورة على الحوش.
نور: مشت تجري لدار لقت السرير طول نقزت ورقدت.

______________________
زين: مشي لعند وصل لي حوش أمجد
طق طق طق.
ملاك: فتحت الباب..ها شن تبي
زين: انتي شكلك زي شرشبيل  اني نبي عمي اجمد.
ملاك : مهناش طالع.
زين: امممممباهي قوليله قالك زين نبيك في مودوع  (موضوع ).
ملاك : باهي اجري روح.
زين: التفت لقي أمجد وراه.اوووو جي عمي اجمد.
امجد: اووو الحلو جي.
زين: عمي نبي ندولك موضوع ضروري.
أمجد: هيا تعال خش الداخل.
زين: خش وقعمز على الصالون.
امجد: هيا احكي.
زين: انلاااااااا.
أمجد : مش قلت بتحكي.
زين: ماهو ماما قتلي تحكيش.
أمجد : اي صح اسمع كلام امك .
زين: لاكن كان تجيبلي شطلاطه نحكيلك على خاطر البنت مجابتش شكلاطة.
أمجد: من البنت.
زين : عمتوووو بعدها حط أيده على فمه حي  قللت😳.
ملاك: جاي من المبطخ ومعاه سفرة قهوة وحلويات. ..من جايكم.
زين: قعد يفنص لي أمجد بمعنا متقولش...دخلكش فينا
ملاك : كبرت ودرت لسان.
زين: حتى أنتي عندك لاكن انتي لسانك زي الاسد طويل يعني أنتي حيوان وقعد يضحك.
ملاك : مبردك.
امجد: ترا مديلي حلوية.
ملاك : مدتله مقروض.
زين: قعد يشبح لي أمجد كيف ياكل ويتسهف لين بطنه دارت صوت.
أمجد: شكلك مش فاطر.
زين: هز راسه ....قلت لي ماما منمشي نفطر عند أجمد.
أمجد: كان تقولي شن اسم البنت نعيطك الحلويات كله.
زين: قعد يذكر في اسمه اااااء اسمه مراااام هيااا اعطيني.
أمجد: استنى شن لابسه.
زين: دفطان  (قفطان) أحمر حلووو .
أمجد : تاكد أن مش نور وعطي لي زين صونية الحلويات.
زين: الله محلاهم نبي شطلاته توا .
أمجد : اجري روح غدوه نجيبلك.
زين: حتى عمتو غدوه بتجيبلي...وناض يجري كيف فتح الباب..
ملاك: زين قول لي امك منجيها اليوم باهي.
زين: اممممباهي وطلع يجري لي حوشهم.

طق طق طق
سارة: هيا هيا وفتحت الباب..خش كام تتغدا .
زين: لا عمي اجمد اعطاني حلويات وشبعت.
سارة: قول أمجد مش أجمد.
زين: أم م أجمد .
سارة:😂خش نوض عمتك بسرعه.
زين: باهي.وطلع يجري لي دارها.
نور: كانت غارقه في النوم .
زين: نوضي عمتوو نوضي نووووضي.
نور : لا حياة لمن تنادي.
زين: خيرها هادي تبيش تنوض من امبتري ...(امبكري).
توا نورها الكسوله طلع يجري جاب دجااجة.....يتبع