أختطاف متكرر.

الحلقة 7.

#أختطاف متكرر  (7).
Sajdah ahmed almozge 🔥

أمجد : ارقدي بلاهي عليك بلا جو دراما.
نور: حتى اني منرقد ..
أمجد : استني شوية .
نور: شنو؟
امجد: نعطيك تحدي وكان درتيه حانخليك تطلعي .
نور: شن التحدي؟
أمجد: التحدي سااهل.
نور:  شن هو ؟
أمجد : ترسميني .
نور:حقااا.. هيا جيب العده.
أمجد :  حانعطيك بياض والمدة نص ساعة لو قدرتي ترسميني في نص ساعة حاتطلعي.
نور: موافقة ...هيا فك ايدي.
أمجد :فكلها ايدها ..هيا تشبحي في الجيهة هذيكا بري غادي وارسميني واني شاد السلاح لو حاولتي تهربي حنصوب عليك .
نور: باهي..ومشت تجري خدت البياضة وبدت ترسم ..
معاش تتحرك لو سمحت .
أمجد: قعد واقف هيا توا بدي التوقيت انطلقي يا نور عمااار.
نور: ترسم ...من وين عرفت اسمي؟
أمجد: هوا في خاطف مايعرفش اسم ال بيخطفه .
نور: اها نسيت .

#بعد مرور دقايق.
أمجد: مزالت 10 تواني بسرعة.
نور: شوية مزالت نرسم في الخشم.
أمجد: 10..9..8..7..6..5..4..3..
نور: تمييييت.
أمجد : مشي يشوف في الرسمه. ..كويس كويس تعرفي ترسمي.
نور: تتكلم من رأس خشمه..أي
أمجد: معناه بيكون خطر عليا كان طلقتك.
نور: شن شن مش قتلي نخليك تطلعي.
أمجد : بزبط اني قتلك تطلعي مش تروحي .
نور: انصدمت ...كيف أنت ضحكت عليا .
أمجد :كنت نقيس في مستوى غبائك بس .
نور: يعني كنت نرسم على فاضي.
أمجد: لا مش على فاضي توا ناخد معاه سيلفي.
نور: باهي فهمني كيف منطلع.
أمجد: يعني ندير بيك دورة في المزرعة.
نور: سبحان الله شكلك خاطف رومنسي تحب التدهوير.
أمجد: غدوة نطلعك ...واحتمال غدوة يكون اخر يوم تعيشيه لأنك ممكن تموتي الفلوس ليهم أسبوع موصلوش.
نور: بلعت ريقها...اكيد هما يجمعو في الفلوس.
أمجد: اها صار يجمعو.
نور: اي...ومشت قعمزت على كرسي ...هيا كتفني
أمجد: مش حانكتفك.
نور: استغربت..ليش؟
أمجد: لأن باين عليك خوافه ومستحيل تطلعي في وقت زي هدا في اليل.
نور: اها عادي على راحتك وغمضت عيونه .
أمجد:مقعمز على كرسي  يتأمل في وجه ويذكر فيه كيف كانت وقداش تغير شكله ..سبحان الله كانت زي بوعجيلة وتوا زي  ...قاعد مكملش كلامه
نور: كانت مدايره روحه راقدة ...من هيا بوعجيللللة.
أمجد: انخلع. ..مش كنتي راقدة
نور: من كل عقلك تبي النوم يجيني واني مخطوفة ...ومن هيا بوعجيلة.
أمجد : اءءء لا نتكلم على حبيبتي بعتتلي صورتها موليه زي بوعجيله.
نور: انت حتى بوعجيلة هلبا فيك .
أمجد: كأنك خديتي عليا وبديتي تدوي وتتطولي في الكلام .
نور: اسمع هوا الجو كساد وصقع وهكي هدرز زي الناس عرفني عليك .
أمجد: تحكي من جدك انتي.
نور: اي يقولو معرفت الناس كنز .
أمجد : لا بومشي.
نور: باهي عادي نسألك .
أمجد: اسألي.
نور: خير مرات عيونك زرق ومرات خضر .
أمجد : بالك بتقولي طرطاري.
نور: والله غير قولي .
أمجد : خلقة ربي .
نور: ياريت ربي خلقني هكي .
أمجد: تلبك ...تبي حاجة .
نور: جيبلي فنجان قهوة .
أمجد: ضرب راسه بي أيده شن نخرف اني لا ونقولها تبي حاجة .
نور: قلت حاجة.
أمجد:  سكري فمك وتمرقدي.
_________________________