أختطاف متكرر.

الحلقة 6

#أختطاف متكرر (6).

وصال: قعدت تمشي لين فجاءه السيارة هربت منها في طريق معاكس.
حي عليا لازم نردها بسرعة كيف بترجع لقتها سيارة كملت معاه القدام لين معاش عرفت وين تمشي.
ايوب: ناض من النوم ووووين انتيي ماشية.
وصال: انتبع في طريق .
ايوب: مش قتلك تبعي السيارة الي قداااامك .
وصال: مسمعتكش كنت حاطه السماعات.
ايوب: قعد يحاول يتصل بيهم لاكن مافيش تغطية.
اياااااح علينا  خيرك انتي تسكري في رأسك عجبك توا هكي رحنا
ماشين منجيبو نورر توا التلاتة معاش بيلقونا.
وصال : اسكت معاش تعيط عاود لف يمين بعدين يسار بعدين قدم توا ترجع ولا تقريبا وخر.
أيوب: ايعاود في كلامه بي هزوة....أغبى إنسانه في العالم.
وصال : باهي احسن المهم توا رحنا منقعدو منغير ماكلة ويناري على ولد عمار بيموت جعان ...سخفتني الحق.
أيوب : شكلك تحضري في الافلام الاجنابية هلبا.
وصال: لا نحضر في الهنود أكتر.
أيوب : اي وتوا تبي اطبقي الوهم متعهم عليا .
وصال : بزبط.
أيوب : والحمير الي سبقونا ماشيين يهزو في رأسهم بروحهم.
وصال: وانت أكتر من حمار.
ايوب: عاودي شن قلتي.
وصال:مش قتلك حمار والحمار ميفهمش انتي أكتر من حمار لأن اني مش متعلمة السواقة وعطيتني نسوق.
أيوب: اوووو ماايقاد باهي بري سكري فمك عليا بعيد .
وصال: هدا الي بيصير وتوا دبر كيف تطلع من الطريق وبتجيك الغولة وشعرها مطلوق وعيونه حمر ونييييههههههعععهه.
أيوب: اعوذ بالله من الشيطان الرجيم بسم الله الرحمن الرحيم.
وصال: اقرأ سورة البقرة متجيكش.
أيوب: الم ...والله مش حافظها.
وصال: حاجة تخصك
أيوب: الساعة  10 قريب تجي واني قاعد مش عارف من وين منطلع .
وصال: وخر وبرا قدام بعدين انحني لأكثر او أقل .
أيوب: أستسلم ودار زي مقتله.لين رجع الطريق الي كانو فيها.
وصال: شوفت مش قتلك .
أيوب : توا لازم ندورو مكان نقعدو فيه الليلة لعند الصبح ونبدو في مخطاطات.
وصال : اني نحب جو المخطاطات والمؤمرات.
أيوب : ننصحك معاش اتبعي الهنود.
وصال: خاطري نعيش زيهم.
أيوب : شن عجبك فيهم أربع وعشرين ساعة وهما يغردو
ويعيطو والعايش يطلع ميت حتى بعد 30 سنة .
وصال: تي لا مش هكي نبي نعيش شعور لما يضايقو
يجبو في فرقة ويبدو يترقصو خاطري نرقص ونحضر عيد الألوان.
أيوب : هوا صح يمشي معاك جوهم.. توا غدوة نعيشوه لاكن بي اكشن .
وصال:توا دور فندق نقعدو فيه يافالح.
أيوب : مضنيتش في فنادق في المكان هذآ.
وصال: باهي برا انت ارقد مع مجموعتك واني نقعد هناي.
ايوب: اوكي ...الساعة 7 تمام تبدا المهمة.
وصال : باهي انزل من السيارة .
ايوب: سياارتي راهو .
وصال: عارفتها. ..بس عجبتني توا نخطط كيف نخنبها منك .
أيوب : دمك ولا زيت محرك.
وصال : اني لما نقول الحاجة منكدبش وتوا نشوفو ...ودفاته من السيارة.
أيوب : قصدك بنت لزتني من سيارتي .
عماد : هيا تعال ارقد معانا الله غالب .
ايوب: اي الله غالب ...ومشي رقد في السيارة من الخلف.
وصال: كان مش جايه النوم مش متعوده ترقد في سيارة .

الساعة 3:30 الفجر.
وصال: طلعت من السيارة وجمعت حطب بتولع النار ملقتش ولاعه.
مشت تجري لسيارة أيوب وفتحت الباب بشوية
قعدت تفتش في الجاكيت متعه .
ايوب: قعد يفتح في عيونه بشوية لين شبح وصال
شاده الجاكيت وتفتش فيها... والله حق طلعتي خنابة.
وصال: خلعتني. ..خنابه عينك نسحابك تسبس كنت نبي ولاعه.
أيوب : قصدك انتي تسبسي.
وصال: اي بالك مش عاجبك.
أيوب : يعني حتى اختي تسبس معاك .
وصال : لا اختك تسكر معاي .
ايوب: اووو شت قصدك تسكرو.
وصال : ارقد يا عمري انت شكلك تجيك نوبات تخلف في نص الليل.
ايوب: ممكن .
وصال: عندك ولاعة .
أيوب : شوفي السيارة من القدام .
وصال: فتحت الباب لقت ولاعة خدتها ومشت.
أيوب : ليش تبي ولاعة كان متولع في سياارتي النار ...ناض من السيارة وطلع يجري بتجاه السيارة.
وصال: مقعمزة بحدا النار ولف عليه البطانية.
أيوب : منين جبتي الحطب .
وصال: مشاء الله الغابة هاذي كله قدامك مافيهاش حطب.
أيوب :مشيتي بروحك.
وصال: يسس.
أيوب : حسيتك متخافيش بكل ....حتى ذرة الانوتة ماعندكش.
وصال: تبي نوريك ذرة الرجولة.
ايوب: لا صحيتي.
وصال :ناضت من مكانه دفاته على باب السيارة بقوة وقعدت تشبح في نضرات تخوف.
أيوب : شن جاك بعدي إيدك.
وصال : طلعت الموس وقعدت تلف فيه بين يديها يمين يسار .
أيوب : حسستيني شاده ممطا وانتي من امبكري تلفي بيه .
وصال: ضحكت بي خبث  ههههه...أرجع من وين جيت .
أيوب :لاكن غدوة نعتمد عليك .... لان الإجرام عندك مليح .
وصال: قلبت عيونه وقعمزت بحدا النار .
ايوب: جاب البطانية وحتى هوا قعمز بحدا النار.
وصال: شن تبي .
ايوب: ما نبي شي .
وصال: قصدي علاش مقعمز اهني .
أيوب : والله خطر عليا نشرب طاسة شاهي منعنه معاك في نص الليل....بلا غباء جاي مندفئ روحي.
وصال: علي حسابي بدفئ  روحك ...ناضت قعدت تحط في التراب على نار وركبت في سيارة .
ايوب: يشبح ومصدوم ...السم يجري جري في عروقه ...مسمومة.

Sajdah ahmed almozge 🔥

وصال: تفكر كيف بتخطف ملاك ...وكيف بتخش للحوش .
ايوب: مقعمز في السيارة ويفكر من زعمك حي يدلنا على حوش امجد.
وعلى طول جاته فكرة وقرر يقوله لي وصال في الصبح..
_________________
نور: مقعمزة على الكرسي وتبكي.
أمجد : شن في ؟
نور: اممممممم.
أمجد :حول من عليها الصقة.
نور: كنت نتخيل في روحي راقدة على السرير وفوقي بطانية والدفاية والعة 😭وبحداي كوب شاهي سخون 💔.
أمجد: والله حتى اني نفس الشي ...بس الله غالب قعد نحرس فيك .
نور: باهي هيا اطلقني ونطلققك يعني سيبني وبرا لي حوشك والله ماني مقايله لحد عليك .
أمجد : ههههههههههههههههه  بطني.
نور: مبردك .
أمجد : ارقدي بلاهي عليك بلا جو دراما.
نور: حتى اني منرقد ..
أمجد : استني شوية .
نور: شنو؟
امجد: نعطيك تحدي وكان درتيه حانخليك تطلعي. ...يتبع
عبو تعليقات هيا 🔥🔥
وشن رايكم و  توقعاتكم اكتبوا تعليقات طويل ❤🔥