أختطاف متكرر.

الحلقة 8 والاخيرة🔥🔥🔥🔥🔥

#أختطاف متكرر(8) والاخيرة🔥🔥

أمجد :مقعمز في المطبخ ويأكل لعند خشت عليه ملاك
ملاك :ها في أخبار جديدة
أمجد : لقيتها
ملاك :كويس ..توا أمتى بيدفعو؟
أمجد:مانعرفش لاكن شكلهم مش ناوين يدفعو
ملاك :وشن بدير
أمجد : حنقتلها
ملاك :تحكي من جدك انت😨
أمجد :لاكن مشهد تمثيلي بس
ملاك :وكيف ؟
امجد: ...حنمثلو أن أنتي نور وعلى اساس تموتي
ملاك :اها فهمت
أمجد:نوضي امي باش تفطر
ملاك :امباهي
أمجد:اني ماشي للمستودع ...وطلع

________________________________

وصال:كانت واقفه قدام الباب وتعد من واحد لعند توصل عشرة وبطق الباب.
أيوب :تي هيا خشي .
وصال:اسكت معاش تقطعني اني قعدا نعد
أيوب : وصااااال
وصال: قعدت تسمع كان في حد شاد مقبض الباب لصقت على الحيط بسرعة.
أمجد: طلع يجري ركب في السيارة
وصال :خشت تجري للحوش بدون محد يشوفها
ايوب: وينك شن صار
وصال:خشيت بكل سهولة بعدين نحكيلك كان طلعت حيه
أيوب :به تمام
وصال :قعدت تتلصق على الحيط لعند شافت حمام خشت تجري ..اااااه
ايوب:شني تصاوبتي
وصال:اسكت ..المهمة هادي أصعب من لما نخنب من بوي في رصيد
ايوب: ضحك ..بسرعة ماعندناش وقت
وصال:شوية ندير في روج.
أيوب :وصاااال شن تخرطي راك ماشي تخطفي مش حفلة .
وصال:ماهو مرات نلقا حد هكي ولا هكي يعني ميجيش منه وقعدت ادير في المسكرة .
ايوب: تعرفي كان نشدك لما نكسرك.
وصال:ناضت تعلي في صوته والله والله ...بعدين انتبهت على روحه.
ايوب: تي اسكتي فضحتينا.
وصال: اسكت في حد جي .
ملاك :سمعت صوت العياط من الحمام خافت .
وصال:استنى شوية منزيد نعيط.
ايوب :خيرك انتي شن تحسي.
وصال :ياحمار باش تخاف ووتسحابني جن .
ايوب:قعدا ساكت ويسمع.
وصال:وجها كله عباته ألوان روج أحمر وطلقت شعرها..وبدت تعيط وووووه
ووووووه.
ايوب :خيرك شن في .
وصال:اسكت ياحمار هادي الخطه.
ايوب : مقلناش منديرو هكي.
وصال: صار تغير اسكت وأسمع
ملاك :حي عليا شن الصوت هدا ....وبدت تقرب من الحمام .
وصال:طلعت الموس من جيبه وقعدت تستنا في باب ينفتح.
ملاك:أعوذ بالله من الشيطان الرجيم وفتحت الباب وعيطت بالقوة لما شافت منظر وصال .
وصال: قووولي وووووه.
ملاك :من الخوف ساخت.
وصال:ناضت تغني وهدا هوا الي نبيه مشت تجري حطت على قمشة المنوم وحطته على خشم ملاك ..
ايوب:شن صار .
وصال: لف من وراء الحوش باش نحطه في السيارة .
ايوب :جدعة على قولة بوك .
وصال: اي مالا شني .
ايوب:لف السيارة وجابه وراء حوش أمجد .
وصال:قعدت تلف في الحوش ..بي أمل انه تلقا نور بس ملقتهاش
لعند لقت بابا فتحاته وشحت ملاك باش تحطه في السيارة.
ايوب:مشاء كيف  ديرتها.
وصال:حاط راسه لوطه وتشح في ملاك ..توا نقولك بعدين انت أركب في السيارة وافتح الكوفني.
ايوب :طلع يجري فتح الكوفني وقعمز من القدام يستنا في وصال .
وصال :حطت ملاك في الكوفني ...ومشت بتركب لاكن خطرت عليه انه تجي تخلعه من ناحية الباب متعه .
ايوب :هيا اااركبي وينك أمجد قريب يجينا.
وصال:جاته تجري من روشن وعيطت في وجه ..وووووووه غولة
ايوب:قريب طلع وخش من عقله لا أرديا عطاه كف .
وصال :تشبح مصدومة ....اني تعطيني ككككف.
ايوب:وووه عليا قلبي ..قعدا داهش بقوة كبيرة اه اه اه
وصال:خيرك أيوب لهذي الدرجة نخوف وقعدت تلعب بي الخصلة متع شعرها ومبتسمة .
ايوب:شن العااار الي على وجهك ...اركبي ارركبي منموت
وصال:فرحانه انه خاف وفي نفس الوقت تبي ترد الكف .
ايوب: وخر السيارة وطلع يجري بعد من القرية
وصاال:خيرك خايف هكي .
أيوب :مدلها كلينكس هاك امسحي العفن الي ع وجهك
وصال: شدت الكلينكس وبدت تمسح .
ايوب :علاش درتي هكي
وصال:عادي نبصر معاك
ايوب:معاش تبصري معاي حي على ملاك انحس فيه حته سقطة قلبية مش ساخت .
وصال:اي ممكن جتها....وقعدت تتكلم بصوت عالي توا معقولة اني نخوف
هلبا لدرجة بتموتو.
ايوب:سكري فمك .
وصال: أي بدل ماتتشكرني تهزب فيا وزيادة عطتني كف.
ايوب: أحمدي ربك جاتك كف كنت حانكسرك تكسير.
وصال: باهي توا شن الخطوه الي بعدها.
ايوب: راح نبعدو مسافة بعيدة وبعدين منتصلو بيه منديروها سلم تستلم.
وصال:ميه ميه وتوا خلي اني نتصل بيه .
ايوب :لا مافيش اني منتصل.
وصال:قلبت عيونه .
Sajdah ahmed almozge 🔥
__________________________