أختطاف متكرر.

الحلقة (2)🔥

#اختطاف متكرر.(2).

نور: افتحلي الروشن الاكسجين نحس فيه أنقطع.
أمجد: فتح الروشن .
نور: طلعت راسه شوية من الروشن
وقعدت تعيط تعالولي خاطفنني راهو وووووووه
أمجد: 😡 خاششي راسك خير مانجي نقلعه من رقبتك .
نور: ووووووه تعالولي.
أمجد: قعد يسكر في الروشن .
لعند نور دخلت راسه
أمجد : اني شن قتلك على الحركات الغبية هادي اااااه تكلمي
تبي نقتلللككك انتي تبي او لااااا تتكللمي .
نور: هييي انت ياااباااباا شن تسحابني خايفه منك
نقدر نضربك مش كان علية عليا صوتك يعني منضعف.
أمجد: اني الغبي مفروض سكرتلك فمك من غاادي.
وقف السيااره وقعد يدور في اللصقة ملقهاش
لعند وقفت عليهم سيارة.
??: عفوا ياخوي البنت الي معاك شن تكونلك نسمع فيه تعيط من روشن لم فتت.
أمجد: هادي تكون مرتي.
نور: طلعت راسه من الروشن كدداااب بلاهي ياخوي الحقني هدا خاطفني.
??:شن شن مش قلت مرتك وخيرك مكتفه هكي.
أمجد : تي اني قتلك مرتي انت شن دخلك بيا نقتلها انكتفها ندبحه
هيا برا أركب سيارتك.
نور: لا استنى هدا خاطفني بلاهي قول لي اهلي .
أمجد : مرتي عندها حاله نفسية ووتتوهم في حاجات.
??:اها اي فهمتك هيا سلامات.
نور:أحفظ رقم الطارقه ياحماار تفووووو باهي .
??:إنشاء الله بشفاء العاجل وخيتي ومشي ركب في السيارة.
أمجد: ركب في السيارة وهوا يضحك .
نور: والله كان يشدك ايوووب لما يقتلك .
أمجد: الله ترا احلفييي قولي والله .
نور: وحقربي.
أمجد: ترا عاوديها😂😂.
نور: وحقربي.
أمجد : الناس يقولو وحق بروحها وربي بروحه مش وحقربي 😂.
نور: على أساس أنت من فصيلة النااس.
أمجد:اي صح نسيت اني من فصيلة الأنس والجن ..هيا سكري فمك
قريب نوصلو.
نور:ياااربي كيف منهرب .
أمجد:هيا انزلي وحقربي وصلنا😂.
نور: فك الخيط قبل تبيني نزحف.
أمجد: فكلها الخيط
نور:كان عاجبها منظر الطبيعة الجبل والبحر والعشب الاخضر منظر خياالي .
معاك حق لما قلت كوكب زمرده..اسمع ديما اخطفني باهي.
أمجد : شن قلتي.
نور: اااء لا شي .
امجد:طق طق طق .
ملاك: مني جاينا في فجر وفتحت الباب.اووووو خوي أم
امجد: اسكتي متقوليش أسمي.
ملاك: قعدت مركزه لقت بنت وراه ...مني هاادي.
أمجد : هادي الورقه الي بتربحنا 4 مليون.
ملاك: كككيف من وين خطفتها.
أمجد : توا نحكيلك القصة بعدين هاك خششيه في دار وسكري عليه بي المفتاح بروحها وردي بالك تخلي حد يفتح عليها لأن مرات تهرب.
ملاك: تمام وهيااا انتي قداممي خشي.
نور: حست روحها تقول خاشه حبس..متعليش صوتك عليا باهي حبووبة
ملاك: اي اله بدينا من اوله خشي بلا دلع.

_________________________________

أيوب : وصل للحوش قعمز في الصالون .. وقعد يفكر في عقله من خاطفه
وعلاش المبلغ هدا كله ياااربي..

نورية: ااااه يابنيتي وينك توا ااااه الله يعلم بي حاالك وتغرد وتخبط.
ايوب: يما بدل العياط بري صلي الفجر وأدعيلها
مش تخبطي عليا من صبح ربي.
نورية: انت مفروض قالب الدنيا عليها وادور بدل ممقعمز اهني .
ايوب: قصدي واضحه الخاطف قال نبي 4 مليون..
واحني كان بعنا الحوش والشركة والأرض بيطلعو 4مليون..
يعني منفلسو تشبحي فيهم هداكم الي يوهبو على المطب..
انتي بتولي زيهم وناض من الصالون مشي ركب في الدروج سمع صوت امه .
نورية: يااوووه عليا وووه .
ايوب: زيدي نوووحي أهي قريب توصل...ومشي لداره.
نورية: قعدت واقفه وتتفكر...لا لا مستحيل هما يديروها
خلاص اصلا أنتهي كل شي بينا
لاكن مزالت يبو لالا ياااربي إنشاء الله لا.
عمار: ناض بيصلي الفجر شاف نورية مقعمزه وتفكر وتهدرز مع روحها.
خيرك يامرأ هبلتي ولا شني.
نورية: ياااعماار اني شاكه في صغار ناجي
عماار: لا مستحيل هوا هاجر واكيده مااات في البحر وصغااره الله يعلم بيهم هما وامهم تي حتى شكلهم انسيته .
نورية: زعمك هما وين قاعدين.
عمار: مانعرفش لاكن في يلي يقولو ماتو. وفي يلي يقول قاعدين في جبل
نورية: بالك ربي يعاقب فينا ياعماار في يلي درناه فيهم.

________________________________

ملاك : اياااه بدينا من اوله خشي بلا دلع .
نور: اننننننن.
ملاك: شحته من ايدها ودفتها في الداار كانت عباارة عن دار فيه الحاجات الخردة والزايدة وكانت بارده.
نور: بتخليني اهني معقوله ميصبح الصبح إلا منكون ميته.
ملاك: ميصيرلك شي وسكرت الباب بي المفتاح..ومشت لي أمجد
أمجد:وين امي
ملاك: قعده في داره اليوم صقع قتله تقعد متتطلعش لأن بتحصل برده.
أمجد : اي صح
ملاك : مقتليش من البنت يلي جبتها.
أمجد: هادي تكون ......
ملاك: لالا كدب مستحيللل😨......يتبع

تفاعلو والله قريب نبكي كاتبه 7 حلقات.
درتها قصيرة باش تتفاعلو .