نعم احببت حياتي

نعم احببت حياتي( البارت العشرين)

البارت العشرين ( نعم احببت حياتي )
بقلم / جهاد عبد الرحمن 🍓📚
_____________
لو انت مش عارف تلتزم ع الصلوات في وقتها وبتأخرها كلم حد بتحبه وبتثق فيه وقولوا شجعني اعملي جدول حاسبني في كل صلاه انا صليت ع وقتها ولا أخرتها خلي حد بتحبه يرن عليك قبل الأذان بخمس دقايق يقولك قوم اتوضي كنوع من التشجيع والله ما فيها حاجه أنكم تشجعوا بعض ع القرب من ربنا 💛♥
♡♡♡♡♡¡♡♡♡♡♡♡¡♡♡♡♡♡¡♡♡
‏إنَّ الصلاة على النبيِّ ﷺ قبل الدُّعاء وفي وسطِه وآخره؛ من أقوى الأسبابِ الَّتي يُرجى بها إجابة سائر الدُّعاء.
اقتضاء الصِّراط لابن تيمية | 📑
♧♧♧♧♧♧♧♧♧♧♧♧♧♧♧♧♧♧♧
كانَ عُمرُ بنُ الخَطَّابِ رضيَ اللّٰه عَنه يَقُول:

لَا تَشغَلُوا أَنفُسَكُم بِذِكرِ النَّاسِ فَإِنَّهُ بَلَاء، وَعَلَيكُم بِذِكرِ اللّٰهِ فَإِنَّهُ رَحمَة.
____
✨
☆☆☆☆☆☆☆☆☆☆☆☆☆☆☆☆☆☆
أسر : تستاهل اكيد بتقعد تتسهوك بس علي فكره دارين مش سهله محدش يعرفها قدي دي بنت خبيثه ومش كويسه
أدم: هيا حره انا مالي متهمنيش في حاجه اساسا
أسر: علي رايك
أدم بتفكير : طيب انا بقا حياه نفسي اعرف في حاجه جواها تجاهي ولا لا ...
أسر : طيب اسألها
أدم: لا انا متفق معها ان جوازنا علي وراق وبس وهوا كده فعلا
أسر : انتا عايز تقنعني انك يعني مش بتحبها
أدم: لا احبها اي انا مشدود ليها بس وحاسس انها مختلفه جدا وكمان مجرد فضول عايز اعرف هيا بتحس بكده هيا كمان ولالا
أسر : انتا بتضحك علي نفسك
أدم: بس ياد هتقول اعمل اي ولا لا
أسر : طب منتا عارف هوا انا هقولك انتا ده انتا محدش قدك 😉😉
أدم: ههههههههههه يعني غلطان اني باخد رايك
أسر : انتا بتحبها قول يعني مش هروح افتن عليك واقول لحياه جوزك بيحبك والله انتو هتجننوني
أدم: بس ياض.. دي كانت عايزانا نبقا صحاب أسر انا مش عايز اتعلق بحد ويسبني تاني وانا قولتلك انا مش بحبها مجرد اني مشدود ليها وعايزها وخلاص لان مفيش حاجه قبل كده كنت عايزها ومختهاش
أسر : والله شكلكو هتتعبوني معاكو المهم الي في دماغك غلط انك تشوف حياه هتغير من دارين ده غلط لان دارين دي بالذات متقربش منها دي مهتصدق وهتخرب كل حاجه ومش بعيد تلبسك تهمه كمان ....
أدم : امممممم اوكي
أسر : طيب يدومي هنزل تحت هخلص شويه حجات وهاجي تاني
أدم: ماشي متتاخرش كمان شويه في اجتماع
أسر: اوكي
___________
بعد مرور وقت طويل
حياه: والله ده انا هتشل رنيت عليه ٥ مرات ومستنيه اهوه
تقي : يمكن يكون مسمعش التلفون
حياه بنرفزه : ولو روحت لوحدي مش بعيد يموتني
تقي : هههههههههه انتو مشكله
حياه: المهم عملتي اي في العريس
تقي : هههههههههههه يختي زي اخواته رفضته مرتحتلوش
حياه بفرحه : بجد
تقي : اه ولله
حياه : طيب ده انتي جيلك عريس عسل
تقي : ده مين ده
حياه : أسر مفهوش عيب ده بقا أسر كويس ومحترم
تقي : مين قالك احكيلي
حياه : أدم هوا الي قلي وأسر هوا الي طلب منو
تقي : اممممم
حياه: امممم ايه يجي ولا ايه
تقي : هشوف وهردعليكي
حياه : ماشي سلام بقا اما اشوف أدم اتأخر لي كده
تقي : سلام
___________
أدم: تمام كده متفقين كل حاجه كده تمام وانا موافق
رجل اعمال: ماشي ياادم بيه حضرتك ممكن تمضي علي العقود
أدم: اوكي
أدم مضي علي العقود وسلم هوا وأسر علي رجل الأعمال والاجتماع انتهي في صالح الطرفين
أدم مسك الفون
أدم: اوبس ..حياه رنت٧ مرات انا الشغل نساني خالص اكيد وقفه من سعته
أسر : طيب روحلها
أدم: ماشي
أدم طلع من الشركه وراح عند حياه ووقف قدامها بالعربيه
أدم: اركبي
حياه بعصبيه: لسه فاكر اني مستنيه
أدم بجديه : اركبي وصوتك ميعلاش
حياه : طب مش ركبه يلا
أدم نزل وفتح باب العربيه لحياه
أدم: اركبي علشان مزعلكيش
حياه ركبت وهيا متنرفزه من أدم
أدم: كان ورايا اجتماع ونسيت خالص والتلفون كان صامت ومسمعتوش
حياه : خلاص ماشي
أدم قاصد ينرفز حياه : طيب المفرود تحمدي ربنا اني انا جتلك وكل يوم بوصلك اصلا
حياه بنرفزه : متبطل غرور بقا اي مش عارفه اي الغرور ده شايف نفسك اوي كده لي
أدم: مش غرور دي ثقه وبعدين انا كل حاجه فيا حلوه واي بنت تتمناني
حياه : مين قال كده طيب انا بنت اهو ومش عايزاك
أدم: لانك لازمك نظاره مش بتشوفي
حياه: والله انا نظري كويس بس انتا مش راضي تتقبل الحقيقه
أدم بثقه : لا انتي معجبه بيا بس مش راضيه تقولي
حياه : والله مغرور ومتكبر كمان وانا مش معجبه بحد
أدم بضحكه ساحره : ماشي
حياه في نفسها : يخربيت حلاوه امك انتا عسل فعلا بس مغرور و شايف نفسك بس ضحكتك حلوه اوي