لي مكتوب فلجبين مايمحوه ليدين❤

البارت الاول❤

سلام لبنات هذي اول قصة ليا لي مكتوب فلجبين مايمحوه ليدين نشالله تعجبكم وتدعموني 😙😙😙😙😙

نبداو على بركة الله

الأم : نوضي يالبقرة يالفنيانة تضلي راقدة حليلو لي يديك نشالله تطيحي في واحد ينحيلك عينيك
ياسمين:........
الام: ياختي طفلة مراهيش كامل تسمع معايا ياااسمين فاتك لحال ولا والله غير متزيدي تشوفي تليفون لي تضلي لاصقة فيه
ياسمين : (جات واقفة😂) لا لا ماما غير وليدي متمسيهش راهو كبداتي راني نايضة
الام : هيازربي فاتك لحال
ياسمين:هذي دار تقول عسكر مشي دار ياسمين ديري ياسمين متديريش
الام: يااااااا يالكلبة مزلتي غير ملبستيش
ياسمين ملقيتش حجابي هذاك لموف😢
الام يطيك لعمى راهو فلخزانة هيا خفي لبسي وهبطي شربي حليبك
ياسمين : صباح الخير بابي وباست ختها
قعدت شربت حليبها مبعد شفت في ساعتها
ياسمين: يا راني روطااار😱
الام :هذا وين فقتي
ياسمين أي باي ماما باي بابا
الابب ردي بالك على روحك وربي يوفقك يابنتي
خرجت ياسمين من دار تقول حسيبة بومرقة تلقات بصحبتها دلال صحبتها لانتيم وتقرى معاها
ياسمين: واش صباح الخير لكلبة
دلال: صباح الخير كشرودتي طولتي
ياسمين: ياودي اسكتي برك لبارح سهرت ومقدرتش نوض
دلال: سمعتي واش صرا
ياسمين :لا لا هيا ازرع ينبت تعرفيني آخر من يعلم
دلال: تعرفي محمد
ياسمين :ايه نسمع بيه
دلال: المهم هذاك زل بقلاوة يماما لكور تاعو يهبل
ياسمين:😒😒😒 أنطقي
دلال: المهم علبالك يخي بلي كامل يخافو منو ومكاش لي يهدر معاه البارح ضرب واحد قالو مخلا فيه مابقا
ياسمين: ايه هي صح شفتو خطرة عندو وحد لغزرة تخوف بصح انا واش دخلني
دلال: بففف يحكيلك لواحد ويندم امشي امشي رانا روطار

هذي هي نهاية لبارت الاول نشالله تكون عجبتكم 😍😍😍وقلولي اذا نكمل
نحبكم😙😙