الحمد لله الذي بنعمته تتم الصالحات ❤️❤️❤️❤️
نظرت يسر الي منه بحسرة وشعرت أنها تساهم في تعذيبها عندما استمعت الي نجيه وهي تسرد الي شبل المحادثه بينها وبين منه ولكن بطريقه تحمل في طياتها الكذب والخداع...شعرت يسر أنها تحمل ثقل في صدرها وترددت أتخبر منه أم لا... رفعت أنظارها اليها وجدتها سعيده ولكن كيف تنظر اليها فيما بعد ستشعر بالخزى لأنها لم تخبرها..حدثت نفسها قائله
=أنا عارفه اني مش هقدر أبص في وشها تاني خصوصا ان حماتي أكيد هتقولها اني كنت عارفه...ساعدني يارب لازم أعرفها وأفهمها.
وجدت يسر أن تقسو علي منه وتخبرها الحقيقه بدلا من اللين حتي تعلم هي مع من تتعامل...وأن هذا زواج لابد من توضيح كل شئ لشبل وعدم اخفاء أحد منهم شيئا علي الأخر...حتي لا تخوض في تجربه مثلها...وعلي شبل أن يعيطيها فرصه للدفاع عن نفسها من الافتراءات التي باتت معلقه في أذنيه...حتي لا تكون شبيهه ليسر أخرى...وينطفي نورها وتضئ عتمه وجهها.من جديد
احتضنتها لكي تبارك لها وأجلستها بجوارها بالداخل حيث يقام الفرح النسائى لتبتلع ريقها قائله
=فرحانه يا منه...خلاص خوف الصبح راح صح...ولا كل ده علشان بابا ميزعلش...قولي يا منه متخافيش أنا هقف جمبك بس بالعقل مش بالجنان.
عقدت منه ما بين حاجبيها قائله
=أنا مش خايفه علي فكرة...بس انتي خايفه صح....خايفه من ايه يا يسر...وايه سر مساعدتك ليا....انتي كنتي الصبح خايفه وبتقنعيني ان شبل كويس.
زفرت يسر بيأس قائله
=بصي يا منه هكلمك بصراحه...مكالمة حماتي ليكي...اتنقلت لشبل...صح انتي مغلطيش...بس هي قالت كلام تاني غير اللي انتي قولتيه.
مطت منه شفتيها بمبالاة قائله
=طب ما هو ده العادي والمتوقع منها يا يسر...العيب بقا علي اللي يصدقها...وأعتقد ان شبل بعد وقفته لجوزك النهارده أكيد هيقف ليها وجامد كمان.
اضطرت يسر أن تبوح بكل ما سمعته فاعتدلت تستدعي الكلام قائله بخوف علي رد فعل منه
=مقدرش يا منه...شبل مقدرش...رده عليها انه مصدقها...في مثل بيقول العيار اللي ميصبش يدوش...وأهي عرفت تضرب العيار...ياريتك ما رديتي عليها.
جحظت بمنه بعينيها غير مستوعبه ما تقوله يسر لتهتف مستنكرة
=كفايه يا يسر...أصلا كلامك ده معدش منه فايده...حتي لو كنتي قلتيه من ساعه...بس كويس انك عرفتيني ان الراجل اللي هيتجوزني بيصدق فيا الغلط.
سألتها يسر بتوجس وخوف قائله
=هتعملي ايه يا منه...هتواجهيه صح...بس افرضي ثبت علي موقفه ...هتخسرى قدامها زى ما أنا خسرت...اوعي يا منه تبقي زيي في يوم من الأيام.
أنت تقرأ
قلب بارد🌷(مكتمله)💐
Romanceلا تفرط في قلبي فاني أحبك...امنحني الحب والسعاده...لا تقلل من قلبي...لا تقسو عليا ولا تظلمني يا أحب الناس..لا تبتعد عني بقسوة قلبك. اللي عايز يقرأ اقتباس النوفيلا هيبقا في اللينك ده https://m.facebook.com/groups/183447422474327/permalink/86350971446...
