مرحبا 💕💕
(( لم يكن ذنبي ))
بقلمي UMtota ✍
أتمنالكم قراءة ممتعه حبايبي ❤
&&&&&&&&&&&&&&
سنار .........
سدته ضليت لازمه تلفون وصافنه علي حتى جلال مانتبهت علي شوكت طلع من الحمام لمن حجه وياي
جلال . هاا بويه شبيج ويامن جنتي تحجين
سنار . ها هاي شهناز اتصلت عليه
جلال . اي وشتريد منج اكيد غثتج مثل كل مره
مارديت علي انتبهت رسائل كامت توصل تلفوني دكه دكه جلال ضيك حواجبه ويباوع عليه مستغرب من الوضع فتحت تلفون اول ماشفت اول صوره شهكت ونطت عيوني وكل الاجه بالي بهاي لحظه هوه جلال قفلت تلفون راسا وحطيته جوه رجلي وجسمي كله يرجف لا مو معقوله زين منو هذا ويزن يدري لو لا يربي جاي يصير جلال يحجي وياي مااكدر ارد وبحركه سريعه سحب الجهاز مني وفتحه راسا فتح على صور صار بعدهه وردة فعل جلال صدمه غير متوقعه
جلال بحده . شنو هاي سنار
سنار بخوف . و والله ماادري شنو هاي...
جلال . اذا انتي ماتدرين منو اليدري بالله احجي بسرعه شكالتلج ذيج الغضب ومنين جابت صور
سنار . والله ماادري منين جابتهن صور
جلال . سنااااااار كتلج احجي شكالتلج
تقدم مني بعصبيه وسحلني من شعري حسيت فروة راسي اجة بيده والله دموعي نشفن من صدمتي بجاي يصير كوه كدرت اجمع صوتي واحجيله كلشي كالته شهناز وهوه يزيد من لزمت شعري
جلال . بس هيج واخوج جلب وينو ليش اختفى هااااا احجي ولاتكولييين ماادري
سنار . ماادري بي ولاشايفته من يوم الحادث
جلال بغضب وصوت عالي . جذذذذابه وروح ابوي ياسنار اذا طلع الج ايد بهذا كله موتج مايكفيني فاهمممممه
سنار باانفعال . لاموووو فاهمه ولامجذبه عليك بشي ولادخلني بهذا الموضوع كله خلينه اني واطفالي بره هاي الحسبه
جلال . ادبسزززز صوتج اذا على بوجهي مره ثانيه ازوعج العافيه 🖐🏻
ضليت ماارمش من قوة راشدي الاجاني بدون سبب كعدو جهال على صوته لان يرعد كام ولازمني من ايدي ويصيح حجيت واني مدنكه راسي منه
سنار بغصه . ممكن توخر خل اشوفهم يبجون
جلال . دنكتي راسج هسه مو لو تلزمين لسانج بس بسيطه خل اشوف هاي المصيبه واتفرغلج ست سنار
وخرت عنه ورحت اسكت بيهم هوه دك على جدي وهدده اذا طلعت صوره وحده لااخته يسويهه دم بيناتهم رجف كلبي من سمعت كلامه ثار ودم يعني اخوتي يرحون بيهه لان يزن مسافر سد تلفون وضل يفتر بلغرفه رايح راد وتلفون بيده دك مره ثانيه ضل لازمه وصافن علي بعدهه فتحه وفتح سبيكر وحطه بوجهي علمود احجي لان اهلي متصلين
أنت تقرأ
لم يكن ذنبي
Чиклитلم تاخذوني بذنب ليس ذنبي اقسم لكم برب سماوات اني لم اكن اعلم كيف حدث ذلك لما اصبحتم ضدي لماذا اصبحت نكره بلنسية اليكم هل هذا الامان الذي أوعدتوني به كيف انظر الى عيناه واقف امامهه ومن خذلني اقرب ناس لي فكيف سيثق بي وانا فتاة غدرت وطعنت من اقرب نا...
