مرحبا 💕💕
(( لم يكن ذنبي ))
بقلمي UMtot ✍
أتمنالكم قراءة ممتعه حبايبي ❤
&&&&&&&&&&&
سنار .............
سنار . بس بابا خطيه هسه شنو حاله
جلال . الله كريم دخلي جوه هسه و شوفي جهال عايفتهم من ضهر
سنار . اي رايحه بس حباب أسأل عنهه
جلال . يابه المره مأيسين منهه ادعيلهه برحمه بويه
بعده جلال يحجي وجان نسمع صرخه دوت بلبيت ركضنه كلنه لجوه وجان اشوف دينا كاعده بلكاع ودك على روحهه وملخه شعرهه ضليت صافنه عليهه ومن وره صريخهه عرفت بيبي توفت دموعي وحدهن كامن ينزلن الكل يباوع عليه وعلى دينا المنهاره اني مااعرف هيج شنو بيدي يعني كعدت مكاني والحزن خيم علينه بدال الفرح كلبي جان حاس راح يصير شي وهسه تاكدت
ميرنا . سنار شبيج ترجفين يمعوده
سنار . هاا لا مم مابيه شي حشوف جهال
ميرنا . عوفيهم يمي الحجيه راح تروح وي شيخه ودينا ترحين وياهن...
سنار . لامااروح
ميرن بتعجب . ليش غير عدكم مصيبه
سنار . جلال مانعني من ذاك البيت
ميرنا .بس هوه راح وي الولد
سنار . ماادري بعد مشفته من طلع
عفتهه وكمت اشوف اسو تبجي كعدت ارضع بيهه وصافنه داتخيل شكل بابا شون هسه خاصه هوه حيل متعلق بيبي الله يرحمهه اووف ربي يعينك شكد على بالي اشوفه وياريت الوضع يسمح جان متركته بهاي الضروف نزلت دموعي مثل جمر على وجهي توجعني حيل ومابيدي شي اسوي وبرد ناري
******************
كم تمنيت ان اكون معك ياابي واستطيع مواساتك بفقدان ولدتك لكنك ياابي حرمتني من كل شي متعلق بك ابي ااااااااه كم اشتاق لساني لمناداتك بابا ونطق اسمي بلسانك كم اشتقت لحظنك وعطرك وهمسك لي بقولك اني من يجمل يومك واني زهرتك التي تسقيها بيدك فعلا اسقيتني من حبك وعطفك وحنانك كل شي كان مبالغ بهه كل شي زائد عن المعقول هل كنت تعلم انها ستاتي هذه الأيام ولااستطيع رؤيتك مجددا ابي هل بأامل منك ان كنا سنتلقي يوما وسأعود زهرتك ام لا💔💔
**************** UMtota........
جنت صافنه ودموعي تجري حسيت بأيد نحطت على حلكي فزيت باوعت اسو حاطه ايدهه وتحرك بيهه لان مااباوع عليهه حظنتهه حيل وبجيت يااروح امج انتي حسيتي بيه ماما يعمري اخذتهم وصعدت دينا راحت وي الشيخه والحجيه شكد لحت عليه كتلهه مااكدر اعوف جهال و جلال يخاف عليهم ماقبل يطلعون بلكوه كدرت اخلص نفسي من ملحتهه جلال تأخر كلش نومتهم ونمت بس مخنوكه حيل وكلبي يوجعني بلكوه نمت حتى من وقت نمنا مادري شكد مر وكت
أنت تقرأ
لم يكن ذنبي
ChickLitلم تاخذوني بذنب ليس ذنبي اقسم لكم برب سماوات اني لم اكن اعلم كيف حدث ذلك لما اصبحتم ضدي لماذا اصبحت نكره بلنسية اليكم هل هذا الامان الذي أوعدتوني به كيف انظر الى عيناه واقف امامهه ومن خذلني اقرب ناس لي فكيف سيثق بي وانا فتاة غدرت وطعنت من اقرب نا...
