لم يكن ذنبي

مشهد 💓💓💓

السلام عليكم

شلونكم بنات شخباركم مشتاقين

بنات حنزللكم مشهد من القصه لان شكد حاولت اطول المشهد اكثر من هيج بس تنعرف الاحداث كلهه وطبعا القصه تضم بطلتين كل وحده حياتهه شكل راح تتعرفون عليهن من خلال نشر .

**********************

كاعده وحاطه ايدي على خدي ودمعتي تجري بدون سبب صارلي يومين على هذا الوضع احس بنفسي مخنوكه اكثر من خنكتي وتواجدي بهذا المكان رغم بوسط اهلي بس حاسه بغربه ما يعلم بيهه غير الله انفتح الباب مال الغرفه اتوقعت وحده من البنات مارفعت راسي حسيت بأيد نمدت على كتفي وهزني حيل رفعت راسي بفزع من شفت بابا واكف على راسي ضليت صافنه بوجهه اريد المح شي منه من حنيته ودلاله بس للااسف والدي تغير الى درجه احسه شخص غريب عني كعد مستواي ونطق بكلام خلاني انشل لايربي معقووووله جاي اسمعه انتفضت بوجهه ونسيت هذا مو بابا القديم الواكف كدامي

انتو جاي تحجووووووون لا مستحيل بابا يعني افهم منك سلمتني بيدك لشخص لااعرفه ولايعرفني مدا اصدك يربي بابا جاي يصير وياك

بابا.هذا الي صار وغصبا عليج تنصاعين لااوامره حكمج صار يمه مو يمي لان اني طلعت مااعرف اربي خلي *** هو يعيد تربيتج

كمت ادك على روحي واملخ بوجهي واصرخ فقدت اخر ذرة عقل عندي لان مستحيل اقبل أتحاسب على ذنب مو ذنبي وبابا مستمر يهين بيه ويغلط ويفشر ويلفظ الفاظ بحقي بنت شارع ماتستحقهن وماما والكل جمع على صوت عطت بي بغضب ولااول مره ارفع صوتي على بابا يمكن بسبب الضلم شفته لحد الان او فعلا اني مذنبه

كافيييييي لهناااااا وبسسسسس اني تحملتكم هواي بس خلصصص اعتقوني اني راح اعوفلكم العراق كله واهج حتى ترتاحون مني

بابا. كتلج موبكيفج سفررررر ماكو عود اذا كدرتي تعتبين باب الغرفه بدون اذن تعاي عاتبيني

ماليييي شغلل مثل ما دخلتوني بهاي لعببببببه القذره طلعني منهه بنفسك لان من سابع المستحيلات اخضع لحكمكم وجبروتكم

بابا.لعبه قذره مو هاي على منو دتحجين حييييوانه 👊

لحد الان مصدومه واني اشوف بابا يضربني بوكس على خشمي خلا ينزف اريد استوعب الصدمه الاني بيهه ماكو ياعالم اكو اب يضرب بنته بوكس عافني وطلع رفعت راسي ورا وجان اشوفه واكف بلباب وعلامات الدهشه مرسومه على وجهه من منظري واني مغطيني دم باوعت عليه بكل حقد وغضب ودرت وجهه عنه وهمست بعد ما وكعت بلكاع لان جسمي كوله يرجف من كمية الحقد والكرهه صارن عندي اتجاهه

واحد نذذذذذل وحقيييير الله ياخذك

**************************
المشهد 2

وتاليييييي وي خبالج لججججج بابا اعقلي اكو مره محترمه اسوي سوايتج هاي يابت لااصول

كتلك من اول لحظه شفتك بيهه لو تموت مراح تحصل مني شي لان بساطه اني وهبت كلبي وعقلي وكل شي بيه لشخص اليستاهلني مو الك انته فاهم

لجججججج انتي شنو هاي صلافه العندج شلون تحجين هيج كدامي الضاهر فعلا جنت غلطان وانتي وحده سززز ما تستاهلين الحب والاحترام القدمته الج بس منا وهيييج راح اراويج وجهي ثاني واخليج فعلا تكرهيني بسيطه بسيطه

ماانكر ماخفت منه ومن طريقة كلامه بس لازم اضل قويه وصامده لان مستحيل اقبل كرامتي تنهان واسكت لو مو احبه ادوس على كلبي ولاانذل لواحد مثله درت وجهي عنه وحجيت برود يعكس الحاله جنت بيهه او الوصلتهه اله بسبب غضبي قبل شويه

بكل جمود وبرود... نشوف منو راح يربح هاي المعركه او يرفع راية الاستسلام .

ايصير خير اذا ماخليتج تعضين اصابيعج ندم مو ابن امي وابوي وشاربي موعليه اذا خليت وحده خلك زعطوط تمشي رايهه عليه .

**********************

بنات شنو رئيكم وتوقعاتكم شنو 🤔🤔🤔

بنات الكل ديكول الاسم مال القصه مكرر فهسه راح اقترح عليكم اسمين وانتو اختارو او تبقى نفس اسمهه

1- لم يكن ذنبي

2- ليتك لم تكن سجاني

3- جمرة عشك

انتو اختارو حتى اكثر اسم يصعد اختاره ونغير اسم القصه رغم الاسم الاول يشرح معاناة البطلتين منتظره اعرف رئيكم لاتنسون بنات

وشي ثاني اريد تصويتكم ورئيكم على نظام تنزيل

يومين نشر ويوم استراحه 🤔

بين يوم ويوم 🤔

انتو شنو تفضلون بلغوني لان اعتذر بهاي القصه مااكدر انزل بشكل يومي بسبب ضروف عندي وبسبب انو القصه جدا طويله واحداثهه مهمه موثوقه مااكدر انزل بارت طويل كل يوم لذلك انطيتكم نظام وانتو اختارو

لاتنسون بنات علقوا على الاسئله حتى اعرف رئيكم

وعلى المشهد هم شنو لفت انتباهكم وشنو فهمتوا منه

احبببكم متابعيني الغوالي فديتكم 😘😘

UMtota.......