مرحبا 💕💕
(( لم يكن ذنبي ))
بقلمي ✍UMtota
أتمنالكم قراءة ممتعه حبايبي ❤
( 1 _10 _ 2014)
********************
ماما. يلا اسو كعدي مامي راح تتاخرين على دوامج كومي عاد
سنار . اووو مامي والله مشبعت نوم عفيه بس خمس دقايق
ماما.لج ماماحتصير ساعه بسبعه ونص يلا شوكت تلحكين تجهزين نفسج
سنار.عززززه شنو راح الوكت ليش مكعدتوني خرررب بلحظ هسه شلحك اسوي
ماما.هاي كل يوم نسمع نفس ألاسطوانه لج ياماما الف مره كوتلج نامي من وقت بس انتي الله يهديج ولاتتعاندين كاتله نفسج على سهر وشلاع الكلب
سنار.نبع الحنان راح الوكت خل اكوم البس لان لا انتي تقنعيني برئيج ولااني اقنعج برئيي تعرفين كلش زين اني احب اسهر شسوي هذا طبعي موبيدي
ماما.دكومي بين مااجهز ريوك على سريع لايجيج الخط بسرعه سنار سمعتي بين مااجهز ريوك
سنار.مدام صار بيهه سنار يعني هذا تحذير مو
ماما. لجججج كومي يلا الله يساعد كلبي عليج
عفت مامي تصيح كلعاده ورحت غسلت وطلعت على سريع لبست الزي مال الكليه الي هوه مكون من تنوره رصاصي قصيره وقميص ابيض ويلك رصاصي طبعا اغلب الكليات لبسهم عادي بس احنه حظي اله زي والله مرات احس نفسي طالبة اول بتدائي بهذا لبس مشطت شعري ورفعته لفوك وحطيت طاك بسيط بي لؤلو أبيض واخذت كتبي ونزلت على سريع اني بطبيعتي لااحب المكياج الهواي ولااحب اشيل حقيبة يد سؤاء كانت صغيره او كبيره احط كتبي وتلفوني بيدي واطلع وصلت بلهول العائله كولهه مجتمعه على سفره ديتريكون جيت بوست بابي وصبحت علي
سنار بدلع . أحلى صباح على احلى باباتي بدنيا
بابا.صباح الورد عليج يعيون بابا انتي يلا تريكي على سريع لان الولد منتظر بلباب من زمان
سنار. اني حروح لان عندي امتحان وماالحك اتريك بعدين اكول شي بلكافتريا يلا باي
ماما.لججج راحت بنفسي دكعودين يوم من وقت واشوفج ويانه على السفره اوووف منج سنارر اووف
بابا.سلامتج حبيبتي على كيفج وي روحج لايصير بيج شي من صباحيات الله متعصبه عوفيهم صارو شباب ويهتمون بنفسهم
عفت بابا يهدي بيهه لماما وطلعت لكيت سايق واكف بلباب صعدت على سريع وتوجهنه للكيله
خليني اعرفكم عن نفسي بين منوصل لكليه ههههه
اني سنار محمد من شمال العراق عايشه وي ماما وبابا واخواني يزن الكبير وعمران وأمين واخواتي لمار شهيناز واني سنار احنه تلث شباب وتلث بنات ههه بلعدله ماما اصلهه بغداديه وبابا بصراوي هههه حتكولون شلون جتمعوا بشمال للعراق بابا موضف حكومي كان يداوم بغداد مطلع تعينه بلبصره مثل مراد يم اهله فكام يداوم بغداد ماما جانت طالبة كليه ودائما على طريقهه الدائره اليداوم بيهه بابا مشاوفين كم مره بلصدفه بعدهه بابا كام ينتظره ومرات يروحلهه للكيله حبوا بعض وتزوجوا بعد توافق العائلتين بعدهه بفتره وره ولادة يزن قرر بابا يرجع للبصره فقدم على نقل وفعلا طلع نقل مالته بس بدل ميروح للبصره طلع لشمال العراق وتحديدا كركوك سافرو اهلي لمحافضه بس همه بيهه ميعرفون احد هناك بس مرور سنين طور بابا شغله وفتح معرض مال اثاث اضافه لدوامه صباحي ثبت نفسه بسوك وبجادره لان يكول الحكومه ممضمونه على اي ساعه يزحلكونه مرت سنوات وتعودو على هاي العيشه همه يشوفونهه صعبه بس بلنسبه الي جنه جانت ومازالت ماما رفضت انو نحجي كوردي داخل البيت فتعلمنه مثلهه هيه وبابا واكثر شي كلام ماما صرنه نطبقه لذلك صرنه تشكيله كوردي على بصراوي على بغدادي هههه حياتي مابيهه اي شي مهم غير دراسه طبعا نسيت أكولكم اني طالبة اداره واقتصاد مرحله ثانيه لان حلمي اصير اداريه وبلنسبه الحياة العاطفيه فأاكرهه ماعندي سوالف الحب والخرابيط المالهه داعي انتبهت من صفنتي على صوت سايق ديحجي وياي واصلين لباب الكليه نزلت ودخلت ادور بعيوني على صديقة طفولتي مينا لكيتهه منتظرتني وشكلهه معصبه طبعا مينا تعلمت تحجي عربي عادي مثلنه لذلك نكعد نقشب اني وياهه على طلاب لان ميفهون حجينه
أنت تقرأ
لم يكن ذنبي
Chick-Litلم تاخذوني بذنب ليس ذنبي اقسم لكم برب سماوات اني لم اكن اعلم كيف حدث ذلك لما اصبحتم ضدي لماذا اصبحت نكره بلنسية اليكم هل هذا الامان الذي أوعدتوني به كيف انظر الى عيناه واقف امامهه ومن خذلني اقرب ناس لي فكيف سيثق بي وانا فتاة غدرت وطعنت من اقرب نا...
