مرحبا 💕💕
(( لم يكن ذنبي ))
بقلمي UMtota ✍
أتمنالكم قراءة ممتعه حبايبي ❤
&&&&&&&&&&&&&
سنار .........
جلال . انتي منتبهه شسويتي لو لا
اول ماشفته عاف فضه واجه عليه واني اركض راسا شردت لدرج نسيت حتى جهالي خرب بلحظ هسه لو صايحه واحد من اخوته مواحسن بالله بس نثولت مدري شبيه وصلت لنص درج اريد اشوفه وين لكيته يركض وراي شردت للغرفه اول ماوصلت اريد اسد الباب حط رجله ودفعه وطب باوع عليه بنظره ماكدرت افسرهه ودار جهه قفل الباب انوب دار وجهه عليه كال
جلال . شمرين عليه كلاص ماي مو وكدام اختي جهال كدامج لجججج احجيييي نبلع لسانج هسه مو
سنار بخوف . اء اء أسفه والله من خوفي على فضه هيج سويت لان البنيه مريضه
جلال . عوفج من فضه خلينه بيج انتي لازم تتعاقبين على سوايتج هاي حتى ماتجرئين تعيديهه بعد
سنار . يعني شنو شراح تريد تعاقبني هسه علمود كلاص مي
جلال . يعني عادي عدج ولاجن مسويه شي
سنار . دجاوبني راح تعاقبني مو.
جلال . اليوم الغباء مشتغل عدج مو شلون ماجان يووول دحكي عليه وفهمي لاتخليني اعيد الكلام مرتين
سنار بمكر . معناهه خلي ذنب يسوه اتعاقب علي
جلال بستغراب . شلون ماسمعت
سنار . والله من كال ها سمع
جلال . انتي خبله ماتحجين عدل
مارديت علي مو يريد يعاقبني عاد خليهه تستاهل الضربه راح اكلهه منه شلت كلاص جبير مال مي هوه مخلينه اله بلغرفه وشمرته كوله علي وشردت من الغرفه للحمام كبل وقفلت الباب هوه ضل مصدوم من تصرفي واكف مكانه قفلت الباب انوب اريد الزم روحي ماكو متت من ضحك على كلشي صفنته وعلى شردتي من كدامه
بس ماكو صوت سمعت صوته يدك بلباب ويصيح عليه بس عادي مو عصبي
جلال . سنار طلعي أدم يبجي ومتقيئ على ملابسه بسرعه نزليله
راسا فتحت الباب بدون تفكير يمه وكع كلبي شبي ابني هسه عفته ساكت عد الشيخه طلعت اركض وصلت لباب الغرفه افتح بي مقفول شنو سالفه بعدني اريد افتر بس بحركه سريعه نسحبت من شعري حيل غمضت عيوني غبيه ضحك عليه اكيد علمود اطلع فرني علي وكال
جلال . فتحي عيونج خاتون شني خايفه
سنار بتوتر . حباب بداعت اعزازك عوفني توبه اسويهه بعد
أنت تقرأ
لم يكن ذنبي
Chick-Litلم تاخذوني بذنب ليس ذنبي اقسم لكم برب سماوات اني لم اكن اعلم كيف حدث ذلك لما اصبحتم ضدي لماذا اصبحت نكره بلنسية اليكم هل هذا الامان الذي أوعدتوني به كيف انظر الى عيناه واقف امامهه ومن خذلني اقرب ناس لي فكيف سيثق بي وانا فتاة غدرت وطعنت من اقرب نا...
