مرحبا 💕💕
(( لم يكن ذنبي ))
بقلمي UMtota ✍
أتمنالكم قراءة ممتعه حبايبي ❤
&&&&&&&&&&،&&&*
سنار .......
مرات نحس انو لازم نتأقلم وي الوضع لااحنه بي ننسه شوي المشاكل داير مدايرنه هذا الي جنت افكر بي انو لازم انتبهه على علاقتي بجلال اكثر من هيج يعني اني اعترف هامله زوجي بشكل غريب او يمكن بسبب المشاكل جانت صير صرنه بعاد ومااجت الفرصه انو نتقرب من بعض اكثر
هوه حتى مقترب مني غير مرتين بس الاولى علمود اثبت برائتي وثانيه صارت غصب ومااعرف منو بيهن سوتني ماما ههههههه قمة الغباء مو حمل بهذا الوقت وضعنه ابد مامستقر واحدنه ماعندو اي مشاعر لثاني مجرد زواج تقليدي نفرض علينه ثنينه هوه عادي تأقلم وي الوضع بسرعه وصار من اول يوم يصرف عادي كأي زوجين بس من شافني مامتقبله فكرة يتقرب مني او يلمسني بقى بعيد عني وصار يجاهل وجودي شوي شوي لحد موضوع الحمل حسيت هلشي قربنه رغم العرك والمشاكل البينه بسبب الموضوع بس اكو شي يجمعنه حتى لو عركه المهم اكو شي بيوم رجعنه من بغداد ولكيت نفسي غافيه بااحضانه حسيت باحساس غريب ماعرفت افسره شنو بس راحه مو طبيعيه وأمان
لاول مره من زوجنه لحد الان انام بحظنه لصبح وهوه هم جان حاظني بكل قوته كعدت كولي نشاط متامله بدايه جديده لحياتنه وي زوجي وابني هههه
بس ضاهر ممكتوبلي الفرح لازم اكو شي ينغص عليه وهلمره جانت القشه القسمت ضهر البعير هلمره صدك انتهيت جنت صافنه على وقاحت شهد اليوم مبالغ بيهه ومامرتاحتلهه لذلك لبيت طلب الشيخه وعفتهم
رحت للغرفه ماكدرت انام لان كعدت متاخره اليوم ضليت متمدده انوب صدك غفيت كعدت قريب جيته كمت لفيت شال وطلعت غسلت ورحت للهول كلهم مجتمعين غريبه مو بلعاده يبقون وره الغدى بيت خالتهم رحت كعدت يمهم شويه ودخل جلال سلم عليهم وراح يغسل واني كمت احمي الاكل كملت وصبيت وهوه ماكو استغربت شصار عده وحتى من اجه مفول من العصبيه طلعت اشوفه لكيته واكف يم درج وشهد واكفه كدامه لازكه روحهه بي لزك سمعتهه تكله
شهد . والله ممصدكه واخير صرت مرتك شيخي ياحلم عمري
ضليت جامده مكاني حتى ماارمش انتبهه عليه جلال واجه بتجاهي لان شافني شون واكفه فجاءة حسيت بشي دافي ينزل عليه تلمسته بيدي خشمي ينزف مسحته بكف ايدي وعبرتهم وصعدت لفوك بدون ماانطق بحرف قفلت الباب عليه وهنا اطلقت دموعي جنت حابستهن ضليت افتر بلغرفه وماداري شسوي تعبت من الفر بلغرفه وخشمي ماتوقف نزف مالته وصلت حدهه عندي وكلمته ترن باذني مرتك صرت مرتك صرخت بصوت عالي واني اشمر بلغراض بلغرفه
سنار . واني شنووووووووو اذا هيه مرتك اني شنوووو والله يأخذكم لييييش دمروني هيييج ليش يالله دخيلك طلع هاي ناررررررر من صدري يااااااااالله
أنت تقرأ
لم يكن ذنبي
Genç Kız Edebiyatıلم تاخذوني بذنب ليس ذنبي اقسم لكم برب سماوات اني لم اكن اعلم كيف حدث ذلك لما اصبحتم ضدي لماذا اصبحت نكره بلنسية اليكم هل هذا الامان الذي أوعدتوني به كيف انظر الى عيناه واقف امامهه ومن خذلني اقرب ناس لي فكيف سيثق بي وانا فتاة غدرت وطعنت من اقرب نا...
