حياة فتاة مرحة 😄

3

مرحبا 👋
اقتباسةة " ان الحياة مليئة بالمفاجأت فعليك الانتباه دائما"
لقيت الصدمة 😨...
انا : ف ف ف فهد
" يلا احكي ليهم ب فهد دا 😝
فهد اخو سبأ حاليا عمرو 17 سنة تقريبا اتربينا مع تقريبا 🙂💔
طبعا ناس سبأ اعراقهم كتييرة 😂
حأشرحها ليكم
ابو سبأ يمني يلا ابوهم اسمو عماد، عماد دا ابوهو يمني و امو عراقية تمام
اما ام سبأ سودانية و اسمها مشاعر، مشاعر دي ابوها سوداني و أمها تركيا شفتو كيف ميكس عجيب 😂💔
يلا سبأ طالعة بتشبه ام عماد تشبه العراقيين و فهد طالع يشبه ام مشاعر يشبه التركيين يعني عيونو رمادية و شعرو نااااعم شديد و انا كنت مكرهاهو شعرو 😂💔
كنت كل ما القاهو بشد شعرو احيانا بحس انو شعرو حيقع في يدي 😂💔
لما كنا في السعودية كانو جيرانا طوالي و 24 ساعة قاعدين مع بعض اتذكر يوم كان عمري 10 و فهد عمرو 13 سنة و كان داخل بيتنا و لقاني في وشو  طوالي قلب وجهتو عشان عارفني ما حأرحمو في شعرو يلا هو جرا و انا جريت لفينا الشوراع كلها 😂💔 يلا هو عنيد و انا عنيدة اكتر منو 🌚💔 يلا و احنا جاريين جرانا عندو كلب بطلعو احيانا يتشمى بس هو شافنا جاريين جا جاري ورانا و انا لاحظت ليهو بس بقيت اصرخ : الكلب الكلب يا فهد و الله الكلب جاري ورانا الكلب طبعا فهد خايف مني اكتر من ما هو خايف من الكلب 😂💔
طبعا حسيت ليك الكلب قرب خلااص انا فكيت الجرية و سبقت فهد دخلت البيت و قفلت فهد مع الكلب برة و الكلب مُصِر يلحق فهد طبعا انا بعاين ليهم بالشباك و بصور فيهو كان شكلو بضحك 😂💔 لما حسيتو بالجد تعب فتحت ليهو و دخلتو بيتنا قال لي و هو بيلهث : شكرا  😫 انا : ما حأقبل كلمة شكرا دي 😂 و عاينت ليهو زي كدا 🤓 قال : اتفضلي انحنا طبعا عشان فا ق الطول  و مسكت شعرو جرييتو لما صرخ 😂😂
يلا انا الخلعني انو بتذكر انو  فهد جاهو سرطان حمانا الله و لما جينا السودان اتصلت علي سبأ و قالت لي انو اتوفى طبعا زعلت اول لحظة بس بعدها تاني و لا جبت سيرتو بالغلط زاتو 😂
يعني انا زمان كنت شبه معجبة بيهو شبه و هو كمان بس وعيت و عقلت و كدا 😂💔
و انا انصدمته لما لقيتو قدامي... يلا نكمل "
فهد : بسم الله مالك 😂
انا : انت عايش 😨
فهد : لا و الله بس اخدت إجازة من المقابر عشان اسل عليك ( سغيل و دغيل و لتيخ 😒)
انا : لا بالجد ما سبأ قالت لي مت
فهد : كنت على وشك لكن الله قادر 😂
هو كان مادي يدو و انا ما سلمت
فهد : يعني ينفع تسفهيني قدام خلق الله كدا 😒
انا مديت يدي و سلمت عليهو و جريتا
فهد : ما نفسك تشدي شعري 😂😭😂
انا : لا عييب بقيت كبيرة 😌
فهد : ما شاء الله و الله ما عرفتك انتي روان سلمان 😂💔
انا : لا قرينها 😒
فهد : و الله لسانك الطويل دا يوم بقصو ليك 🙂💔
انا : كدي جرب عشان شعرك يتحتى كلو في يدي 🐸💔
فهد : حأتجاوزك بس 🙂💔... ما شاء الله بقيتي كبيرة كنت متخيل الناس كلها تكبر ما عدا انتي يا قزمة 🤠💔
انا : عيد الجملة دي تاني عشان الفحك بكف احت ليك طقم سنونك الفوق كلو 🐸💔يلا سلام
فهد : طيب ممكن تفتحي الرسايل الرسلتها ليك 🙂💔
انا : مااام و طلعت لساني و جريت دخلت المطعم 😂💔
طبعا دخلت و وشي عامل كدا 😨
نوار : ما شاء الله حلويين مع بعض 😉
خالد : طلعتي بتحنكي و احنا ما عارفين طلعتي خطيرة لكن 😉
شهد : يا بت دا منو المز الواقفة معاهو دا 😪
سبأ : احم احم انتو بتتكلمو عن اخوي على فكرة 🐸💔
انا : تافهات يلا 🙂👋
شهد : تقريبا عندك حاجة حتقويها لي صح 🙂💔
انا : انتو لييه داينا مخكم ماشي شمال كدا 🐸💔 قفلو يلا 😂
اثناء ما احنا بنتونس مسكت تلفوني و لقيت الساعة 6:8 بقيت اصرخ : وااااي يل ميدو الليلة ماما بتقتلنا 😭💔
نوار : الساعة كم
انا : 6:8 دقيايق و لحد ما نصل حنتأخر وااي
ميدو : حنعمل شنو
انا : و الله ما عندنازحل غير انو نطلع يلا يا نوار صح ماشة معانا
نوار : اسوة
شهد : طيب انا ماشة معاكم
سبأ : طيب انتو ساكنين وين
انا : في.... جنب.....
سبأ : عنجد انتو قريبين مننا طيب نخلي فهد يودينا
انا : فهد بسوق عربية 😳
سبأ : من زمان 😂
يقين : يلا دا جاكم في جرح انتو امشو معاهو و نحن بنرجع بالمواصلات
انا : اوك يلا
طبعا كنت خايفة انو ماما ما تدخلنا البيت وااي 😭😂😭
ماشة بسرعة بس صدمت لي و اتكشحت فيني موية
انا : يااااا الله  عميان انت 😡
الولد : انتي العميانة على فكرة اسي خسرتيني ثمن الموية زاتو.
انا: انت حيوان عاين بليتني كيف يااخ
الولد : و اعمل ليك شنو يعني 😒
انا : بالله زح من وشي عشان ما اقشطك كف اللصقك مع الحيطة
الولد : ما ماشي إلا تعتذري
انا : بالله انت منو عشان اعتذر ليك 😏
الولد : انا ولد وزير المالية
انا : اهاا يعني حنتادي بابا و تقول ليهو عاين البت دي بالله امشي يا ولد ميكي يا كوز 😡
الولد : احترمي نفسك 😡
انا : لما تزح من خلقتي اول 😏
الولد زح لي و انا مشيت و اصحابو قعدو يكوركو و يضحكو فيهو 😂💔
بس القى ليك فهد مع اصحابو
انا : فهد انت المقعدك مع ديل شنو 😳
فهد : لقيتك رداحة لكن 😉
انا : التهي يا ولد و قو وصلنا سريع
فهد : معليش ما بوصلكم عندي مشوار 😒
انا : منجدك انا حصل طلبت منك طلب بلييز يا فهد الله يخليك
اصحابو بقو يقولو : بليز يا فهد بليز و بحاكو في صوتي و هو بيضحك انا اتغظت شديد و قلت ل ناس شهد  : يلا نمشي برجولنا يلا
سبأ : ليش 😭
انا : دا ما أخوك اللتخة دا
يلا باي
و مشينا برجولنا ( كدرلي يا كدرلي، 😂)
بيتنا بعيد شوية و شهد تقيف مساافة و نكمل و انا اشيل و اعاين للساعة خايفة خوف لما قريبنا للبيت كانت الساعة ماشة ل تسعة قلت الليلة خلاص حيكتلونا شهد دخلت بيتهم و نوار قالت لي بدخل معاك عشان ما يشاكلوك ( الحركة دي بتحصل كتيير بس اول ما تطلع بيكتلوك 😂)
انا : شكرا
اول ما وصلنا لقيت ماما واقفة في الباب و معاها ام نوار 😂😭😂💔
قلت ل نوار : شكلها حتكون  جنازة جماعية 😂💔
حصلنا كدا ماما مسكتني من اضاني و قالت و هي ضاغطة على أسنانها : اناصح قلت ليكم ترجع  8 صح و لا لا 😡
قلت ليها و انا بصرخ : اااي اااي اضاني ااي مامت معليش و الله ما بعيدها و الله اسفة 😭💔
و نفس الشي ام نوار و ميدو اتسحب براااحة و دخل البيت من غير ما يسألو 😂💔
معفن خلاص 😂💔
خلصنا عقوبة و انا قعدت اضحك 😂
طبعا من عادتي انو لو في حد ضربني او عمل لي شي بضحك بدل ابكي  و بعدهاالناس كلها بقت تضحك معاي 😂💔
دخلت البيت غيرت ملابسي و مسكت التلفون و بقيت اتفرج في الصور و رفعتها استوري 😍
طبعا اي زول علق عليها كانت حلوة شديد 🤤❤️
و فجأة اتذكرت الرسائل حقت فهد كانت بتقول :
السلام عليكم
كيفك
ما أظنك عرفتيني
لكن انا فهد
و رسايل كتييير و انا كسلت اقراها كلها بس لقيتو معلق على الصور اللي في الاستيس
و اخر رسالة كانت اسف ما قدرت اوصلك عشان اصحابي حيشغلوها لي
انا رديت ليهو و قلت : عذرك اقبح من وشك وبسببك ماما عاقبتي و تاني ما تتكلم معاي 😒
و الغريبة انو قراها طوالي و هو عايز يكتب عملت ليهو بلوك لاني كرهتو شديد في اللحظة دي ( طبعا اكتر حركة حارة  و غياظة انك بتكون بتكتب و فجأة يعمل ليك بلوك، 😂)
و اتخمدت و نمت على كدا 😪
يتبع...
# نلتقي_في الحلقة_الجاية 😄❤️
باااي