حياة فتاة مرحة 😄

4

مرحبا 👋 (اعتذر  عن الغيبة الطويلة بس كان عندي التهاب 😅)

إقتباسةة (احيانا يأتيك الإلهام لترك أشياء او اناس كنا نرتاح لهم)

صحيت من النوم الضهر يعني سمعت صوت الاذان و قمت مخلوعة عاينت ما لقيت اي زول في البيت استغرلت قلت : يا ربي الناس دي مشت وين 😕
عايزة ارجع انوم تاني اتذكرت انو اليوم الخميس و نطيت و قعدت في نص السرير و إتذكرت انو يوم الخميس طالعين ناس عمتو و انا قلت ما ماشة ما اتوقعت انهم بالجد يخلوني  😂💔
المهم انبسط و دخلت الحمام غسلت وشي و عملت الطقوس المعتادة طبعا 😂💔
نضفت البيت زييين و رتبتو و بقيت اتفرج و اقول : يا ربي انا نسيت حاجة و لا شنو في حاجة ناقصة 🤔... اااا احسن اولع بخور
ختيت الفحم في النار و جيت جارية عشان اخد البخور فجأة الجرس ضرب قلت احسن اهت البخور اول شلت البخور و ختيت الفحم في المبخر... شايلة المبخر و ماشة على الباب حصلت الهول اتصدمت مع زول و البخور اتكشح فيهو و هو حار 😭 عاينت لقيتها شهد 😂
و بقت تصرخ : وااااي واااي النار وااااي الفحم مسكت في ملابسي وااااي 😭💔
و انا بقيت اصرخ معاها : وااااي حرقت البت واااي و نصرخ 😭💔
و ما قادرين نعمل حاجة 🙂 على صوت صريخنا ولد الجيران جا جاري شهد مسكت فيهو من قميصو و تصرخ : النار وااااي النار و تبكي 😭💔
انا لما وعيت لقيت شهد ماسكة الولد من رقبتو و خانقاهو و هو بقول : استهدي بالله ما حصل حاجة قولي بسم الله فكيني 😖💔
و انا بقيت اضحك و الله ضحكت ضحك في الدنيا دي بس الحمد لله 😂😭😂💔
و الضحكني اكتر انو الولد كان الكراش حقت شهد يعني ختت نفسها في موقف زبالة 😭😂😭💔
انا اخدت كباية موية كبيرة و طفيت النار و هي لسه ماسكة الولد و تصرخ انا ضربتها بالكباية في راسها لمن راسها لفا 😂😭😂💔
لما وعت على نفسها فكت الولد و جري على الغرفة حقتي انا ضحكت ضحك و الولد زاتو مات بالضحك قال لي صحبتك دي مجنونة و طلع 😭😂😭💔
دخلت ليها و انا بضحك و بقولد: واااي يا شهد دا صح الكراش حقت واااي ختيتي نفسك في  موقف زباااالة 😭😂😭😂😭😂😭💔
قال لي : الله ياخدك ياخ حرام عليك 😭💔 و تداعي فيني ساعة كاملة و انا بضحك 😂
قالت لي : طول ما أنا عايشة اوعك تجيبي سيرة لحد ok  😭💔
قلت ليها : ok 😂😭😂💔
قالت : طيب نبدا طقوس تاني يوم من الاجازة؟! 😉
انا : يلا بينا
جبنا سناكس و شيبس و مشروبات و فيلم و بوشار  و حاجات تحفة شغلنا الفيلم و بدينا ناكل شهد كانت مندمجة مع الفيلم شديد فجأة قلت ليها : شهد
ما ردت
قلت ليها : انا عايزة اقطع  علاقتي بأي ولد
عاينت لي و قالت : بتهظري صح 😂💔
انا هزيت ليها راسي بمعنى لا
قالت : و السبب
انا : ساي بس
اتصلت على كل الاولاد مكالمة جماعية و كلمتهم اني عايزة اقطع علاقتي بيهم بقو يكوركو و يشاكلو فيني و انا ساكتة خالد قال ليهم : شباب خلاص اعصابكم هي اختارت كدا و نحنا نحترم رأيها
قلت : شكرا ليكم و انا مبسوطة اني اتعرفت بيكم و مع السلامة ❤️
قفلت الخط و حسيت براحة نفسية كدا
شهد ابتسمت و كملنا الفيلم عادي ❤️
( اسفة بس ما بقدر اكتب اكتر من كدا)
# نلتقي_في_الحلقة_الجاية 😄❤️
باي