حياة فتاة مرحة 😄

6

مرحبا 👋
.
.
.
شهد كانت بايتة معاي عشان نطلع سوا المدرسة صحينا الساعة 7 عشان نطلع اتجهزنا كنا لابسين لبس بسيط بس راقي ( طبعا مقطمين دايما بنكون مطقمين 😂👋) لابسين بنطلون اسود و بلوزة بالابيض و هاف جاكت بالجينز و طرح بالكبدي و سبورت بالابيض و ما عملنا حاجة ابدا في وشنا قلنا عشان ما يطردونا من قبل ما نتسجل 😂💔
الموهيم طلعنا على المدرسة اول ما دخلنا استقبلتنا المشرفة كانت ظريفة و رحبت بينا 😍☺️ المدرسة كانت ضخمة لدرجة المبالغة و رهيبة رهابة تلخم 😂💔
و احنا ماشين إتفاجأت باولاد سمحين كدا حايمين في الساحة قرصت شهد براحة و همست ليها : شهد ديل الجابهم هنا شنووو 😡
شهد قالت لي : نظام ما عارفة هي اصلا مدرسة مختلطة 😄💔
قلت ليها : ما كنت عارفة و الله 😑
المهم سجلونا و قالو لينا امشو جربو اللبس في محل تبديل الملابس اخدنا الملابس و نحنا ماشين من شدة ما المدرسة كبيرة لدرجة انو ضعنا 😂👋💔
بقينا لافين ساااي و احنا ماشين صدمت زول ( ما عارفة بس دايما بتصادم مع الناس 😑💔) غمضت عيوني و اخدت نفس عمييق و قلت : استغفرتك يا مالك روحي مالك يااخ ما بتشوف 😕
الولد : و الله اسف ما كنت اقصد 😢
قلت ليهو : خلاص والله شكلك مسكين و محترم  لكن بعلمك الشيطنة 😂💔
قال لي : عفوا؟!
قلت ليهو : لا ابدا عن اذنك 😄
و مشيت خليتو و اخيرا اخيرا لقينا غرفة تبديل الملابس جربنا اللبس و طلع مظبوط علينا الزي عبارة عن مريول طويل رمادي و بلوزة بيلبسوها بجوة باللون الابيض 😄
و احنا راجعين المكتب لأمهاتنا سمعت اصوات اولاد بيتكلمو براحة بقولو : يا مان ما شفت زولتي ديك حتقرا معانا 😩
واحد قال ليهو : مالك زعلان خلاص 😂
واحد تاني قال ليهو : شكلها حتأدبو عشان كدا 🌚 و ضحكو
الولد قال ليهم : خلاص بس خايف استاذ علي يكشفنا عشان... و قطع كلامو و عاين لي و قال : في حاجة 🙁
انا : ابدا بس كنت حابة أسأل عن مكان المكتب 🌚💔
و صفوهو لي قلت ليهم : شكرا و اسفة عن الازعاج 😅❤️
قال لي  : ابدا مافي ازعاج و ان شاء الله نبقى اصحاب في المدرسة 😉
قلت ليهو : ان شاء الله يلا باي 👋
و انا ماشة بسمعهم بقولو اسي الزولة دي لو ربطها ما احسن ليك من مزن حقتك دي 😂
انا ما ركزت مع الكلام و رجعت كملنا كل شي و اخدنا الكتب لانو كنا حننزل بعد اسبوع 🌚💔
كان اسرع اسبوع يمر  علي 😑💔
يوم الاحد كان اول يوم صحيت بدري لبست ملابسي  و جهزت شنطتي و اهم حاجة فطوري و كان عندي كباية كبيرة فيها غطاية و مصاصة كبيت فيها حليب بارد وكاكاو و اثناء ما انا بعمل فيهو الترحيل جا من الاستعجال اخدت معاي الكباية و انا ماشة و بشرب سااي و لا اشتغلت بي زول 😂💔
ركبت قلت لي السواق : صباح الخير معليش اخرتك 😪
طبعا ركبت ورا اصلا بحب اركب ورا و بالذات جنب الشباك العشق قعدت و بشرب و جات شهد قعدت قدامي ما عارفة مالها الليلة 😂💔 بنتونس كدا بس اشوف ليك الولد المحترم داك جا قعد جنبي و قال لينا انا و شهد : صباح الخير 😄
قلنا ليهو : صباح النور معانا في الترحيل دا 😃 ( بصوت واحد لمن الولد اتخلع  😂💔)
ضحك و قال ايوة 😂... ممكن سؤال في الحقيقة هم سؤالين
شهد قالت ليهو : اتفضل
قال ليها : انتو اخوات او كدا و لا تؤام مختلف 😃
شعد قالن ليهو : نع 😀 صحبات بث 😃 و السؤال التاني
قال : السؤال  التاني موجه للأنسة دي و أشر علي ( ما وريتكم عندنا عادي نجيب تلفوناتنا) انا بشرب و منتبهة مع التلفون
قال لي : ممكن اعرف السبب الخلاك تجيبي الكباية معاك كان ممكن تخليها في البيت اذا مستعجلة 😄
قلت ليهو : مستحيل يوم من الايام ما أشرب المشروب دا 😃💔
قال لي : اهاا
طبعا انا منتبهة مع التلفون و الولد و شهد معاهم كم بت و ولد بيتونسو
انا لما زهجت قلت ليهم : ما تجو نعمل فقرة تعارف بسيطة كدا 🌚❤️
قلت ليهم : انا روان سلمان داخلة اولة و دي شهد كمان داخلة اولة
الولد قال لينا : انا اسمي سند داخل تانية
في بت قالت : انا اسمي سلوان داخلة تانية برضو
و في ولد قال: انا سامي داخل اول
المووووهيم اتعرفت عليهم كلهم و حصلنا المدرسة و انا من الباص و خاته مصاصة الكباية في خشمي سند همس لي في اضاني : من الاحسن انك تطلعي المصاصة من خشمك لانهم حيتريقو عليك 😂
كان فيها لسه شربتها سرعة و دخلتها الشنطة قال لي كدا تمام و ضحك و انا ابتسمت ليهو انا لاحظت لبت شكلها حبيبتو القديمة بتعاين لي بنظرات ما حلوة كأني عملت ليها حاجة ما ركزت معاها و دخلت المدرسة طبعا بقيت مصدومة في كمية الناس و سماحتهم ما شاء الله بس 😂💔( انا زااااي حلوة على فكرة 😃😂)
كنت ماسكة شهد من يدها و حايمين في المدرسة و ما عارفين و لا شي 😂💔
سند جانا و عرفنا رايحين قال لينا و هو بيضحك : لو عايزين حاجة كلموني عشان اساعدكم
طبعا انا معروف لساني متبري مني 🐤💔 قلت : ما... شهد قفلت لي خشمي و قالت : ما عارفين الفصل ب وين 😢
ضحك و وصف لينا و دخلنا طبعا باشرنا الحصص طوالي لما جا وقت الفسحة شهد طلعت تجيب لينا تحلية و انا قاعدة في الفصل بكتب فجأة اسمع ليك صوت بقول : الاكل اهم من القراية على فكرة 😄
ما قبلت و لا رديت حتى ( عارفة نفسي ثغيلة و دغيلة 🙂💔)
وقف قدامي و غطى السبورة لقيتو نفس الولد الكان مع شلتو امس اتذكرتو قال لي كيفك 😇
قلت ليهو : اهلين
قال لي : اخبارك 😍
قلت ليهو : الحمد لله
قال لي : انتي طوالي باردة كدا 😕
قلت ليهو : ما كدا بس قاعدة اكتب
قال لي : انا مهند في تانية و انتي
قلت ليهو : روان 😄 يلا ممكن تبعد شوية انت حاجب عني السبورة 😅
قال لي : اكيد يلا انا ماشي فرصة سعيدة نتلاقى تاني 🙂
قلت ليهو : انا الاسعد
و طلع جات شهد وراهو طوالي و قالت لي : عمو علي قال عايزك في مكتبو
قلت ليها : ليش 😢
قالت لي : ما عارفة و الله
في ولد واري في الكنبة اسمو ياسر قال لي : سجمك الله معاك 😂
طلعت براحة و جسمي بيرجف حصلت المكتب دقيت الباب قال لي اتفضل
دخلت و تخيلو لقيت منو في المكتب
نفس البت حبيبة سند 😤💔
قالت لعمو علي و هي اصلا مياااعة : و الله يا مستر انا شفتها دي هي البت و عندي إثباتات كمان
قلت في قلبي يثبتوك بجريمة قتل ان شاء الله الله لا جاب باقيك 🙂
قلت لعمو علي : خير في شنو
قال لي : و الله البت دي قالت شافنك بتسجري
انا بقيت فاتحة خشمي و بعلين ليها كدا 😨
قلت ليهو : يا مستر اولا انت بتعرفني حق المعرفة و انا ما محتاجة ابرر لزول ok
البت اسمها ماريا قالت : عندي اثبات... جابت كم بت متفقة معاهم وقالو : ايوة يا مستر احنا شفناها الصباح
ضغطت على عيوني بأصابعي و قلت ليهم : استغفر الله العظيم طيب انا كمان عندي شهود كلمت شهد و سند و ناس الترحيل
شهد قالت : عمو علي معقولة تصدق التافهات ديل و الله العظيم روان دي مفروض اخر زول تشكك في أخلاقها تصدق البت دي المياعة التافهة دي و تملى مكتبك عشان كلام قالتو هي و الله تصبر بس خليني امرق من المكتب دا كمان نتفت ليها شعرها العاجبها دا بس اصبرو من اول كدا 😡
سند قال : و الله يا أستاذ انا روان دي ع فتها يادوب لكن بت في قمة الادب و اظن انت كمان عارف احنا معاها من الصباح
ماريا مسكت سند من يدو و قالت بميااعة : سنودي انت مع البت دي حسابي معاك يا روان
قلت ليها : شوفي يا بيبي اسمك منو... ماريا صح شوفي يا بت الناس انا ما فاضية لحركات بنات و قلة ادب فارغة تمام انتي قلتي عني و جبنا ليك الاثبات و احسن ليك تختي دربي تمام و إلا  و ديني و ما أعبد اخليك تسفي التراب و اخليك تندمي على اليوم الغلطي فيهو و اتحديتي روان سلمان و هندة قدام المدير تسألني انا ما بخليها و اعلى ما في خليك اركبيهو تمام يا بيبي 😁
و طلعت و طلعو معاي قلت ليهم :  نرفزتني الله لا جاب عقابها ان شاء الله
عدينا باقي اليوم و رجعنا البيت و حكيت ل ماما بالحصل قالت لي : و الله ما اسكت البت دي اذا عملت كدا من اول يوم ما حتخليك يا بتي
قلت ليها : ماما خلاص ما تكبري الموضوع و انا خذرتها و بعدين انا ما بتخاف علي.. بستها و رقدت نمت
.
.
.
#نلتقي_في الحلقة_ الجاية 😄❤️
باي 👋