حياة فتاة مرحة 😄

9

مرحبا 👋
.
.
.
كملنا اسبوعين في المدرسة و طبعا يوسف ما جا عشان البكى و انا بمشي ليهو كل يوم بمشي ليهو و بساعدهم  و كنا نازلين امتحانات يعني بالجد كان ارهاق ما طبيعي يعني بقيت بصحى من 3 صباحا و بقرا و بمشي المدرسة  بعدها بمشي لبيت يوسف و براجع ليهو الفاتو و بساعد في البيت و برجع قريب المغرب بقرا و بكتب واجاباتي  و بخلص في وقت متأخر يعني انا ممكن انوم ساعة وااحدة بس كانو اسبوعين بس الحمد لله 🙂💔
يلا يوم الامتحان انا اصلا ما نمت بس بقرا و ما حسيت بالزمن لقيت الساعة 6 لبست و اتجهزت و اتعودت عادي اطلع من غير ما أكل او اشرب اي شي و ماما كل يوم بتشاكلني في الموضوع و انا ما بهتم بالموضوع المهم طلعت مستنية الترحيل جاني أحمد ولد جيرانا ( احمد دا اخو ملك الوسطاني طبعا مدلعين دلع لانو ابوهم شغال في جهاز الامن و كدا احمد دا اكبر مني بسنة و مرة اعترف لي انو بحبني و انا من الوقت داك و لا حتى سلام ما بسلم عليهو لاني حاولت افهمو انو الكلام دا ما قدرنا و كدا بس هو ابى يسمع الكلام و انا قطعت علاقتي بيهو طبعا بنات الحلة كلهم مكسرين فيهو لانو وسيم و غني و بتاع  و هو ما عندو ليهم حاجة بس انا بكرهو و بشمو كيف 😂💔)
قال لي : ما من عوايدك و بعدين عيونك دي واقعة مالا
عايزة اتكلم لانو بالجد مخنوقة و متضايقة و في تراكمات كتيرة فيني طول الوقت ما بتكلم مع زول و عيوني مليانة دموع لانو بالجد تعبت طبعا ما حكيت لشهد لانها عارفة عايزة افتح خشمي احكي بس قلت ليهو : مافي شي الامتحانات و كدا
قاللي : اممممم مع اني ما مقتنع بس الله يوفقك
و الترحيل جا كلهم لاحظو لي تعبانة و عيوني واقعة بقو يسألو فيني مالك و بمشيهم بحجة الامتحانات اخيرا يوسف رجع قلت ليهو : مفروض الراجعناهو تكون حفظتو صح
قال لي : الزول بصبح كدا ☻
قلت ليهو : صباح الخير ( كان صوتي مبحوح و تعبانة شديد)
قال لي : معليش تعبتك
قلت ليهو : يوسف عشان ما ازعل منك قفل خلاص 😂
رجعت المقعد مسكت تلفوني و متكية على الشباك شهد و سند قالو لي : روان في شنو و ما تحاولي تمشينا بحجة الامتحانات تمام احنا اصحابك و عارفينك كوييس
قلت ليهم :  مافي شي و الله انتو ليه بتحبو تكبرو المواضيع خلاص 😂💔
ما اقتنعو مع انو مافي شي لما قلت احكي لقيت انو مافي شي يتحكي اصلا فسكت بس 🙂
طبعا شيطانة  بقت تتظارف  معاي قدام الناس بس عيونها بتقول حاجة تانية خالص بتقول انا حأنتقم و ما أخليك يعني  انا و الله ما عملت ليها شي بس دايما في ناس زي ديل بكونو حقودين كدا سبحان الله
دخلنا الامتحان كان عندنا جلستين خلصنا الجلسة الاولى و انا و شهد و سند و يوسف طلعنا هم بدو ياكلو و انا بقيت اقرا مع انو كنت بالجد تعبانة و ما قادرة وراسي لافي بس جازفت مسافة الفسحة و اتماسكت لحدي ما دخلنا  الجلسة التانية انا كتبت و  انتهيت سلمت الورقة  كنت ماشة على ناس شهد و سند بس حسيت راسي لافي و تاني ما حسيت الا بسند شايلني و تاني ما وعيت فتحت عيوني لقيت نفسي في المستشفى و موكبين لي الفراشة و وأجهزة ما عارفة جهاز حق القلب دا و الدكاترة في راسي اتلفت لقيت  ماما  و شهد   جوة الغرفة و عاينت بالشباك لقيت خالتو رضينا و عمو علي و سند  بعاينو لي بقو الدكاترة بتجارو و يقولو صحت صحت ناديت شهد قلت ليها : شهد ( بصوت مبحوح و منتهي)  في شنو
ماما بقت تبكي و تقول لي : كيفك يا ماما و بقت تحضني
قلت ليهم : يا جماعة في شنو انا كويسة بس هبوط عشان ما اكلت بس مافي شي 😂
شهد  نزلت راسها و قالت : روان نحنا لسنا اسبوعين في المستشفى 😔
قلت ليهم : شنو اسبوعين شنو يا ناس انا امتحنت و جاني هبوط بس اسبوعين شنو هوي شهد عليك الله بطلي هظارك البايخ دا 😒
قالت لي : و ربي ما بهظر معاك   في البداية لما جابوك كان فعلا عندك هبوط بس فجأة قالو انتي غيبوبة
عيوني اتملت دموع و قلت : الامتحانات فاتتني؟! 😓
ماما قالت لي : الامتحانات ما مهمة حاليا  بس انتي ان شاء الله بفيتي كويسة
قلت ليها : الحمد لله ❤️
جا دكتور قال: نحنا حننقلها لغرفة تانية عشان تكون تحت المراقبة
ودوني غرفة كبييرة كدا فيها اجهزة كتيرة المهم رقدت نمت و معاي دكتورة كلهم رجعو ماعدا ماما و شهد قاعدين معاي زي الساعة 2 صباحا كدا لقيت نفسي ما قادرة اتنفس و متضايقة شديد و الجهاز بقى يصفر بسرعة تيت تيت تيت تيت الدكتورة جات بسرعة و مخلوغة قالت لي حاسة بشنو انا ما قدرت ارد عليها لانو نفسي كان كاتم وقلبي بدق بسرعة مبالغة جرت نادت الدكتور  بعدها ما حسيت بي شي  لما وعيت و فتحت عيوني لقيت نفسي في غرفة تانية ما فيها زول ما لقيت ماما وشهد بقيت انادي ماما يا ماما شهد وينكم جات دكتورة يظهر عليها اجنبية و المعاعا كلهم اجنبيين واااي سماحتهم تلخم 😪
بقت تتكلم معاي انجليزي (ما وريتكم انا خطييرة في الانجليزي 💃) و برد ليها و قلت ليها حاسة بضيف في النفس ركبت لي الجهاز حق التنفس و طلعو بس فجأة جات شيطانة و انا ما قادرة اتكلم او اتحرك او اي شي جات قالت لي : اوووووه يا بيبي انتي عيانة بطريقة خبيثة و فكت مني جهاز التنفس و طلعت انا المرة دي بالجد قلت حموت 💔
يتبع...
#نلتقي_ في الحلقة_ الجاية 😄❤️
باي 👋