حياة فتاة مرحة 😄

5

مرحبا 👋
اقتباسةة ( احس انك صديقة العمر الذي كانت امي تدعي في صلاتها ان تكوني رفيقة دربي ❤️)
طبعا الاجازة عدت و انتهت للاسف 😖😭
و كان اليوم يوم النتيجة النهائية للصف الثامن طبعا كنت متوترة لدرجة اني لما دخلت الحمام بكيييييت لما عيوني جفت 😂💔
و نفس الشي بالنسبة لي شهد 😂
دخلت الحمام اول ما طلعت لقيت شهد قدام وشي 😂💔 ( للمعلومية انا و شهد اتربينا مع بعض عدييل و امهاتنا اصحاب كمان و نحنا كمان اصحاب بعرف اهلها و اهلها بيعرفوني و نفس الشي بالنسبة لي شهد و دايما انا وشهد بيصفونا بالتوأم ما علشان بنشبه بعض لا في إختلاف بس عشان افكارنا واحدة  و ردنا واحد لدرجة خيالية يعني حتى لو اشتبكت مع زول لاازم شهد تكون موجودة و بنرد نفس الرد لمن الزمل يتحيير 😂💔)
كنت ببكي و شهد كمان كانت بتبكي لانو الدنيا كلها منتظرة مننا الاذاعة و احنا عارفيين اننا اشتغلنا كعب بس ما كلمنا زول  😂💔
يلا الضهر اذن و المؤتمر بدا ام شهد و اخوانها معانا و الحلة كلها في بيتنا حسسونا اننا اخر اتنين يمتحنو 😂💔😫
المووووهيم بدا المؤتمر و انا ماسكة شهد و هي ماسكة فيني و ندمع الناس كلها منتبهة مع المؤتمر قلت : انا داخلة الحمام 😭💔
شهد قالت : يلا انا كمان ماشة ( بصوت خذلان كدا)
مشينا وقفنا في الباب و بكينا قلت لي شهد : حبيبي خلاص نعوض في الثانوي و بعدين قدر الله وما شاء فعل صح يلا خلاص ❤️
مسحنا دموعنا  بس نسمع ليك الزغاريد و البكى احنا انصدمنا و بقينا نعاين لبعض كدا 😨
جرينا دخلنا لقينا الناس بتبارك و تبكي و جزء يزغرد و جزء ينطط لقيت ماما في الارض و بتبكي و ام شهد كمان قلت خلاص معانا جبنا درجة كعبة سألتهم بترررد و دموعي في عيوني و ماسكة شهد : اقل من 270؟!
جارتنا قالت لينا:ذاعوكم يا روان ذاعوكم 278 الاتنين 💃💃💃💃💃❤️
طبعا بقينا مصدومين و بنحاول نستوعب و انا و شهد متصمغيين في مكانا الناس بتحضن فينا و تبارك لينا و نحنا ساكتين و ماسكيين إيد بعض 😂
حضنت شهد و قعدنا نبكيييي بكينا لمن الله غفر لينا 😂💔
فجأة نسمع البنات في الشارع بيزغردو و الاولاد بيصفرو و الاساتذة جو و معاهم الزفة كنا اعلى درجتين في المدرسة كنا فرحانين شديد كان اسعد يوم بحياتنا 😭❤️
و شوفو الضيوف اسبوع كامل ما وقفو مننا ابدا 😴💔
لدرجة كنت بهرب من البيت مع شهد 😂💔
لما ارجع البيت القى الهدايا و القروش ياخ شوية كدا و ابقى مليونيرة 😂💔
يلا لما عم شهد جا يبارك لينا اشترى لينا الاتنين ايفون 7 بلس و اعطى كل واحدة فينا الفين يعني دلعنا دلع 😂❤️
قعد مع ماما و ام شهد و قال: طبعا بناتكم ديل بنات مميزات و نابغات ما شاء الله ربنا يحفظهم و احنا ما عايزين متفوقات زي ديل يضيعو ف انا حأسجلهم معاي و طبعا زي ما عارفين  في منحة و انا عمهم دا  حأسجلهم معاي ( مدارس عمو من المدارس القوية. جدا ما بدخلهاا إلا المتفوق 😍)
ماما قالت : طوالي ما عندنا مشكلة
خالتو رضو ( ام شهد اسمها رضينا احيانا بسميها ماما او خالتو رضو) : طوالي و الله احنا زاتنا دايرين لي بناتنا المدارس الكويسة
عمو علي : على بركة الله
انا : عمو عمو ممكن تعيد الكلام القلتو في البداية 🙂
عمو علي : ليشنو
شهد : عايزة تسجل الكلام في تلفونها  عشان تسمّعو لميدو و صحباتنا
عمو علي : اقطع وشك 😂💔
انا : طيب 😂💔 بس عمو بتين حنسجل
عمو علي : بكرة دا تمام
انا و شهد بحماس : yeees تمام 😭❤️❤️
.
.
.
#نلتقي_ في الحلقة_ الجاية 😄❤️
بااي