حياة فتاة مرحة 😄

8

هاي
اقتباسةة ( الحياة جميلة تمعتو بها)

رجعت البيت مفروسة و زعلانة و غضبانة في مشاعر كتيرة جواي بس كنت غضبانة من شيطانة دي شديد ياخ دخلت غرفتي مافي زول شاف وشي راجعت دروسي و بديت اكتب في الواجبات الكهربة قطعت رميت القلم قبل اقول : ياخ دا وقت تقطعو فيهو الله يقطع ضنبهم ان شاء الله 😭💔
طلعت من الغرفة لقيت ماما مولعة الكشاف و قاعدة في البلكونة كانت الدنيا بدت تضلم قلت لي ماما : عايزة اطلع الشارع
ماما قالت لي : اجي يا دايرة تطلعي الشارع مع الاولاد 😳
قلت ليها : ماما عادي اصلا من زمان بطلع البنات كلهم بيطلعو مافي شي
ماما قالت لي : سمح اطلعي
لبست عبايتي و الطرحة و طلعت لقيت نوار و ران و ملك و همس و شهد و بنات جيرانا كلهم في الشارع سلمت عليهم و بقينا نتونس  مساافة (اعرفكم 😬
ران بت جيرانا قدرنا هي مسلمة بس بتقرا في مدارس مسيحية و بتلبس زيهم و كدا
ملك بت ظرييفة في خامس بس بتحسها وااعية كدا ما عندها حركات شفع
همس يت جيرانا اكبر وحدة فينا في تانية ثانوي ودي شلتنا)
طبعا قاعدين في المصطبة حقتنا بس فجأة جو الاولاد و قالو انحنا بنات عايزين نقعد مع البنات  قلت ليهم : اجي يا الالجي جنيتو و لا حاجة ارح زاتو خلينا ليكم المكان زاتو بسسسس 😡
ناس نوار عندهم شجرة جوافة يادوب بدت تقوم و حبوبة نوار اسمها ليلى و عندنا جارتنا برضو عجوزة اسمها فوزية يلا بنحب نشاغلها و بحبو يشاكلونا مسمينهم سوبر عجائز  😂💔
جينا وقفنا جنب الشجرة بس جو  قلت ليهم : اوماااااك سوبر عجائز كبسو و كمان ختو كراسيهم 😢 قبل اكمل كلامي لقيتهم جرو الخاينات خلوني براي بقيت اتلفت قبلت على الحبوبات و ابتسمت و قلت ليهم : عارفين انو انا love you 😢
قالو لي تعالي هنا مشيت على جهتهم حبوبة ليلى قالت لي نزلي راسك دا و مسكتني من اضاني و جرتها و هي بتقول انا صح قلت ليهم ما تقربو من الشجرة
بقيت امسك في اضاني و اقول : حبوبة و الله اسفة اااااي اضاني معليش 😭💔
بس جا ولد بتها صدام ( صدام ولد جيرانا برضو عمرو 16 سنة لكن هو مابي القرلية نهائي ظريف ظرافة اذا قعدتو معاهو بتموتو ضحك بحب يوقعني في مصايب و بدافع لي كتير و في نفس الوقت بطلع عيني بيبقى لنوار ولد خالتها يعني انا نوار بنخاف منو خوف لانو بيمسح بينا الأرض فبنسمع كلامو و عندو عربية ما برضى فيها نهائي اتذكر مرة في ولد ضرب العربية بالحجر من غير قصد و الله قوم الدنيا و ما قعدها غايتو الحمد لله 😂💔)
صدام قال ليها : يا حبوبة خلاص تاني ما بتعملها... و مسك اضاني التانية و قال لي : صح
قلت ليهو : انا ما عملت شي لكن خلاص 😢 فكوني و انا فكيت ليك الجرية و المعفنات لقيتهم بيضحكو  قلت ليهم : معفنات 😩
يلا من غير ما احس لقيت نفسي جنب عربية صدام و متكية عليها ما حسيت الا بضربة راسي و الله جاني ارتجاج في المخ و طبعا دا كان صدام 😭💔
بقيت ارجف و قلت : م م م م معليش 😢و فكيت الجرية
لما بعدت شوية كوركت لصدام ياخ انت يوم بتكلتني انت و بت خالتك دي لكن اصلا ابراهومة حبيبي يا بعيد يا معفن 😭💔
بس يطلع إبراهيم من وين الله اعلم  ( طبعا ابراهومة دا ابراهيم اخو صدام الكبير بيقرا في الجامعة ظرييف و مسكين ما زي اخوهو ابدا بناديهو إبراهومة بعتبرني اختو الصغيرة و انا بعتبرو اخوي الكبير او ابوي و صدام كرهتو في الدنيا انك تقارنو بط اخوهو، 😂😭)
ابراهومة قال لي : قلتي شنو إبراهومة شنو 🙈❤️
قلت ليهو : ولا شي 🙂
و مشيت قلت للبنات يلا نتمشى قالو لي يلا و هم ميتين ضحك ماشين كدا بنتونس و نضحك بس الساعة جانا ليك المجنون الاسمو عجورة طبعا شهد  بتخاف مووت من المجانين و دا كمان اكتر واحد بتخاف منو لانها عندها معاهو مواقف 😂💔
بقت ترجف و ماسكاني من يدي شديد قلت ليهم : بنات يلا ما تعاينو ليهو و تابعو طريقكم ok ماشين كدا بس نلقاهو ليك جاري ورانا و احنا و الله كتحنا كتيح 😂💔
كان شايل ليهو كيس فيهو عضمة و سكينة و احنا جاريين و هو جاري وراناو انا اتعترت و هو مسكني انا حيلي برد بقيت ما قادرة اعمل شي بس فتح الكيس قلت خلاااص الليلة حموت حموت 😂💔 طلع العضمة و بقا يضربني في راسي بالعضمة انا استفدت من الفرصة و رفستو ليك رفسة فلعتو بحجر في صدرو لمن كتم نفس خلاني و بقا جاري ورا البنات انا بقيت اضحك و اقول تستاهلو يلا 😛
و انت راجعة بس في راجل مسكني من يدي و بقول : انتي كسرتي الزير حقي اصلا مافي زير تاني غيرو انتي كسرتي الزير حقي يا..... 😡
انا بقيت مخلوعة قلت ليهو : يا عمو استهدى بالله زير شنو الانا كسرتو 😥
قال لي : انتي كسرتيهو و الله... و يحلف و يتقطع و الشارع كلو اتلمى فينا و هو مصر اني كسترو انا في لحظة زهج نفضت يدي و قلت ليهو :  اي كسرتها و بكسر التاني زاتو  مالك يااخ 😡
جات مرتو و تفت لي في وشي تخيلو بس تفت لي في وشي و قالت : انتي بت قليلة ادب ما اكتر و الليلة الزير دا تغرمو
انا مسحت وشي و عاينت ليها ببرود و هي اتغاظت قلت ليها : اولا يا أنسة لمي لسانك و تانيا انا ما كسرت الزير و زيركم العاجبكم دا  انا بشتري ليك منو 100 تمام ما تجوطي لي عليك الله و مشيت خليتها الكهربة جات و خلصت قراية زي الساعة 10 بليل الجرس ضرب فجأة اسمع ليك راجل بكورك البترولية القليلة ادب دي انا عايزة امها ماما طلعت و اتفاهمت معاهو و هو ما عندو اخلاق و قليل و بقى يفلت في الكلام ساي انا لما حرقني الكلام لبست طرحتي و اخدت معاي قروش و طلعت ليهو رميت ليهو القروش في وشو و قلت ليهو  : اسي انت تتحسب راجل مع الرجال عليك الله تكورك في مرة ما بتخجل ما بتخجل لما تقول الكلام البتقول فيهو دا اااا عليك الله القليل ادب فينا منو يغسي عليك و على رجولتك عليك الله تخت راسك مع الشفع و اوريك زيرك دا انا ما حصل شفتو يلا صح داير زيرك يلا شيل القروش دي و اتخارج انت و مرتك يلا ما عايزين لمة بالله 😒
الراجل مشى حا ابو صدام و قال : و الله احسنتي و وريتيهو قدرو اصلا دا ما  راجل  دا بتاع مشاكل ساي يلا انتو خلاص ادخلو بعد دا عشان الوقت اتأخر يلا
دخلت البيت و طوالي رقدت نمت لأنو الاكشن كان كتير علي شديد الليلة 😂💔
يتبع...
باي 👋
# نلتقي_ في الحلقة_ الجاية 😄❤️