Unicode:
Unrequited Love Means~
🤍 အပိုင်း 9 🤍
"ကိုကို ဒီနေ့ ဘယ်တွေကို စာသွားသင်ရမှာလဲဟင် "
ခခ ကိုကို အလုပ်သွားခါနီး အင်္ကျီကူ၀တ်ပေးနေရင်းကနေ ကိုကို့အား မော့ကြည့်ကာ မေးဖြစ်သည် .....
"အင်း ဒီနေ့က ဆရာမတို့ ၀ိုင်းမှာ ကိုးတန်းရယ် ဆယ်တန်းရယ် ၂ချိန်ဆက်တိုက်ပြီးရင် ချစ်ခြင်းလေးတို့ကို သွားသင်ရမယ်... ပြီးရင်တော့ပြီးပါပြီ ဘာမှမရှိတော့ဘူး "
"အဲ့တာဆို ကိုကိုပြန်လာရင် ၃၆လမ်း ကြေးအိုးဘုရင်ကနေ ကြေးအိုးဆီချက်
တစ်ပွဲလောက်၀ယ်လာလို့ရမလားဟင်
ခခ ပိုက်ဆံပေးလိုက်မယ်လေနော် "
"ခခ စားချင်လို့လား "
"ဟင့်အင်း ခခ မစားချင်ပါဘူး အမေ့ကို ၀ယ်ကျွေးချင်လို့ .... ဟိုနေ့က ကြေးအိုးဆိုင်ကြော်ငြာစာရွက်လေးကိုကြည့်ပြီး
အမေက သူတစ်ယောက်ထဲ ကြေးအိုးဆီချက်လေး စားရရင် ကောင်းမှာပဲလို့ ပြောနေတာကြားလို့ .... အဲ့တာ ကိုကို ၀ယ်လာခဲ့လို့ရမလားဟင် "
ချွေးမဖြစ်တဲ့ခခက အမေ့အပေါ် သားအရင်းဖြစ်တဲ့ သူ့ထက်ပိုပြီးသိတတ်နေတာကို မြင်ပြီး မိုးစျေစိတ်ထဲ အရှက်ရသွားမိသည်......
"အွန်း၀ယ်လာခဲ့မယ်လေ .... "
"အဲ့တာဆို ခခပိုက်ဆံပေးလိုက်မယ်နော်....ကြေးအိုးဆီချက်က အခုတစ်ပွဲ
ဘယ်လောက်တောင်ဖြစ်နေပြီလဲမသိပါဘူး "
"နေစမ်းပါကွာ.... လင်မယားချင်း ဘာလို့ ပိုက်ဆံစကားပြောနေတာလဲ .... ဒါနဲ့ စကားဆက်မိလို့ မေးရဦးမယ် "
ကိုကို့လက်တစ်ဖက်က ခခခါးလေးအား
ဖက်ပြီး ကျန်တစ်ဖက်က ခခမေးစေ့လုံးလုံးလေးကိုကိုင်ပြီး သူ့မျက်နှာအား
သေချာကြည့်စေသည်.....
"ခခ အဲ့ဒီပိုက်ဆံတွေက ဘယ်ကနေရတာလဲ ..... အမြဲ ဟိုနှစ်ယောက်ကို ၅၀၀/၁၀၀၀ ပေးပေးနေတာ အခုထိ
မကုန်သေးဘူးလား "
"ဟီး မကုန်သေးပါဘူး .... အမေက ဆိုင်သိမ်းလို့ ငွေရေရင် ခခကို ပိုတဲ့ အကြွေလေးတွေ ၁၀၀၀/၁၅၀၀ ပေးထားတတ်တယ် ကိုကိုရဲ့ ... တစ်ခါတလေဆို သုံးလေးထောင်တောင်ရတယ်.... ခခက အဲ့တာလေးတွေကို စုထားတာ "
ESTÁS LEYENDO
🤍 တစ်ဖက်သတ်အချစ်ဆိုသည်မှာ 🤍
Romanceမာနကြီးပြီး အချစ်ကို စိတ်မ၀င်စားတဲ့ မိုးစျေ နဲ့ အဖေသဘောမတူတဲ့ကြားကမိုးစျေကို ရအောင်လက်ထပ်ခဲ့တဲ့ ခခ... လက်ထပ်ပြီးတဲ့နောက် မိုးစျေရဲ့ မိသားစု အပေါ်မှာသိတတ်ပြီး အားလုံးနဲ့ အဆင်ပြေပြေရှိခဲ့တဲ့ ခခကို မိုးစျေ ဘယ်လိုပြန်ချစ်လာမလဲဆိုတာ ဒီ၀တ္ထုလေးမှာ ဖတ်ရှ...
