= انا متقدملي عريس
- مترفضيه زي اللي قبله
= لا بس ده بابا موافق عليه جدا .. مش قادرة أقولك
- طب واحنا ؟
= بقول بابا .. أنا مش موافقة طبعا
- هايل
= ثواني عشان تقريبا وصل
- لحق ؟
= مش عارفة تقريبا كانوا مجهزين كل حاجه .. أنا تعبت
- معلش
= هموت نفسي
- متقوليش كده محلولة
= دي ماما بتزغرط شكلهم وافقوا
- هي الحياة سريعة عندكوا ليه كده
= سامعاهم بيتكلموا فى معاد الفرح باين مش عارفة
- هو فى ايه
= مش هتعمل حاجة إنت ؟
- أيوة أنا عايز أعمل بس مش لاحق .. يعني محتاج أقفل معاكي الأول مثلا وانزل أشوف هعمل ايه بس خايف تتجوزي وانا علي السلم لسه
= الفرح إمتي يا ماما ؟ .. انهارده ؟ انهارده يا سامح خلاص .. هتلحق تعمل حاجة ؟
- أعمل امتي ده انا علي ما أجيلك البيت هيكون إبنك بقي فى تانية إعدادي بالطريقة دي
= أديك شايف الوضع ده وقولت أعرفك عشان متقولش اني ضحكت عليك ولا حاجة .. لا مش موافقة يا بابا مستحيل وسامح ؟
- هو يعرفني ؟
= ثواني يا سامح عشان هيعذبني دلوقتي عشان أوافق علي العريس
- ايه ده
= آسفة مستحملتش التعذيب مضطرة أوافق
- دا بجد ؟
= مسمعتش التعذيب ؟
- انا مش عارف بيحصل ايه
= أنا آسفه مضطرة أروح ألبس الفستان دلوقتي ..
- هو بيتكوا ده قاعة أفراح وأبوكي فاتح أتيليه فى الحمام ؟
= حبيت أكلمك أودعك وأقولك حسبي الله ونعم الوكيل فيك
- كمان ؟
= مكنتش أصدق انك تسيبني بالسهولة دي
- سهولة ايه احنا فى الدقيقة التالتة من المكالمة
= كفاية تعذيب يا بابا أرجوك هتجوزه مجبرة خلاص زي ما تحب .. شغلوا أغاني وارقصوا علي أوجاعي وانا هرقص معاكوا عشان فرحتكوا متبقاش ناقصة مش أكتر .. هرقص بس وأنا حزني جوايا علي سامح
- الله يكرمك
= آسفة مضطرة أقفل دلوقتي وأروح أتجوز اللى مجبرة عليه
- وحبنا ؟؟!!
- ها ؟؟؟؟
= ها ايه . مش سمعاك من الدي چي.
(منقول).
فصلنى ضحك فحبيت اشاركم😂❤️
