شخص بيسأل صديقه و بيقوله :
معلش برضو مش فاهم يعنى الحب حلال و لا حرام ؟؟؟؟
قال الصديق : طيب
هبسطهالك.. بص يا سيدى.. خلينى أنا اللى أسألك!.... هوا الجوع حلال و لا حرام؟
الشاب بثقة : يا عم الجوع دا غريزة... يعنى ما ينفعش أتحكم فيها.... طبعا حلال.... لأنه حتى لو حرام.... هأعمله علشان ما أجوعش؟!؟
الصديق باستكمال : طيب جميل... لو واحد جعان راح محل فراخ و اشترى أكل من عنده و أكله... كده حرام عليه؟
الشاب باستغراب من أساله صديقه المتكررة : لا طبعا.... حرام ليه !!
الصديق بذكاء : طيب لو نفس الرجل الجعان ده راح محل لحم خنزير و أكل من عنده... كده حرام عليه؟
الشاب بتأكيد : طبعا... لحم الخنزير حرام!
الصديق بتوضيح : بص بقى... أهو الحب زى الجوع بالظبط.... هوا فى حد ذاته مش حرام..... لكن الحلال و الحرام بيكون في اللى بعد كده... هتتعامل مع الحب ده أزاى!
بالنسبة ليكى
- يعنى من حقك تحبى مادام فى علاقة رسمية بينكم، بس لو ما أصبحش زوجك، تبقى العلاقة بينكم في الحدود،، كلامكم يكون فى الحدود و يا حبذا لو يكون قليل... و بعد الجواز كل التحفظات دي بتزول،، بس الأهم تصونى نفسك.
