رواية اعتزل ما يؤذيك 💛
البارت 8 و الأخير 💛
.
.
.
سهام : يبي تنظيفة تنظيفة ( ولفت نظرها شكارة جت بتشوفها ) حسام شنو هضا ! ( تلفت حسام لأخته ولقى في يدها الشكارة وجهه قعد اسود )
حسام : خليها هذين اوراق الشغل
سهام : باهي ليش لامهن هكي في شكارة سودة
حسام : لقيتها قدامي حطيتهن فيها قلت نلمهن قبل ما نجيب عمال للحوش
سهام : اهااا و الدواء لمعاهن ؟
حسام : تي هو تحقيق و لا شنو !! ( و خشت نادية )
نادية : شن في صوتك عالي !
سهام : شيء كنت نسأل فيه امتى بيجيب العمال للصيانة
نادية : من بكرا امشي جيبهم عشان تلحق
حسام: اي اي ان شاء الله ( و كملوا لفتهم في الحوش )
.
.
في حوش هل ليا :
الام بعصبية: حشمتيني قدام المراة معش عرفت ما انقول
ليا : امي الله يربحك مش ناقصة و حق القرآن مش ناقصة ساد بتعطوني بلا موافقتي سااد ( وقعدت تبكي و الام طلعت من الدار )
رباب : خلاص اهدي و هاك اميه
ليا : يارب ساعدني
.
.
ليلى : كنها ليا !
الام : فضحت بيا قدام المراة شن فيها كان نزلت !! و الله ادلعت كان هضا هكي ادير ؟؟ مديلي تليفوني خلي نتصل ب بوك و انقوله
ليلى : تفضلي ( اتصلت الام و قالت لراجلها على موعد العرس )
الاب : مفروض يجيب رجالة
الام : اسأل عماد بلكي قايله
الاب : تو انشوف معناها انا بكرا نكون مروح
الام : باهي توصل بالسلامة ، وراك تنسى تعزم
الاب : ان شاء الله ( و سكرت من راجلها و كلمت لمياء )
الام : الو
لمياء : اهلي امي كيف حالك امي
الام : كويسة كيف حالك انتي و بناتك و راجلك
لمياء : الحمد الله كلنا بخير
الام : اليوم جتنا عزوزة اختك
لمياء : عليش ؟
الام : عشان تحدد العرس
لمياء: و امتى ؟
الام : بعد 3 اسابيع
لمياء : هييي متلحقش ليا
الام: قلتلها قالت ولدها عنده شغل ضروري
لمياء : خلاص تو بكرا انجيكم و نطلعوا
الام : ان شاء الله هي مع السلامة
لمياء : مع السلامة ( وسكرت)
ليلى : صح كيف بنلحقوا نكملوا قبل العرس الوقت ضيق !
الام : ربك يستر من بكرا يبدا الطلوع للسوق و ان شاء الله خير
رباب : نركب ل ليا اندير انا و ياها القائمة
الام : مرات تعصب فكك منها
رباب : لالا ( و ركبت ل ليا ) خيرات على العروس الزعلانة
ليا : حلو اسم العروس الزعلانة
رباب : هي طلعي ورقة و قلم
ليا : ليش ؟
رباب : عشان نكتبوا يلي بتشريه
ليا : معنديش نية و الله
رباب : بلا جو و معش تنكدي على روحك بانك اتشوفي للسلبيات امتاعات عرسك اكثر من الشيء الايجابي ، صح هلك مخدوش موافقتك اكيد لانهم شايفين انه كويس و ميتعوضش في وقتنا توا ليش اضيعي اكثر فترة حلوة في حياة البنت و انتي ما استمتعتيش بيها فكري كل شيء في وقته و وكلي المستقبل لربي .
ليا : الله على كلامك الايجابي ربي مايحرمنا منك يا احلى و اطيب كنة و اخت
رباب : و لا يحرمني منكم ، هي نوضي جيبي الورقة و القلم عشان من بكرا تبدي تطلعي
ليا بحماس : تمام
.
.
في بعض الأوقات منكونوش محتاجين إلا لإنسان يفهنا و يعطينا نصيحة من القلب ،حاجات بسيطة يمكن ان تغير حاجات كبيرة ، الثقة في ربي و انه نعم الوكيل قادرة تمحي اي شعور خوف من بكرا 💜
#كتاباتي
.
.
ثاني يوم :
في حوش هل حسام :
حسام : بيجوني العمال توا
نادية : نحسبهم في الغداء !
حسام : اي لان منظنيش يكملوا قبل العشية
نادية : شن نطيبلهم
حسام : كلمت وسام يجيب لحم طيبي اي شيء
نادية : ياكلوا زينا هما ؟
حسام : كيف ؟
نادية : ياكلوا في وكال زينا كسسي رز مكرونة
حسام : اي هما ليبيين
نادية : ربي يرزقهم ان شاء الله
حسام : ان شاء الله ، هي حسهم جو
.
.
في حوش هل ليا :
الام : بوكم يوصل الساعة 4
ليا : يوصل طيب
جهاد :صوت عياط صغار
لمياء : السلام عليكم
كلهم : وعليكم السلام
الام : كالعادة السيد جهاد نسى الباب مفتوح
جهاد : مفيش انسان مينساش
الام : انت عادة فيك هذي
لمياء : تعاركوا بعدين سكتيلي هذي و هي عياط من امبدري ( و عطت روفان لأمها )
جهاد : طالع انا متبوا شيء ؟
لمياء : في العشية بتطلعنا للمحلات
جهاد : ليش ؟
لمياء : ليا بتبدأ تشري
جهاد : تمام تو نكمل شغلي و انجيكم و انتي رباب مش ناقصكم شيء !
رباب : لالا بارك الله فيك
جهاد : وفيك بارك الله ( و طلع )
الام : الله يفتحها في وجها وين ما مشى ان شاء الله
كلهم : ان شاء الله
الام : مكلمكش عماد لما مشى للصحراء !
رباب بأسف : لا
الام : هالولد بيجلطني
رباب : ربي يهديه ياعمتي
ليا تبي تغير الجو : شن رأيكم نولعوا المنظومة ( كلهم استغربوا فيها ) اي نبي نستمتع بعرسي مالا شن
الام : لولولولولولولي و اخيرا تحولت العقدة
لمياء ، رباب : هههههه
ليا : هي بنمشي انجيبها ( مشت جابت المنظومة و ولعنها و يحوسن )
.
.
في العشية :
( الام مشت تنوض في البنات عشان يوتن روحهن قبل لا يجيهن جهاد )
ليا كانت راقدة: بابا وصل ؟
الام : اي و خش يرتاح نوضن قبل ما يجي جهاد
لمياء : رباب كأن زوني عنده حراره شوية ؟
رباب : اي عطيته في الصبح شروبو في الصبح
الام : ترا هاتيه
رباب : بسم الله ( و مداته لعمتها )
الام : لالا حرارة بسيطة خليه معاي و انتي اطلعي مع البنات
رباب : لالا منقدرش مقلتش لعماد و ولدي مريض
ليا : كلميه قوليله و ولدك مفيشي شيء ليش تفاوليله رباب : تو نكلمه ( وناضت اتصلت بيه)
عماد : خير
رباب : كويسين نحن
عماد : عارفكم كويسين
رباب : نبي نطلع مع ليا للسوق بتبدأ تشري
عماد : اطلعي من ماسكك
رباب : اهو قلت محسوبة على راجل نستأذن منه
عماد : خوذي الاذن من امي مرة ثانية ( وسكر ، ورباب حاولت تمسك غصتها و قهرتها من يلي متسميه عليه و مشت للبنات،) يسلم عليكم
البنات : سلمك و سلمه
ليا : قالك عادي
رباب : اي
لمياء : خلاص معناها نمشوا نحن الثلاثة و ليلى خلوها
روحت متأخر من الكلية و بكرا عندها امتحان
البنات : تمام ( و مشن صلن و وتن روحهن و جاهن جهاد )
جهاد : من وين نبدوا !
لمياء :...
جهاد : تمام هي
.
.
في حوش هل حسام :
حسام : الجمعة انديروا الفضانية
نادية : اي كويس بعد 5 ايام
سهام : من بيمشي ؟
حسام : الرجالة الكبار بنكلم بوها اانقوله خوها نفاخ
نادية : هههههه بدينا
سهام : كملوا بكل العمال
حسام: اي خلاص حاجات بسيطة ، بكرا بنطلع انجيب اثاث
نادية : الحمد الله يلي حضرت هاليوم ياربي
وسام : وان شاء الله تحضري عرسي هههههه
نادية : انت مزاااااال
وسام : عليش
نادية : لين تعقل
وسام : ييي علينا
سهام : في بنت ..( مكملتش كلامها وقطع عليها وسام)
وسام : لا لا لا انا بنختار بروحي هي سلااام ( وطلع )
.
.
فاتن الاسابيع بسرعة لعند وصل اسبوع العرس :
.
.
الام : مش عارفة كيف خوها الكبير ميحضرش
رباب : الله غالب شغل الصحراء
لمياء : قريب يوصلوا عمامي
الام : حركي الطبيخة راه تشد
أنت تقرأ
إعتزل ما يؤذيك 💛( روايات ليبية ) مكتملة
Mistério / Suspenseإعتزل ما يؤذيك 💛 . . جملة قالها عمر بن الخطاب رضي الله عنه، و كان ليها أثر كبير على مر السنين منهم من خداها بعين الإعتبار و منهم من قراها كأي جملة عادية ، روايتنا تحكي على الجملة هذي و كيف لقبت بيها بطلة الرواية ( لَيَا ) و شن المواقف يلي استخدم...
