ဒဏ်ရာတွေဟာ ရပါများလာတော့ အမာရွတ်တွေကလည်း အထပ်ထပ်နဲ့များလို့လာသည်။
ငယ်ငယ်ကတည်းက သိပ်ချစ်ခဲ့ရတဲ့ သူမဟာ သူ့ကို သစ္စာဖောက်ခဲ့သည်။
အချစ်ကြီးရင် အမျက်ကြီးတယ်ဆိုတာ စကားကအမှန်ပါ။ ဒီစကားပုံဟာ ကျနော့် ကိုယ်တွေ့ ဖြစ်ရပ်တစ်ခု ဖြစ်ခဲ့သည်။
"တရားခံ ရှောင်းရှောင်ကျန့် လူသတ်မှု
ထောင်ဒဏ် ၅နှစ် ကျစေ။"
ဟုတ်ပါတယ်။ ကျနော် လူသတ်ခဲ့တယ်။ သူမ ကို မဟုတ်ဘဲ။ သူမ ချစ်တဲ့ အမျိုးသားကိုပါ။ ချစ်တဲ့သူကို ဆုံးရှုံးရတဲ့ ခံစားချက်ကို သူမ သိပါစေ။ သည်းသည်းလှုပ်ချစ်ပေးခဲ့ပြီး သူမအား အကြွင်းယုံကြည်ခဲ့သည့် ကျနော့်ကို နောက်တစ်ယောက်နဲ့တွဲပြီး သူမ သစ္စာဖောက်ခဲ့သည်။
ဒီ့အတွက် ကျနော် နောင်တ မရပါ။
.
.
.
၅နှစ် ကြာပြီနောက်...
ထောင်ကလွတ်လာပြီ ရက်အနည်းငယ်အကြာမှာတော့ စားဝတ်နေရေးအတွက် ကျနော် အလုပ်ရှာခဲ့သည်။ အရင်က စုဆောင်းထားခဲ့တဲ့ ဘဏ်အကောင့်တွင် ငွေ အနည်းငယ်သာရှိသည်မို့ သူ့အတွက် ရေရှည် ရှင်သန်နိုင်ဖို့ခက်လိမ့်မည်။
သူဟာအရင်လိုမဟုတ်တော့၍ အရင်အိမ်ကို ပြန်၍ မရတော့ပါ။
ရရာအချိန်ပိုင်းအလုပ်ကို ဝင်လုပ်သည်။
အချိန်ပိုင်းအလုပ်ကနေ ပုံမှန် သတ်မှတ်ထားသည့်ငွေနှုန်း ထက် တစ်ဝက်မျှသာရသည်။ ထောင်ထွက်တစ်ယောက်မို့ သူ့အပေါ် ခေါင်းပုံဖြတ်ကြသည်။
ထားပါ။ ဒါ့အတွက် သူ အငြင်းမပွားချင်။ အိမ်ငှားခနှင့် ထမင်းတစ်နပ်ဖိုးရရင်ပင် သူ့အတွက် အဆင်ပြေလှသည်။
အပိုဝင်ငွေမရှိ၍ အဝတ်အစားအသစ်တွေဝယ်မဝတ်နိုင်။ စွန့်ပစ်ပစ္စည်းများရှိရာ Recycleပုံများတွင် ကောက်ယူ၍ သူ ဝတ်ဆင်ရသည်။ အချိန်ပိုင်း အလုပ်ကြမ်းတွေပဲလုပ်ရသည့် သူ့အတွက်တော့ လှပသပ်ရပ် ကြည့်ကောင်းနေစရာမလို။
သာမာန် လူတစ်ယောက်လို ပြင်ဆင်ပြီး သာမာန်လူတစ်ယောက်လိုရုန်းကန်ကာ ရှင်သန်နေထိုင်သွားမည်ဟု တွေးသည်။
YOU ARE READING
No reason
Fanfictionအကြောင်းအပြချက်မရှိ ကျနော် ခင်ဗျားကို ချစ်ပါသည်။ အေၾကာင္းအျပခ်က္မရွိ က်ေနာ္ ခင္ဗ်ားကို ခ်စ္ပါသည္။
