أخفِ بعض أسرارك، فرُبما لن يملك أحد قميص يوسف، ولن تملك أنت صبر وإيمان يعقوب.😴🍂👣
تجلس في زاويه ممسكه روايه (حديقه الهلاك ) فهي تعشق قصص الرعب
ينظر لها الاولاد باعجاب بينما الفتيات بغيره من جمالها الإلاهي اهي ملاك ام بشر💕
بينما هي منغمسه في القراء قاطعها صوت طفولي :سالي جلال الدين مستر عادل قال دايرك في المكتب
رمقتها سالي بنظره حاده 😒جعلت الفتاه تركض خوفا وبعدها توجهت سالي الي مكتب المدير
سالي :نعم استاذ انت طلبتني
مستر عادل:ايوه اتفضلي اقعدي يابتي😊
كان في المكتب مجموعه من المعلمين والمعلمات مد ليها مستر عادل ملف
مستر عادل :اتفضلي اقري دا 😊
شالت الملف وفتحتو كانت عباره عن كل النتائج حقتها من سنه سادس اساس لحد اخر امتحان امتحنتو في ثالث ثانوي
مس عادل:ما شاء الله يا سالي انتي من انضممتي للمدرسه ماحصل نقصتي اكتر من درجه او درجتين ومستواك حلو شديد بس يابتي كنت داير اسالك انتي لي بالعنف دا ؟؟!انتي من انضميتي للمدرسه هنا ماحصل شفتك صاحبتي بنات او اولاد حتي دائما بتعملي مشاكل وشوفي عدد الانذارات مره رعفتي بت ومره كسرتي لولد يدو ومره ومره ليه ....؟!
سالي:كده بس 😃
دا كل القالتو كان بتكلم وبتكلم حاول كتير معاها وماطلع بي فايده في النهايه خلها تمشي الفصل واتناقش مع المعلمين شويه
بلسان سالي :
طلعت ومشيت علي الفصل بعد كملت اليوم رجعت الشقه كل العاده كانت صانه مفف حس ولاخبر مشيت علي غرفتي وكنت تعبانه فنمت بي ملابسي صحيت بليل وفضلت ادرس وبعدها جعت طلعت اكلت وجيت راجعه واصلت ونمت 😴
Stop ونتعرف بسالي:
سالي جلال الدين 18 سنه ممتحنه شهاده سودانيه وعايشه براها لاسباب خاصه حنعرفها قدام سالي كانت عباره عن جمال ملائكي جسم جميل ورشيق نسبه لحبها للرياضه وشعرها طويل لنهايه ظهرها بس كل بدايه شهر بتقصو لحد كتفها لونو اسود زي الفحم وفيهو لمعه حلوه كده وصابغه اطرافو بالبنفسج الغامق💜 طولها وسط عيونها سوداء زي شعرها وعندها غمازه في خدها الشمال التقول محفوره💕😂
يلا نرجع:
صحيت الصباح بعد الروتين الصباحي المعتاد لبست ومشيت علي المدرسه كان يوم ممل وعدا بخير واليوم البعدو نفس الشي بس في اليوم التالت وصلت المدرسه متاخره ومشيت علي الفصل لقيت الاستاذ بيشرح في الرياضيات(العشق😍💕) دقيت الباب عاين لي وقبل قلت في نفسي"دا شنو الغبي دا😒"فضلت واقفه وكان كاتب مسئله في النهايات ومف زول بيجاوب ليهو عاينت للمسائله وحسبتها في راسي
سالي :5
المدرس:عفوا😕
سالي:الجواب 5
وشرحت ليهو طريقه الحل عاين لي مسافه بعدها قال لي ادخلي وما تتاخري تاني😒 مشيت قعدت انتهت الحصتين الاوائل لاكين في بدايه الحصه الثالثه اتفاجئنا بي طلاب جدد كان واحد باين عليهو مفتري وكده وكان معاهو واحد تاني بس باين عليهو كيوت شديد 😂💕 كان جمبي كرسي فاضي والقسم التاني برضو في كرسي فاضي واصلا انا قاعده نهايه الفصل
مستر عادل:السلام عليكم .طبعا انضم ليكم الطالبين ديل عمار عماد(المفتري😒) وادهم حسن(الكيوت😍💕)
بعد رحبو بيهم جا قعد جمبي عمار😒 والجزء التاني قعد ادهم😍💕 بدت الحصه وكانت كيمياء عند استاذ معاط خلاص🐸 انا طوالي رقدت في الدرج وغطيط وشي بالكتاب ونمت صحيت علي زول بيضرب الدرج رفعت راسي بي انزعاج كده لقيتو الاستاذ احمد:انحنا جايين بعثه نوم يا انسه قومي اطلعي بره
شلت شنطتي ومرقت طوالي اصلا انا جايه زهجانه مشيت العياده حقت المدرسه ونمت هناك🤣جات صحتني الممرضه وكان الفطور مشيت اشتريت فطوري ومعاهو بارد قعدت تحت شجره في الارض مكاني المعتاد وكنت مربعه كرعيني وماسه كتابي داك لسه ماخلصتو وانا قاعده كده قمت مديت رجلي فجائه في زول اتعتر في رجلي وعصيرو اتكب في الجزمه حقتو 🤣 الساعه الحدر لي لقيتو عمار وكان معاهو ادهم
عمار:انتي حيوانه لي قاعده كده 😡 غبيه
سالي:😒
عمار :بتكلم معاك انا 😡
سالي:😏تستاهل
طبعا عمار حبه وينفجر من الزهج والغضب:غبيه حمقاء(بي لغه ايطاليه)
سالي:مثلك😑(نفس اللغه)
عمار&ادهم:😃!!!!
ادهم في نفسو:"كيف عرفت اللغه الايطاليه؟!"
عمار: استغفر الله يلا يخ دي غبيه ساي 😒😒
تم اليوم الحصه كلها عمار يحدر لي وانا اصلا ماشغاله بيهو نااايمه الحصص كلها بس بمشي البيت بجتهد براي مرت الايام وطبعا قعد جمبي ادهم بيحاول يكون صديقي بس انا ماشغاله بيهو كتير( اي مفتريه مالكم😏)لحدي في يوم....
يتبع......
