موضوع تتعامل مع حاجه بتجاهل و هي ما بتروح من بالك ده صعب جدا...😔💔
صحيت الصباح نفس الروتين ومشيت علي المدرسه كانت بدايه الامتحانات التجريبيه بعد دخلت الامتحان وطلعت من نصف الزمن قعده في مكاني المعتاد تحت الشجره🌳وماسه بارد في يدي جاء زول قعد جمبي عاينت كده لقيتو ادهم
ادهم:hi اخبارك؟!
سالي:عاوز حاجه😑😕
ادهم:😂😂صراحه ايوه دايرك تشرحي لي مولاريه في الكيمياء
سالي:ok
ادهم:بجد😟!!!
سالي:مالك😒؟؟!
ادهم:لا بس كنت متخيلك حترفضي وكده المهم هاك
شلت منو الكتاب وبقيت اشرح ليهو بعد انتهيت اديتو الكتاب
سالي:هاك انتهيت قوم خلاص📔😒
ادهم:الحته عجبتني ماقايم😌
طوالي قمت من جنبو ومشيت علي العياده ورقدت نمت كل العاده صحتني الممرضه تميت باقي اليوم ورجعت البيت في المساء وانا براجع فجاءه باب الشقه خبط استغربت ومشيت فتحت الباب جات داخله بت كده
البت وهي بتبكي:ارجوك انقذيني منهم ارجوك 😭😭😭
سالي:منو هم ؟؟
البت : دايرين يضربوني بلييز انقذيني 😭😭
قبل اتكلم الباب خبط تاني بصوره مخيفه كده فتحت الباب جاء داخل ولد طويل وداير يمسك البت مسكت يدو
سالي:انت منو😠؟؟!
الولد :ماشغلتك في الموضوع وزحي قبل تتاذي احسن 😡
الولد2:لقيتها ؟؟! هاتها بت ال........ دي هنا 🤬🤬
الولد1:يخخ امسك دي كدي انت😡
ودفرني علي التاني داك جاء يمسكني مسكت يدو ولويتها ليهو ورقدتو في الارض واديتو بنيه في وشو خليتو يرعف
الاول قبل علي كده😠 لقي صحبو واقع عاين لي وجاء علي عاوز يضربني هو زاتو وقعتو واديتو شلوت في وشو خشمو بقي ينزف البت جات جاريه وادست وراء ظهري حبه والاتنين ديل قامو اتشايلو بعض ومرقو قفلت الباب والبت دايره تموت من الخوف بعد شويه تاني الباب خبط فتحت كان ولد وباين عليهو خايف البت ديك جات جاريه واترمت فيهو وهي بتبكي
البت:ا ا ا ا ا انااااا اسسسفه ماكان اط ط لع😭😭😭💔
الولد:يلا البيت امي قلقانه عليك يلا
الولد شكرني وطلع
المهم مرت الايام وخلاص امتحانات الشهاده قربت وضغط نفسي اكتر وادهم بقي صحبي بس ماشديد يعني حدو المدرسه بس اذا اتصل لي مابرد والرسائل جبال منو😂 وخلاص جات الشهاده وامتحنت اخر يوم حلف علي الا اطلع معاهو وكده قلت ليهو تمام بس لاطلعت ولاشفتو كملت باقي اليوم نوم بس لاكين بعد اسبوع اصر علي اطلع معاهو وكده وقال لي اجي احضر عيد ميلادو عاملو في اوزون قلت ليهو ظابط زي العصر كده قمت لبست كنت لابسه بنطلون اسود مع تيشرت ابيض وجاليه بالاسود لبست بوت بالاسود وشنطه كانت الابيض اما شعري فعملتو كعكه فوضويه ونزلت خصل مامرتبه كده في وشي لبست فريم مدور رفيع كده بالاسود ونزلت لقيت السواق منتظرني بره ومشيت علي المطعم بعد اشتريت ليهو هديه راقيه كده💕
(كتير بستغربو مع انو سالي براها بس عندها قروش وكده يب لانو هي قبل تعيش براها جدها قبل وفاتو كتب ليها شركتو الفي السودان هنا بي اسمها وماف زول عارف بي موضوع الشركه دي غير سالي وجدها بس كل ارباح الشركه نص بيرجع لسالي والنص التاني بيرجع للشركه وكده )
وصلت المطعم اتصلت عليهو قال لي جاييك وبالفعل طلع لي وساقني جوه عرفني علي شلتو كانت كبيره شديد حاجزين المطعم كلو وكده طبعا بعد احتفلو وبدو يقدمو هدايه طلعت ليهو الهديه حقتي كانت عباره عن ساعه بالفضي ومعها خاتم فضه حلو طبعا كان حيطير من الفرح لانو شفتو خاتيها استوري في الواتس
سالي:Happy birthday
ادهم:تسلمي كتيير يخ بجد فرحتيني🤤💛
سالي:😊العفو انا بس حستاذن بعد كده
ادهم:ليه يخ اقعدي حبه تاني اصلا الوقت بدري واذا اتاخرتي ممكن اوصلك 😕
سالي:لالا اسفه وزاتو السواق راجيني بره يلا باي😊
طلعت بسرعه ومشيت علي الشقه دخلت غرفتي ونمت ومرت الايام وجاء وقت النتيجه والحمد لله زاعوني كنت مبسوطه بس كلو اتعكر وكرهت اليوم لمن شفت نفسي براي 😔💔 استغفرت ومشيت غرفتي نمت صحيت تاني يوم بصوت الجرس قمت وفتحت الباب تتذكرو البت ديك الكانت جاتني تبكي بس دي هي وباين علي انها بنوته كيوت كده دخلت جوه وسلمت عليها اسمها نور
نور:بجد ماعارفه اتشكرك كيف يسالي يخ 😍💕
سالي:دا الواجب
نور:طبعا احكي ليك قصه الولدين(والله ما سالتها انا🤣) طبعا هم اصحاب اخوي وفي واحد منهم قال لاخو ادينا رقم اختك وحابين نحنك معها نظام اخوي صحبهم شديد وكده وحيقبل بس للاسف خيب ظنهم وضربهم دا كان قبل اسبوع بس فيوم جاني اتصال وقالو لي تعالي في ****انحنا حجزنا اخوك وحنقتلو كنت خايفه فمشيت بعد كلمت تخوي الكبير الجاء ساقني دا وهو قال لي ماتمشي بس انا اصريت ومشيت وبعد مشيت طلع انهم بكضبو ودايرين يعتدو علي نظام ياخدو حقهم مني وكده وبس بقيت بجري لمن لقيت نفسي هنا 🥺💔
سالي:امممم(حيوانه طبعا😒💔بعد الكلام دا كلو اممم)
طبعا بعد حكوتها دي قعدت معاي وغصبا عني لقيت نفسي بتونس معها فضلت معاي لحدي الساعه 4عصر وبعدها طلعت بقت كل احد بتجي وتتونس معاي وتمشي ومرت الايام كانت الجامعه قربت تفتح وبقت تمشي معاي السوق عشان انسق ملابس للجامعه وكده بس في يوم .....
يتبع
