من الصباح اصطبحت بوش نور القربت تكسر الباب والجرس
سالي:سلاما قولا من ربا رحيم 😒 جايه من وين انتي مالك يزفته يخخ؟؟!
نور:سنه بضرب في الباب شوفي فونك فيهو كم اتصال رمه 😒 ويلا عشان حنمشي السوق
سالي:اف اففففف🤕😣
سرعه سرعه جهزت ومشيت معها السوق ونحنا ماشين نخش محل ونطلع من التاني خيطنا المحلات بس لاحظت لزول متابعنا من دخلنا السوق حبه كده وقرب مننا ما اهتميت بيهو وفضلنا ماشين فجاءه جاء جاري وداير يختف شنطتي بس فكيتها ليهو لكن مسكت التيشرت حقو من وراء وجريتو طوالي علي الارض هو زاتو لمن اتخلف وبقى يعاين لي
نور:انتي كويسسه😨
سالي:ايوه كويسه 😒
ولد:يا انسه انتي بخير انا من قبيل ملاحظ ليهو ماشي وراكم ما تكوني اتاذيتي🤕
سالي:lam ok يلا ي نور
طوالي مشينا وتمينا باقي الشوبنق حقنا ونور حلفت كان نمشي البيت قالت الا نمشي كافي وبالفعل مشينا ومسكتني وقالت الا احكي ليها عن اهلي وكده واصرت علي خصوصا انو الايام الفاتت كنت منفنحه معها شويه وبالفعل حكيت ليها (انا اصلا اخر العنقود قدامي في ولد وبت مروان و اسيل امي كانت بتفضل اسيل علي شديد وبتقول انو انا مامسؤوله وكده عشان لمن كان عمري 12 سنه مشيت رسمت وشم بتاع 🐈كديسه في رجلي وعاجبني شديد واليوم داك امي هزئتني شديد وانا اصلا عملتو عشان هي بتفضل اسيل دائما علي من وانا صغيره كانت بتفرق بينا وعملتو عشان الفت انتباهها بس وحبه حبه كل مره اهتمامها باسيل بزيد حتى اخوي كان بحبني بس برضو بيميل لاسيل 💔 كان عندي صحبي جورج بقول ليهو جو دا صحبي شديد وبقيت كل مره ماشه حالتي للاسوء وجابت ليها بارات وبيره 🥃 وكان هو البيفتشني ويجيبني راجعه البيت اصلا ماف زول مهتم بي غيرو كنت دائما بقول ليهو انا ماف زول بيحبني وانا غلطه (حسب قول امي كانت بتقول انا وابوك متفقين نجيب اسيل ومروان بس انتي جيتي بالغلط 💔)كان بقول لي انا بحبك انا اخوك انتي احلي نعمه كنت برتاح لي كلامو بس في يوم كانت عندنا مسابقه في المدرسه حقت مشاريع وكده واشتركت فيها وامي شركت اسيل بالغصب وكانت بتقول ليها هي مااحسن منك عشان ماتشتركي وكده فهمتوني يوم المسابقه جهزت مشروعي وخلاص دايره امشي اتفاجئت انو جدي جاء من السودان وفرحت شديد وهو ماكان عارف بالمشاكل حقتي وكده خشيت الحمام ادوش عشان امشي المسابقه طوالي بعد انتهيت دايره اطلع الباب كان مقفول من بره بقيت اخبط في الباب والشباك حق الحمام عالي ماحقدر انط بقيت اكورك وماف زول جاب خبري فضل ابكي مسافه ومامنتبهة للزمن حتي مرت الساعه الاولى التانيه التالته وانا لسه جوه وماجو الا بليل وجاء مروان فتح لي الباب بقيت اعاين ليهو نزل راسو وقبل يتكلم دفرتو وطلعت بره لقيتهم محتفلين
جدو:حبيبتي كنتي وين ليه ماجيتي حضرتي مسابقه اختك كانت حلوه شديد 😂 وفات.....
سالي:دا مشروعي😨
ما تتفاجئو يب اسيل سرقت مشروعي او انا كنت متوقعه كده بس💔
جريت علي اسيل وخنقتها بس وقفني صوت مروان
مروان:كفى كفى دي ما اسيل دي امي سرقت المشروع وادتو لاسيل عشان ماكانت عامله مشروع وقالت لي انو اقفلك فالحمام 😭😭💔
كنت مخلوعه والمخلوع اكتر جدو ماكان فاهم ولا شي مروان رص ليهو الكلام من بدايتو لي نهايتو جدو تاني يوم ساقني وجابني السودان معاهو وقال ليهم انتو مابتستحقوها 😡😠 ومن وقتها ماشفتهم) بعد انتهيت نور دي تشيل وتبكي فرجت علينا الناس😒بعد انتهى اليوم ورجعنا البيت بس كاانت المفاجأه
فتحت باب الشقه وكنت شايله اكياس كتيره كده فتحت وكنت بتكلم مع نور وانا مقبله وراي لقيت نور بتعاين جوه الشقه قبلت اشوفها سرحانه علي شنو لقيتها بتعاين لشاب كده طول ×عرض طويل شديد والعضلات تقول يليل تحس القميص حيتشرط😂💔(ما شاء الله) فضلت اعاين ليهو وكان لابس لبسه جيش كده ولابس الطاقيه اول ماعاينت ليهو قلعها وبقي بعاين لي انا انهرت شديد ورميت الاكياس من يدي وبقيت ابكي بحرقه وانا خاته يديني في وشي😭😭💔 وكان.......
يتبع....
