حتحتاج شنو في حياتك غير زول تلقاهو مادي ليك يدو كل ماتقع....💛✨
صحينا مخلوعين ومافاهمين حاجه جرينا كلنا على مصدر الصرخه وكان من الغرفه الجمبنا دخلت وكانت امي قاعده في الارض وابوي راقد جرينا على امي قالت لينا ابوكم ابوكم انا اصلا هبط ومروان جرى عليهو حاول يصحيهو بس ماصحى طوالي شالو هو وايهم وطلعو بره ومشو على المستشفى بقيت بس قاعده وماسكه نور لحدي نامت وانا قوموني بي العافيه قعدت في الصالون تحت لمن نمت في الكرسي صحيت بحركه وكان ايهم داير يشيل نور
ايهم:قومي حبيبتي نومي في الغرفه
سالي:ابوي كيف🥺💔
ايهم:كويس مافيهو بس السكري انخفض شويه 😊يلا نمشي فوق
مسكت كتفو:النبي دايره امشي ليهو😭
ايهم:يلا نطلع يلا هسي انتي بتبكي ليه هو كويس مافيهو حاجه
ساقني فوق رقد نور في سريرها ورقدني وبقى يقرا لي قران لمن نمت(اللهم حلالا يشبه امانينا😔💛💛)
تاني يوم الصباح صحيت بدري ووقفت لي ايهم الا توديني المستشفى واصريت في النهايه وافق قمت ولبست فستان باللون البنفسجي ومشجر بي كم لون كده ولبست اسبورت ابيض وطرحه بدره بيضاء لفيتها في رقبتي بس وشعري عملتو ضنب حصان ونزلت خصل مامرتبه كده على وشي وشنطه يد بيضاء اما نور فلبستها فستان بنك فاتح وشراب ابيض كانت قمر بس ومع شعرها الاسود الداكن وملفلف كده وهو طويل مع انها لسه صغير بس ماشاء الله على شعرها كانت جميله شديد اما ايهم فكان لابس بنطلون اسود وتيشيرت ابيض مع العضلات وبعلى بس😔كسرني 🤭😂 واسبورت ابيض وساعه سودا وطلعنا صبحنا عليهم وطلعنا قالو حيلحقونا بعد شويه وصلنا المستشفى دخلونا طوالي على غرفه ابوي لقيتو نايم مسكت نور لايهم ومشيت قعدت جمب ابوي بست براسو وفضلت قاعده معاهو فجاء نور قامت تبكى مشيت عليها وشلتها كانت محمومه شديد
سالي:ايهم عان نور دي انت ماحاسي بيها محمومه كيف🥵😱
ايهم:كنت حاسي نفسي انا المحموم تعالي كدي نمشي للدكتور تحت
جرينا على الدكتور وبعد فحص ليها اتضح عندها ملاريا ودمها ضعيف رقدوها في الحضانه وركبو ليها دم وكنت بس قاعده بره وبعاين ليها ودموعي جاريه ساقني ايهم وقعدنا في كراسي قصاد الغرفه حقتها وكنت مرقدني علي كتفو لمن نمت صحيت بس كنت مغمضه عيوني سمعت زي همس كده جمبنا
الاولى:احيييي عايني ليهو سمح كيف وااي انا انبرشت🤤
التانيه.:اي والله عان هي زاتها يايمه الشعر عان لحدي وين انا صلعه غايتو🥺🤤
الثالثه:هووي انتن لمن عيونكم وقولو ما شاء الله 😒👋
الاولي:ماشاء الله بس برضو سمح بس هم ليه راقدين هنا🤔
التالته:ما لاحظه لبتهم الراقده جوه دي 😒👋
بس قاطعتهم انا لمن فتحت عيوني طوالي سكتن وقبلن
سالي بصوت مبحوح:ايهم ايهم قوم
ايهم بخلعه:بسم الله مالك فيك شي 😨
سالي:اهداء بسم الله ماف شي بس رقبتك حتوجعك قوم 😕
ايهم عاين وراء لقي الممرضات التلاته:لو سمحتي(لي وحده منهم)
....:ايوه يا استاذ😊
ايهم:الطفله ديك(واشر على نور)بقت كيف ؟؟
.....:كويسه وكمان خلصت كيس الدم ممكن تطلع بس لازم تحافظ على الادويه حقت الملاريا وكده
ايهم:ok شكرا 😊
طولي ضربتو في رجلو 😒
ايهم:مالك حبيبتي😃
سالي:ماف شي 😑
قمت ووقفت اعاين لنور كانت نايمه
مرت الايام وطلعنا من المستشفى حتى ابوي طلع ومشينا على البيت وبقت الايام تمشي وبتقربنا كلنا لبعض وتشفي الجروح البينا انا وامي لحدي يوم كنت في الجامعه وكنت مع مجموعه كده اولاد وبنات وبشرح ليهم وفي ولد كان مكرش علي وظاهر عليهو وقاعد جمبي ويعاين لي كل ما ارفع عيني بلقاهو بيعاين لي كنت فاينل خلاص وداخلين على الامتحان وكان اخر امتحان وكنت بشرح ليهم ومتوتره شويه فجاءه في زول مسك رجلي انا لمن اتخلعت وكان....
يتبع....
