خليك متأكد دائماً إنو فيه حاجة حلوة في حياتك مستنياك ✨🌸?
#فلا_تيأس 😴✨🌸🖤
كنت مصدومه لمن حسيت بي دفئ عجيب ولاحظت اني في حضنو حضن مروان انا ماكنت عارفه احساسي في اللحظه ديك شنو بس كنت ضاغطه على يد ايهم شديد بعدها فكاني وجات امي وضمتني وكانت بتبكي اما انا ماحركت ساكن حتى مابادرت بي اني اضمها على وبعد فكتني جاء ابوي وهو الوحيد الكنت مشتاقه ليهو شكلو كانو راجل في 70من عمرو ابوي اصغر من كده ليه بس بقى عامل بالشكل دا ضميتو وانا ببكي وبشكي بس ولا حرف مفهوم من البكى مشيت وقعت بس قاعده جمب ايهم وماسكه في يدو وابوي جمبي اما امي ومروان كان قصادي وبيحاولو يتونسو معاي بس انا مابرد عليهم اصلا
جلال الدين:ما ملاحظه انو في زول ناقص😔
سالي:لا
كانو بجد مصدومين😱
جلال:اختك اسيل 😭💔 اتوفت قبل سنه بحادث عربيه
سالي:شنو😱😱
فجاءه بقيت برجف ايهم مد نور لعمار الكان واقف جمبو وقومني ووداني غرفتنا عشان يعرف يهديني انا بس كنت برجف
ايهم:سالي ...سالي ...عايني لي هنا
ورفع راسي وبقى يعاين لي جوه عيوني بجد دائما بحس بي امان معاهو ضماني شديد فرغت كل الآلام فيهو كنت ببكى بكيت لمن نمت غطاني ونزل ليهم تحت لمن صحيت قمت ادوشت ولبست لي بجامه ولبست توب ونزلت تحت لقيت نور مع خالتو عفاف مشيت قعد جمبهم
خالتو عفاف :الحمد لله جيتي هاك نور انا ماشه احضر الغداء
سالي:خليك انا بمشي
خالتو عفاف:يبت امسكي بتك دي من قبيل ماقعدتي معها 😒واسمعي الكلام
سالي:خلاص خلاص هاتيها🤭
شلتها وبقيت العب معها في زول باسني في راسي من ورا قبلت وكان مروان اتخلعت طبعا جاء وقعد جمبي
مروان:ممكن اتونس معاك 🙂
سالي: ok
طوالي رقد في كتفي
مروان:انتي عارفه انا كنت بفتش فيك من لمن جدو ساقك مننا ماعرفنا ساقك ياتو بلد لمن في يوم اتعرفت لي على زول في الاستخبارات وكده بقي صحبي ووريتو انو جدو ساقك مننا ووراني انكم جيتو السودان اطمنت في البدايه بس في يوم جاء وجاب لي خبر وفاه جدو حسيت نفسي اتشليت كل تفكيري كان انتي وبعدت كل البعد من اسيل وبقت تطلع وتنزل على كيفها وتعمل العاوزاهو وصاحبت ناس ماياهم حزرتها بس كانت امي دائما معها وبتمنعني اشاكلها فبقيت اتجاهلها وبفتش فيك ماخليت زول هنا ما سالتو منك واتعرفت على ناس كتيره لمن عرفت انك اتزوجتي وعرفت مكان البيت هنا وكلمت ابوي انتي عارفه ابوي مما انتي مرقتي من هناك مرض اكتر من مره وبقى يرقد في المستشفى اكتر مما يرقد في البيت يخخ بجد اثرتي معاهو شديد وفقدك شديد ووصلت الخلافات بينهم هو وامي لانهم اتطلقو بس رجعو لي بعض تاني
(انا كنت بسمع ومصدومه بالله انا كنت مؤثره فيهم كده معقوله🙂🤨ماكنت مصدقه يخخ)
فضل راقد في كتفي ونور في صدري وكانت كل مره تعاين ليهو وتقبل بعدها بقى يلعب معها وشالها وانا ساعدت خالتو عفاف في تجهيز الغداء ورصيناهو وكلهم نزلو يتغدو ونحن بنتغدا جو خاشين ايهم وحازم غسلو يدينهم وجو قعدو معنا وكانت لمه حلوه شديد بس باليل صحينا على صوت صريخ انا لبست توبي وايهم جرى قدامي ونور صحت بتبكى شلتها وجريت بره بس كانت الصدمه.....
يتبع....
