وقد يعود الزمن ليصلح الماضي💔✨
قبل فتره سالت ايهم من اهلو وكده انو لمن جاء وعقد على اهلو كانو مافيشين وكده وحصل ليهم شنو فحكى لي
بلسان ايهم:-
(انا زمان قصتي كانت قريبه لقصه سالي برضو كانت في تفرقه بيني وبين اخوي حازم الكبير كانو طايرين بي حازم دا السما حازم فعل وحازم ترك وحازم وحازم
كان ماسك شركه ابوي الله يرحمو وانا من الغيره بس درست اداره وماكانت رغبتي لكن دخلتها وادرست نصها لكن سبتها من اول سنتين وماتميتها لانو لقيت انا مهما عملت هم كده ماحيتغيرو وحازم حيكون بالنسبه ليهم افضل مني وانا الهمجي في النهايه وفي يوم هربت من البيت ومشيت لي صحبي بس سِبت ليهم رساله مكونه من 4 كلمات (خلو حازم يضوي ليكم)
قعدت مع صحبى زي يومين كده وانضميت للجيش طوالي وكان عمري 21 قعدت سنه في الجيش بعدها اتعرفت على جد سالي الله يرحمو كان راجل طيب وانا اتعرفت عليهو صدفه لمن مشيت رحله مع شلتي لي توتي💜 وكنت متواصل معاهو دائما وحكيت ليهو قصتي وبعدها سافر بس لمن جاء طلب اني اقابلو وكنت دائما بلقى معاهو سالي وطلب مني اني اتقرب ليها وكده ولمن في يوم صدمني بي انو اعقد عليها الصراحه كانت عاجباني شديد فطوالي وافقت وبعدها سافرت مع الجيش بس دي الحكايه)
نرجع:-
كانت حبوبه نعمه ضاماهو وبتبكى وهو كان مدسوس في حضنها وبعدها كلهم سلمو عليهو وعاتبهو على عملتو ويادوب فهمت هو كان لي بيعاين لعمار يوم الاحتفال طلع عمار هو اخو ايهم بس ماقدر يتعرف عليهو لانو كان صغير وكده اول ما مشى
خليتهم ومشيت على نور قعدو بيتكلمو كتير الدكتور طلعهم بره الغرفه بس انا حلفت ما اطلع وبقيت جمبها لمن صحت واتونست معها وغلبني النعاس ونمت معها بس فجاءه سمعت صريخ فتحت عيوني ولقيت نور بتتقلب وبتصرخ دخلو الدكاتره وطلعوني بره وكنت متوتره شديد وكان زمن الزياره بدا بس انا كنت نايمه وماجايبه خبر لقيت ايهم جاي على ومعاهو اهلو جريت عليهو وصميتو شديد وانا ببكي من الخوف ومن المنظر الشفتو في نور وكانو مخلوعين بس جاء الدكتور طالع وقال لينا
اسف ياجماعه بس البقاء لله المريضه اتوفت بسبب خطأ طبي في العمليه انا انهرت شديد نور كانت اول صحبه لي ماقادره اصدق واغمى علي صحيت وسمعت الدكتور بيقول لازم تهتم بي صحتها عشان صحت البيبي وكان بتكلم مع ايهم بعد الدكتور طلع ايهم قبل على وضماني شديد
ايهم:حنجيب نور صغيره وحلوه حبيبتي 🥺💔
انا بقيت في صدمه بين الفرح على البيبي الفي بطني والحزن على فراق اغلى صحبه لي
مشينا البيت حق اهل نور عشان الدفن وكده انا بس فضلت قاعده في غرفتها والدموع جاريه نهر
مرت ايام البكى وكانت بس من الغرفه مابطلع وبيجيني ايهم دا بعد تحانيس حتى باكل لقمه دا كان ما رجعتها🤢🤮 والحبوب ببلعها بالقوه الله يخليهو لي 🥺💛💛
ومر قريب شهر حتى بديت ارجع شويه شويه وخصوصا انو انا حامل مفروض احافظ وكده وطبعا خالتو عفاف حلفت تخلينا نرجع الشقه وكده وفضو لينا غرفه وجيهوها تماام وايهم نزل مع حازم في شغل الشركه مايفوتكم واستقال من الجيش وكده ومرت علينا الايام والشهور وانا معذباهم كلهم معاي بي الوحم😂👋 والحمد لله جاء وقت الولاده حلفت اخش غير ايهم معاي وكانت عمليه وطول العمليه انا ماسكه يدو الدكتور قال بعد بنجوني غلبهم يفكو يدي منو وفضل قاعد المده دي كلها لمن الحمد لله جبت احلى نور 😭🤤💜✨
مرت الايام وانا بخاف عليها من النسمه عديل كده بس حبه حبه اتعودت وبقي عمرها سنه يدوبها بتتعلم المشي وطبعا جبانه خلاص😂عشان كده مشت متاخره بس في يوم جيت من الجامعه ومن جمب الباب بنادي في نور عاداتي المجنونه ابدا ماسبتها🤷♀️😂😭 جات سماره(الشغاله) وكانت شايلاها وواقفه لي كالعاده جمب الباب شلتها وكنت بلعب معها واتجاوزت الصاله بس لقيت ايهم نازل
سالي:انت للان مامشيت الشغل وله جيت هسي وله مالك🤨
ايهم:لالا مشيت وجيت دايرك في موضوع
سالي:خير موضوع شنو؟؟
ايهم:هاتي نور(وشالها مني ومسكني من يدي)وساقني نزلنا على الصاله وانتبهت انو فيها ضيوف وقفت جمبو وكنت بعاين ليهم وانا مصدومه على مافاهمه علي كلو حسيت انو انا غبيه في الوقت داك وانو جميع حواسي اتشلت وكانو.........
يتبع💜✨
