أسد الداخلية 🇮🇶

الانتفاضة الشعبانية 1/آذار/1991

اني صح اذا انلزمت بالمعركه راح انعدم او انقتل
بالمعركه وهاي يم ربج بس ما خفت ولا راح اخاف من عدهم.. تدرين ليش لان هذا البلد عمرة ماراح ينبني من غير دمنة وتضحيتنة

برواحنة..
ضلت تبجي وايدهة على بطنهة تتحس ابنهة الي بعدة ماشم الهوة

-واني مفكرت بيه؟ وهذا الطفل الي ابطني
ماخفت عليه؟ منو النه بعدك؟ منو عزوتنه؟

ابتسم وخلة ايدة على ايدهة..

-هذا الي ابطنج أسد مينخاف عليه راح يدير باله عليج.. وبعدين ما تفرحين رجلج شهيد؟ ويگلولج مرت
الشهيد محمد الراهب؟
اما ابني فالله عزوته.. وعزوتنة كل احنة

- شلون اعيش بلياك؟ محمد واني ما اريد يگلولي مرت الشهيد اريد ابقة زوجة محمد
وبس...

- تعيشين.. تعيشين علموده وتربيه
احسن تربيه وتزرعين بيه حب الوطن
والغيره على گاعة واهل بلدة... وتعلميه حبه لبلدة عبادة وهية امه وابوه واهله وتعلميه ينطي روحة وهوه الممنون ولو شيسوي يبقة مقصر.. علميه.. علميه

استودعتج عند الله.