أنثى بدون رحم (كامله) لــ خديجه السيد

4_

فصل بتاريخ : 24/12/2020

#روايه_أنثي_بدون_رحم
⁦✍️⁩ #بقلم_خديجه_السيد

الفصل الرابعه
_____________________

مؤلمة تلك الدمعة التي تسقط، وأنت صامت تسقط من شدة القهر، والألم، والإحتياج.🖤

أتسعت عينيه بصدمه وهتف بحده: نعم يعني ايه سبتي البيت وطلبتي الطلاق

لتنظر سيلا إليه باعين متسعه: امال كنت عاوزني افضل يا بابا بعد ما بهدلوني وغلطه فيا ... وبعدين هو ده كل اللي همك رغم كل اللي حكيته

تنهد رجب قائلاً: يا بنتي برده ما كنتيش سبتي .. خراب البيوت سهل كده ! لكن بناءه من تاني صعب

سيلا بجدية: وانا مش عاوزه ارجع لي من تاني خالص .. هي اصلا كانت جوازه كلها غلط في غلط من الأساس

هز رأسه بنفي وقال بجدية: بس بطلي هبل مش من اول مشكله تطلبي الطلاق .. ده جواز مش لعب عيال

نظرت سيلا بسخرية قائله بمرارة: اول مشكله ! لا يا بابا انت غلطان .. في مشاكل كثير قبل كده حصلت واهانات ثانيه وكلام يوجع الحجر ! و معايره كمان عشان مش بخلف .. بس انا كنت بسكت وبعدي كثير أوي .. وكل مره اقول ممكن يتصلح الوضع ويتعدل للاحسن .. لكن للاسف الوضع بيسوا اكثر من الأول

رجب بحزن: يا بنتي يعني انتي كأن عجبك قاعده كده من غير جواز .. وكلام الناس ونظراتهم ليكي وليا.. بلاش تتسرعي وفكري كويس .. انتي وضعك مختلف عن أي حد

هزت رأسها بالنفي سريعًا وقالت بنبرة حادة لا قابله للنقاش: برضه مش هرجع

ليفتح فمه رجب يريد أن يتحدث مره أخري ليسمع صوت جرس الباب لينهض بضيق شديد ليفتح وبعد عده ثواني يأتي وهو يحمل ورقه في يده لتتسأل سيلا بأستغراب: مين كان على الباب و إيه الورقه دي

نظر إليها بحده ليقول بغضب: ورق طلاقك .. ارتحتي كده

الصدمة كانت قوية بالرغم من كونها توقعتها أن إخلاص سوف تفعل المستحيل حتي يطلقها محمود لتأخذ نفس عميق قائله بهدوء: الحمد لله على كل حال

***
مرت ٣ شهور تقريبا كاملين من بعد طلاقها و عادت سيلا تعيش مع اهلها وهي منعزله عنهم طول الوقت و تتجنبهم.. وتتجنب الحديث معاهم ... وغير قادره علي سماع صوتهم .. عندما تنظر إلى وجههم أو تسمع صوتهم تبكي بحسره علي حالها بشفقه لأنهم السبب في ما حدث لها من البدايه .. زل ،اهانه ،معايراه ، و كم أحست بأنها رخيصه وبل ثمن مجرد سلعه للبيع من أجل من يوافق أن يتزوجها وهو راضي على عيوبها .. إذا أنها ولدت بدون رحم أصبحت معيوبه ..

أتسعت عينيها بصدمه وهتفت: نعم عريس تاني .. هو انا لحقت يا بابا

هز رأسه بنفي وقال بلهفة: لا المره دي الراجل عنده اولاد ومتجوز .. يعني مش زي المره اللي فاتت