دمار

الحلقه .. 6

..
..

لايك قبل تقرو😘

..
..

نسرين : مشت للكفتيريا و هيا فرحانه ومره مره تتلفت وراها خدة شن تبي و رجعت لصاحبتها

اسيل بخبث : وين ع الابتسامات الضحكه واصله لعند لوذان

نسرين : حطت القهاوي ع الطاوله جبدة الكرسي وهيا مبتسمه و قعمزة دفت قهوة لأسيل وهيا شدة قهوتها تحرك فيها و تضحك

اسيل : خدة قهوتها تحرك فيها .. تي وين غير ردي علينا

نسرين : تعرفي انك واطيه بدل ماتسأليني شن حالي توا قعده تتسهوكي عليا

اسيل ضحكت : ههه هذا شكل وحده مخلوعه و طايحه

نسرين : جبدة نفس و طلعاته بتنهيده .. اااه يا وخيتي محلااه اهبل

اسيل : شوف شكون يحكي لا شكلك رسمي طحتي وما حد سمى عليك

نسرين : ابتسمت وتكت مرفقها ع الطاوله وحطت يدها تحت خدها

اسيل : ههه مهبوله .. به عطاك رقمه

نسرين : فتحت عينيها و ترمش فيهم .. حي ع ع امه ماعطانيش رقمه الواطي والله لايتحشم وتلفتت وراها زعما وين مشى

اسيل تضحك : ههههه هي نوضي ندورُ عليه

نسرين : حطت رجل ع رجل .. خلاص هذا اللي ناقص خليه تو اجي بروحه

اسيل : ههههه تو نشوفو حلاوتها ما يعبركش

نسرين : ابتسمت ع جنب .. تو تشوفي و خدة قهوتها قعدة تشرب فيها .....

..
..

تيم : طلع من الجامعه و وقف ع اول قهوه نزل من سيارته و خش وقف ف الباب وقعد ادور ف راسه لين لقاه مشاله جبده الكرسي وقعمز وحط الزف قدامه و دفه للشاب ...
تيم : هذا اللي تفاهمنه عليه

نفس الشاب اللي خدا من نسرين الجزدان : خد الزرف فتحه وشاف لفلوس اللي فيه ابتسم و شاف لتيم .. ميه ميه

تيم : فرد ظهره ع الكرسي وهوا حاط يده ع الطاوله وعود الاسنان ف فمه .. اللي صار يموت هني لا نعرفك لا شفتك

الشاب : ولا يهمك كون هاني

تيم : هز راسه .. تقد تمشي و تلفت ع جنب يطلب ف قهوه

الشاب : وقف حط الزرف ف جيبه و طلع من القهوه

تيم : ابتسم بخبث .. هه نشوفو شن موضوعكم ف الحب يا عيلة فلان .. طلع فونه و اتصل بعادل ... ها وينك

عادل : ف الحوش شن فيه

تيم : باه اللي تفكرة ان عندك حوش وانت خللت ف المعسكر

عادل : برا يا&&

تيم ضحك : به امالا نضم امورك حتي هيا مرتك نساتك