دمار

الحلقه .. 7

..
..

لايك قبل تقرو😘..

..
..

نسرين : متكيه ع الدولاب ومربعه يد واليد التانيه فوقها تشرب بيها ف الشاي .. زعما شن يحكو

سناء : غاطسه راسها ف الحوض تغسل ف الماعون و تتخايل لو فعلا طارق تزوج و قرر ياخد الصغار معاه شن بدير

نسرين : هيي سناء نحكي معاك

سناء : استاقضت ع صيحة اختها و تلفتتلها .. بسم الله خيرك تعيطي

نسرين : من بكري واني نحكي وانتي رايحه

سناء : فتحت الشيشمه تمصمص ف الماعون .. ماتعرفيش تتكلمي بالشويه😑

نسرين : ع اساس سمعتيني لما تكلمت بشويه😒

سناء : به خيرك شن كنتي تقولي

نسرين : تشوف لطاسة الشاي و تحكي .. قتلك زعما شن يحكو من بكري اكيد بابا مش عازمه هكي و خلاص

سناء : وعلاش مايعزماش بابا اعز طارق هلبا

نسرين : اممم بس حاسه فيه شي وراها العزومه هذي

سناء : تلفتت لنسرين يد ع رخامة الحوض واليد الثانيه ف نصها .. نسرين شن تخصصك انتي

نسرين : شافتلها بستغراب ورفعة حاجب ..وشن دخل السوأل هذا ف النص توا

سناء : نحس فيك قاريه قانون و قاعد اطبقي فيه وتجربي ف روحك🙂 .. شن دخلك فيهم شن يحكو كان موضوع يهمنا تو نسمعوه الكل كان هذا مادخلناش لفتت للحوض غسلت اديها وسكرة الشيشمه تنشف ف ايديها

نسرين : مدة شفايفها بتكشيره و هيا تشوف لختها

سناء : وهيا طالعه من الكوجينه نمشي نشوف الصغار شن دايرين ف امي خير من تحقيقاتك الفاضيه اللي صدعتيلي راسي بيها و شافتلها ع جنب بنص عين و طلعت

نسرين مكشره : حطت الطاسه ف الحوض .. والله ماني غسلتها يا سناء خلي تقعدلك للصبح و سكرة ضوء الكوجينه و طلعت لدارها ...

..
..

طارق : اكيد يا حاج شكون لقيت غيركم اني ف محنتي هذي

الحاج بلقاسم : واجبنا يا ولدي .. حبيت نقولك يا طارق هما اتعودو بينا و تعودنا بيهم و احني مش رح نلقو خير منك ولا انت رح تلقا ام لصغارك خير من بنتي سناء

طارق : نصدم و زمط ريقه برعشه و نبضات قلبه تسارعو

الشباب : كلهم تفاجئو ببوهم و قعدو اشوفو لبعضهم

الحاج بلقاسم : و ف الاول و الاخير القرار يرجعلك يا ولدي ولا شن رايك

طارق : مصدوم و ساكت

ياسين : عدل تقعميزته و ربع إديه قدامه وهوا متكيهم ع فخاده تنحنح و تكلم .. شوف يا طارق مايحشمك شي راه و لو عندك شكون ف حياتك قول هذي حياتك و انت حر فيها واحني زي قبل زي توا خوت و انساب