دمار

الحلقه .. 4

..
..

لايك قبل تقرو🥺😘

..
..

تيم : لحق جرتهم بس مالحقش عليهم تعصب وضرب يده ع الدومان وهوا يسب ف الشباب كلاااب نستاهل اللي عبيت ع 🤬 كيفهم وقعد يشوف ايمين و ايسار زي المهبول بلكي يلمحهم لين يأس كمل طريقه و مشي وقف ع البحر ....

..
..

نسرين : مشت مسافه و دخلت ف اول زنقه مستخطيه وقفت السياره و شافت لخوها

ياسين : حاط يده ع جبهته و يشوف لأخته و هوا اهز ف راسه .. شن اللي درتيه يا نسرين شن اللي درتيه

نسرين : دموعها ينزلو .. ماقدرتش نمشي ونخليك ونشوف فيهم يكرو فيك و ف اي لحظه يطلقو عليك سلاح🥺

ياسين : يتكلم بإيديه الزوز وبصوت عياط يا ع🤬 وكان جبدو فيتك حتي انتي اااه وكان طلقو عليك قدامي ااه ماتفكريش انتي حمااره اني راجل حتي كان قتلوني لكن انتي .. اقل شي يخسرو عليك رصاصه وعض ع فمه و يشوفلها وهوا مغلوول

نسرين : حاطه ايديها ع وجهها و تبكي

ياسين : استغفرالله العظيم نسرين اول واخر مره اديري امها ان شاءالله تشوفيهم يسلخو فيا قدامك اعفسي وامشي ومره ثانيه بري ف سيارتك ان شاءالله غير ماحفظوش وجهك بس

نسرين : ساكته و مستمره ف لبكاء

ياسين : عابس وجهه .. انزلي خلي نكمل سواقه

نسرين : هزة راسها وفتحت الباب ونزلت ركبت ف مكان خوها وهوا ركب ف مكانها و روحو للحوش ...

..
..

سناء : تمد ف صُفرة الشاهي للصادق .. ماجاش ياسين

الصادق : خدا منها الصُفرة و واقف يحكي معاها .. مشى يجيب ف نسرين حتي اتصل بيه مفتاح ماردش

سناء : اها تمام حتي اني اتصلت بنسرين ماردتش

الصادق : اكيد جايين ف الطريق .. شني مازال الغداء

سناء : لا خلاص معادش مازل هلبا قداش تبو مقعد

الصادق : حطي بالزايد حتي 7 ولا 8

سناء : عيونها دمعو الله يرحمك يا خوي بدل ما نوزعو ف مقاعد فرحك نوزعو ف مقاعد عزاك

الصادق : هذي الدنيا الله يرحمه ويغفرله وان شاءالله هذا حد الاحزان

سناء : ان شاءالله

الصادق : وتو لغدا نص ساعه ونجو نطلعوه

سناء : به ان شاءالله خشت تكمل ف الغداء و توتي فيه ف المقاعد ..

   
                     ... روايات هبوو ...

عادل : رفع الشباب للمعسكر و دخل الشاب المُصاب لغرفة الاسعافات اللي دايرينها ف المعسكر للاصابات الخفيفه و اللي ماتطلبش عمليات كبيره حط الشاب ع السرير وبدو اخيطوله ف الجرح لان الرصاصه ضرباته وطلعت .. طلع عادل وقف برا وهوا ادخن وقف عليه الشاب الثاني اللي كان معاه