دمار

الحلقه .. 5

..
..

لايك قبل تقرو😘😉...

..
..

طلعو ياسين ومفتاح لقو الدنيا خايضه برا سلاح و دوشه و تكسير

ياسين : مطبس راسه ويمشي تحت الحيط خش لمحلهم الثاني .. هيا هيا بسرعه سكر و طلع

عُبيده : اسكر ف الخزنه بسرعه .. جو لكلاب

ياسين : اشوف لبرا .. قعدين ف الشارع من غادي يتعاركو هما و جماعتنا

مفتاح : خش عليهم يجري و داهش .. تي هيا شن تستنو

ياسين : وين طه

مفتاح : مهناش لقيته مسكر المحل .. هيا سقدو رواحكم

عُبيده : رفع حاجاته و طلعو بسرعه سكرو محلاتهم

مفتاح : برو روحو اني بنقعد مع الجماعه

عُبيده : علاش بتقعد مش حفله هيا راه

ياسين : ضروري واحد منا يقعد رزقنا هذا مش رزقهم كان روحنا كلنا توقع حتي هما اوخرو

عُبيده : امالا خلي نقعد معاك حتي اني

مفتاح : لالا روحو انتم و شن اصير نقوللكم

ياسين : تمام شن اصير كلمنا .. ركبو سياراتهم و مفتاح مشى لجماعته يضرب معاهم ...

..
..

الحاج بلقاسم : واقف ف نص الارض جثه بلا روح واشوف ع مدا بصره و ساكت

الصادق : يتكلم مع صاحب الارض وعينه ع بوه .. تمام امالا تفاهمنا

صاحب الارض : مد يده يسلم خلاص ان شاءالله اول مانكملو الإجرأت تدفعو الباقي

الصادق : ببتسامه و اسلم عليه .. ان شاءالله ع خير

صاحب الارض : شاف للحاج سلم عليه و استأذن منهم ومشى

الصادق : شن يا حاج فيك شي

الحاج بلقاسم : بنبرة حزن .. خوك الطاهر كان يستنى امتي ناخدوها

الصادق بأسف : الله يرحمه و يغفرله هاك حققتهاله

الحاج بلقاسم : هز راسه ياريته معرس وعنده حتي صغير واحد كتبتها بسمه

الصادق : وقف جنب بوه ولف إيديه ع كتافه حضن بالجنب .. هذي الدنيا يا بابا ماديرش ف روحك هكي ادعيله بالرحمه

الحاج بلقاسم : الله يرحمه ويغفرله هوا مات و المشكله اللي كانت عليها الارض نحلت

الصادق : ساكت ويشوفله بأسف

الحاج بلقاسم : مسح ع وجهه اخبي ف دموعه اللي نزلو و شاف للسبحه ف يده .. هيا خلينا نروحو و شوف خوتك سكرو ولا شن صار فيهم

الصادق : كلمت ياسين بكري شوي قال كيف بِسكر

الحاج بلقاسم : ان شاءالله ربي ينهي هالمشكله ع خير انا حتي هالاشكالات اللي جايبينهم مصدرين غادي مش عاجبيني غير اهو نساير فيكم و خلاص