مملكه العشق ❤️❤️

اعتراف الدنجوان ❤️

يابابا بقولك بيقولي اني بتاعه ولاد اكنه بيقولي يالي مش متربيه.
كان هذا هو ما قالته عائشه لوالدها وهي تبكي بشدة.
فريد: يابنتي انتي مش بتقولي ان كان في حريقه في شركته يعني اعصابه بايظه اكيد ميقصدش
عائشه ببكاء: ولا يقصد انا عايزة اطلق منه
فريد باستغراب: أ أيه؟!!!
عائشه بحرج: هيهي سوري اندمجت بس شويه بس برضوا انا بقيت بكرهه
فريد بغضب: آش متفسريش الكلام علي مزاجك ليه قولتي قال كدا عشان شاكك فيا؟ ليه ميكونش بيغير مثلا
عائشه: طب متصلش يصالحني؟!
فريد بنفاذ صبر: هو معاه رقمك؟!
عائشه: لاءه
فريد: اموت نفسي ياربي
عائشه: طب ليه بقي هااا ليه مجاش ورايا يصالحني؟!
فريد: ارحمني يارب متعرفيش ظروفه ايه الناهيه انتي تقدرى تحبي من اول نظرة بس متعرفيش تكرهي من اول غلط سبيها علي ربك بقي واسكتي صدعتيني

                                         ***********************

كانت مريم جالسه علي فراشها في المشفي تنظر الي الفراغ من حولها الي ان دق الباب.
مريم بتعب: ادخل
تهاني بابتسامه: صباح الفل.
ولكنها شهقت اعندما رأت مريم وعيناها الدابله والمرهقه.
تهاني: انتي منمتيش من امبارح صح؟! كدا غلط
مريم: تعالي شيلي الكالونه ديه مش عارفه اتحرك
تهاني: لاء مينفعش انتي مش بتاكلي فا الممحاليل هتقويكي شويه
مريم بغضب: انتي رغايه ليه اعملي الي بقولك عليه وانتي ساكته وهاتيلي نفجان قهوة بسرعه وناوليني الفون
تهاني بخضه: يامصبتي قهوة انتي عايزة ترفديني؟!!
مريم: انتي لو مسمعتيش الي قولت عليه هتترفدي بجد واه شوفيلي ندي فاقت ولا لاءه
انصاعت تهاني لما قالته مريم وتركتها وخرجت.

          **********

سعيد بغضب: قوم ياسبع البرمبه
عمر بتأفف: ايه بقي؟!
سعيد: ايه وبتسأل كمان في شغل يا شملول
عمر: شغل ايه الساعه كام اصلا؟
سعيد: الساعه٦ والشغل انك هتلف علي مستشفيات الاعصر تشوف الوضع
عمر بخضه: يانهار مش فايت انت بتصحيني الساعه ٦ وبعدين من قالك اني عايز اشتغل
سعيد: اخلص ياحيلتها والاقيك ورايا
عمر بهمس: ربنا علي الظالم والمفتري

         *********

مريم: الو ازيك يارنا؟
رنا باستغراب: الحمد الله كويسه
مريم: انا عارفه ان لسه بدري بس كنت عايزة اقولك ان لا انا ولا ندي جايين الشركه النهاردة ألغي كل الاجتماعات تمام
رنا: تمام بس هو حضرتك كويسه؟!
مريم بابتسامه حزينه: بلاش حضرتك ديه دا انا حتي اصغر منك وبعدين احنا صحاب في الاخر وانا اسفه لو كنت ضايقتك بكلامي قبل كدا بس انتي عارفه ضغط الشغل وكدا
رنا بحزن: متقوليش كدا انا فاهمه طبعا مالك يامريم؟! فيكي ايه؟!
مريم بتفكير: عملت حادثه انا وندي امبارح
رنا بخضه: يالهوي طب انتوا فين؟
مريم: احنا في المستشفي
رنا: انا هجيلك ماشي اديني العنوان بس
مريم: مفيش داعي متتعبيش نفسك
رنا: لا طبعا في داعي انا هروح عي الشركه الاول اظبط الدنيا واجي اديني العنوان بقي
مريم: ماشي احنا في مستشفي........
رنا: ماشي ياحبيبتي مش هتأخر
مريم سريعا: رنا اوعي تقولي لأمل ومتقوليش لطنط ناديه انتي عارفه امك مبيتبلش في بوقها فوله سورى يعني
رنا: ماشي يلا سلام
مريم: سلام
انهت رنا المكالمه وذهبت سريعا الي الشركه لكي تنهي العمل سريعا لتذهب الي المشفي