مملكه العشق ❤️❤️

العشق المؤجل ❤️❤️

نيار :سكوت بقي ياجماعه عشان عايز اقول حاجه
ندي ضاحكه:بس ياجماعه اسكتوا بس يابت منك ليها اخرسوا اتفضل قول يا استاذ نيار
ضحك نيار ولم يستطع الكلام
ندي:متقول.........قول....... يلا يابني
نيار:طب اهدي عشان اقول
ندي:منا هاديه انت شايفني بشد في شعري
يزيد:ياشيخه اسكتي هو متوتر خلقه
مريم:والا انت بتزعق لختي؟!
يزيد:اه عندك مانع
مريم:عندي مانع ونص وتلت تربع كمان
نيار بغضب:اخرسوا بقي
ثم تنهد وذهب واحضر مجموعه من البلالين واعطاها لندي
نيار:امسكي دول
ندي:حاضر
نيار:مريم هاتي دبوس وقومي من هنا
مريم:حاضر خد اهو
جلس نيار عند قدم ندي واعطاها الدبوس
نيار:فرقعيهم
ندي وهي تضيق عينيها:هو في ايه؟!
رنا ضاحكه:هتلاقي جواهم ميه هههههههه
رضوي:هيبقي شكلك مسخره هههههه
ضحك الجميع،ولكن اسكتهم نيار
مريم بحنق وصوت واطي:ياختي انا عارفه هو متعصب علينا كدا ليه دا
نظر لها يزيد وضحك.
مريم:بتضحك علي ايه يالا؟
نيار:مريم هطلعك بره.
مريم:سكت خلاص
نيار:يلا ابدئي ياندي
وبالفعل فرقعت ندي اول بلونه فكانت فارغه فنظرت له متعجبه فحثها علي ان تكمل،فرقعت ندي تاني بلونه فكانت مملوءه بورق الزينه الذي تناثر حولها وكان يوجد بيه ورق علي شكل قلوب مسكت ندي احدي الورق واشتعل وجهها خجلا.
رنا:مكتوب ايه؟!
لم ترد ندي ولكنها نظرت الي نيار بخجل شديد ،ذهبت لها رضوي وامسكت الورقه وصرخت:اووووووووو
ريتاج:ايه يابت مالك؟!
مريم بعد ما سكت الورقه:هو ال love ولع في الcorn ولا ايه
ضحك الجميع بشده، بينما نيار حث ندي ان تفرقع البلونه الحمراء فاذا بها بعلبه حمراء صغيره علي شكل قلب فتحتها فاذا بها الخاتم
ندي باعجاب:الله دا جميل اوي دا ليا انا
نيار:لاءه دا لأمي وانا جي اخد رأيك ايوه ليكي ياندي هيكون لمين يعني
سيف ضاحكه:دا انت طلعت سوسه يالا يانيار
مريم بجديه:استاذ نيار خلينا نتكلم جد شويه
ندي بتعب:ندي
مريم:متخافيش ياندي..... لو سمحتي يااستاذ نيار يريت تشرفنا في البيت عندنا لما ندي تقوم بالسلامه اعتقد ديه الاصول ولا ايه
نيار بتأكيد:اكيد بس لحد الوقت دا ندي بتاعتي
ثم اخذ يد ندي وألبسها الخاتم
نظر الكل له بزهول علي جرائته تلك
نيار:نستأذن احنا بقي يلا يايزيد
يزيد:يلا سلام ياجماعه
سيف:نستأذن احنا كمان يلا ياتجه
ريتاج:ماشي سلام يادودو سلام يارورو
كريم: استني انا چي انا كمان يلا روني عشان اوصلك
رضوي:روني مين!!!! وبعدين توصلها بمناسبه ايه ان شاء الله
رنا بتوتر:ايه بس يارودي قصدوا عشان منروحش لوحدنا والوقت اتأخر وكدا
رضوي:لا ياحبيبتي احمد هيوصلنا يلا قدامي سلام ياجماعه
ذهب الجميع ولم يعد بالغرفه سوي مريم وندي وامنيه
امنيه:هروح اجيب حاجه اشربها
مريم:هاتيلي معاكي
امنيه:ماشي
مريم لندي:ندي شريف في المستشفي
ندي  بصدمه:ايه؟!!!
حكت مريم لندي كل شيء
ندي بغضب:ياولاد ال........
مريم بهدوء:ندي انا عارفه ان شريف هو السبب بضربك بالنار انا هسألك سؤال واحد انتي ناويه تسامحيه وتكملي حياتك عادي؟
ندي بتنهيده:مش قادره ازعل منه اصلا يامريم بس انتي ايه؟
مريم:مسير المشاكل ديه تخلص ونرجع زي الاول بصي سبيها علي ربك
ندي:اشطا
دخلت عليهم امنيه وقد احضرت لهم عصير
امنيه:اتفضلوا
ندي:تسلميلي يارب
مريم:يلا اشربي وارتاحي شويه وانتي كمان  ياامنيه
ندي وامنيه:تمام