مملكه العشق ❤️❤️

سر غامض 😎

امنيه باستغراب وهي تقرأ الرساله:تعالي حالا في موضوع مهم لازم تعرفيه موضوع حياه او موت اوعي تتأخري هبعتلك اللوكاشن حالا........ ايه العبط دا؟!!!! يلا يامونتي مش هتخسري حاجه اما نروح نشوف موضوع حياه وموت دا
خرجت امنيه من المشفي وركبت سيارتها واتجهت الي المكان الذي جائها موقعه في رساله اخري.

            ************

اما مريم فظلت واقفه تراقب امنيه الي ان خرجت من المشفي.
مريم بتنهيده:اوووووف اخيرا اطلع انا بقي
كانت مريم تتسحب لا تريد ان يراها احد وهي تدلف الي المشفي مره اخري.

         *********

يزيد:سيف انا هروح لنيار المستشفي وبعد كدا نروح علي المطار
سيف:تمام روح وانا هخلي بالي من الشغل
يزيد:تسلم ياصاحبي هو الواد كريم فين مشوفتوش النهارده؟!
سيف:كريم مجاش النهارده
يزيد:غريبه ديه هبقي اشوفه
سيف:ماشي ابقي وصل سلامي لفريد بيه
يزيد:يوصل
خرج يزيد من الشركه وتوجهه الي المشفي ولكنه صدم عندما وجد مريم تتسلل الي داخل المشفي بحذر شديد وتتلفت حولها بصوره ملفته
يزيد باستغراب:ايه الهبل الي بتعمله دا؟!!!!ياتري عامله مصيبه ايه المرادي؟
سار يزيد خلفها فوجدها تدلف الي احد الممرات بالمشفي ولكنه ليس الممر الذي توجد به ندي فتبعها الي ان وقفت امام احد الغرف.

         **********

وصلت امنيه الي ذلك المكان ،فكان مكان فارغ من كل شيء مساحع واسعه من الارض،صحراء جرداء.
امنيه باستغراب:ايه المكان دا؟!!
ولكن لفت انتباهها سهم موضوع علي الارض ألتقطته من علي الارض وقرأت ما عليه
امنيه :اتبعيني!!!!!
سارت امنيه في اتجاه السهم وبعد قليل وجدت سهم اخر
امنيه:ثقي بي واتبعيني وسأرشدك الي من دق له قلبك ودق قلبه لكي....... اما نشوف اخرتها.
اكملت امنيه سيرها وبعد كل كل فتره كانت تجد سهم فتلتقطه وتسير في الاتجاه المشار اليه ظلت تسير الي ان وجدت طاوله وشموع وطعام ،عشاء رومانسي كما يقولون ذهبت امنيه نحو الطاوله فوجدت سهمان.
امنيه وهي تقرأ السهم الاول:لم استطع ان اراكي سوي كأميره يا اميره قلبي
امنيه وهي تقرأ السهم الثاني:انظري تحت الطاوله
نظرت امنيه تحت الطاوله وجدت علبه زرقاء اللون فتحتها وجدت بها ورقه صغيره نظرت اليها وابتسمت.

      ********

مريم بتنهيده :يلا يا ريري خليكي strong وأوعي يضحك عليكي
يزيد من خلفها :بت انتي نويه علي ايه
مريم بخضه:عاااااا يا اخي ارحم امي أنت بترقبني ولا ايه
يزيد ضاحكا: انت الي حظك وحش ربنا بيرميكي قدامي
مريم: اعمل نفسك مشوفتش يلا هشش من هنا هنرش ميه
يزيد: اتكلمي عدل احسنلك
مريم: ولو متكلمتش عدل هتعمل ايه ان شاء الله
يزيد: اعمليها تاني متلوميش حد غير نفسك
كانت مريم سترد ولكن قطع حديثها احد الاطباء: الصوت يا جماعه كدا مينفعش
مريم: احنا اسفين يا دكتور بس ينفع اسألك عن حالة الي جوه
الطبيب :حالة كويسه كدمات بسيطه كانت المشكله كانت في رصاصه في كتفه مكنتش اتعالجت كويس بس احنا عملنا اللازم
مريم:انا متشكره جدآ
الطبيب:علي ايه دا وجبي عن اذنكوا
ثم ذهب.
يزيد:مالك مهتميه بالحاله الي جوه ليه؟!وبعدين تعالي هنا مين الشخص الي اسمه شريف دا الي انقذتيه امبارح؟!
مريم بتوتر:دا .......دا...... دا.....
يزيد:دا دا دا ايه اخلصي
مريم:دا صديق
يزيد بتريقه:يا ماشاء الله مامكتر صحابك الرجاله مش فالحه غير في سجلي رقمي اسفه مبصاحبش ولاد تعالي نخرج انت عبيط اسفه مبصاحبش ولاد.
مريم بغضب:يزييييد
يزيد:بلا يزيد بلا نيله صديق ايه دا الي ترمينفسك للموت عشانه
مريم:يزيد لو سمحت مدخلش نفسك في حياتي
يزيد بغضب:اقسم بالله لو سمعتك بتقولي كدا تاني لكون مكسر دماغك هو محدش مالي عينك ولا ايه من النهارده اعتبري نفسك متراقبه هعرف كل حاجه فاهمه ولا مش فاهمه
مريم بحنق:فاهمه ياساتر طب.... طب ينفع ادخل اطمن عليه من بعيد والله مش هتأخر
يزيد:ماشي بسرعه خمس دقايق
مريم:حاضر
انتظر يزيد بالخارج ودخلت مريم الي الغرفه.