مملكه العشق ❤️❤️

خدعه غير متوقعه 🤔😌

وحشتوني وحشتوني والمره دي جيت ببارت طويل بس يارب يعجبكم والاقي تشجيع علشان اكمل يلا مش هطول عليكوا ياقمرات
      *********************

مريم ضاحكه: اموت واشوف شكلهم دلوقتي ياندي
ندي ضاحكه: زمنهم انشلوا هههه اموات بلا ريأكشن هههههه
مريم: بس ياختي نيار ويزيد مطلعوش سهلين زي ما كنا متوقعين صحافه وكاميرات متنكرة يانهار اسوس
ندي: عايزين يفضحونا ويعرفوا مين الصياد بس دا بعنهم الصياد عمر ما حد لوى دراعه ولو هيشيل قناعه هيشيله بنفسه مين كان يتوقع ان صفقه بمليارات زي ديه وتعتبر اكبر صفقه اتعملت في الشرق الاوسط كله هتتسلم في اصغر مينا ومش في السويس لاءه في اسكندريه كمان
مريم بصراخ: ياندي ياجااامدة

flash back

مريم: ندي الحقي ولاد العشري مراقبين المينا الي هيتسلم فيه الصفقه ومش بس كدا دول نشرين الخبر في البلد كلها و البلد كلها مستنيه الصياد وخدي الكبيرة في اعلاميين وصحافيين ودنيا
ندي: كدا الصياد مش هيعرف ينزل خالص ولا يهوب هناك هنعمل ايه؟!
مريم بتفكير: عندي فكرة
ندي: اتحفيني
اخبرت مريم ندي الخطه التي وافقت عليها واتصلت بويليام سريعا.
ندي: في تغيير بسيط في خطه التسليم بتاعه النهاردة
ويليام: تغيير ازاي يعني البضاعه هتوصل كمان ساعات بسيطه ازاي هنلحق؟!!
ندي بجديه: دا شغلنا يااستاذ ويليام وديه أوامر الصياد
ويليام: واحنا عنينا للصياد

back

ندي: سيبك بقي من الكلام دا البضاعه وصلت المخازن
مريم: ايوة وكله تمام
ندي بتنهيدة: اهو الواحد دلوقتي يرتاح

         ************

نيار بغضب كبير: يعني ايه الكلام دا غيروا المعاد ولا مسلموهاش اصلا
يزيد بهدوء: او يمكن غيروا مكان التسليم احنا ازاي مفكرناش في كدا البلد كلها كانت مستنياه وديه حركه متوقعه
نيار: انا مش هسكت انا بكرة هروحله الشركه ولازم اقابله

             ***********

سعيد: طلع اذكي مننا كلنا بس ملحوقه الجايات اكتر من الرايحات بكتير وانا بحب اللعبه الصعبه الي تتعبني وراها عشان احس بلذه اكبر وانا بقضي علي صاحبها.

         ************

وحل المساء اخيرا بعدما تحقق ما كانت تتمناه عائله الصياد.

مريم بنوم: الواحد عايز سنه نوم بعد التوتر الي كان عايش فيه دا
ندي: هو انتي بتعملي حاجه غير النوم اصلا
مريم: لا بجد ياناكرة الجميل انتي الفكرة كانت فكرتي وميجبهاش غير العباقرة يالطخ
ندي: لطخ!!! الفاظك عنب ماعلينا مريم انتي هترجعي الجامعه
مريم: ربنا يسهل
ندي: من امتي وانتي ضعيفه وبتهربي من مشاكلك بالشكل دا يامريم؟!
مريم: ندي انا مش ضعيفه
ندي: لاء ضعيفه تقدري تفهميني انتي مش بتروحي الجامعه ليه؟! يامريم انتي تقدري تشتري الجامعه كلها بصاحبها بالطلاب بتوعها.
ثم سكتت قليلا تحاول استعادة هدوئها: بصي خلاصه الكلام انتي هترجعي الجامعه ديه اصلا اخر سنه ليكي
مريم بمرح: اصلا!!! حاضر ياستي هروح الجامعه ينفع انام بقي
ندي: نامي ياختي تصبحي علي خير
مريم: وانتي من اهله واه صحيح مفيش شركه بكرة
ندي باستغراب: ليه؟!
مريم: اجازة رسميه
ندي ضاحكه: ماشي ياستي