فات شهر في ايطاليا الكل رجع صحاب ليث و ماريا و سيلين و مايك و فيصل و سيرين و تفاهمو يهبطو للبلاد يديرو العرس اما فهد دايما عقله عند سهام لي يشوفها بكامل البنات قررو قبل يروحو لدبي يديروها مفاجأة لسهام
في دبي كل واحد بدأ يخدم عادي و البنات عايشين معا سهام بنفس الدار و دراري حاكمين الدار لي حداها خير الدين عتارف ل آسيا بلي يحبها قررو حتا هما يدرو العرس فالبلاد معا صحابهم
اليوم يخرج جاسر من لسبيطار الكل يحضر داروله حفلة زهاو و فرحو هما هاكا حتا دخلو ماريا سيلين سيرين و فيصل ليث و مايك و فهد فرحت سهام بزاف و قعدت متجنبة فهد كملت الحفلة و راحو الضيوف و بقاو غير هما
جاسر : فيصل قالولي بلي دخلتو سلاح جديد متنساش دربني عليه
فيصل : نتا اامر و انا نفذ
سهام : لا جاسر تفاهمنا ماتزيدش تدرب
جاسر : لا ماما ماتفاهمناش
فيصل : جاسر خلاص روح رقد غدوة نتفاهمو
راح جاسر يرقد
سهام : فيصل مادربه على والو
فيصل : سهام ماشي كيما هاكا تبعديه
ماريا : سهام هاكا قادر يعاند كتر غير بشويا و فهميه
سهام : ماعرفتش مادابيا مايكونش الحلم نتاعه كيما امه
ليث : هههه على ما راني نشوف كتر من امه
فهد : هو وين عرف بلي دارو سلاح جديد
سيرين : هههه جاسر ملي كان صغير هكر لي سيت و خطرة لقيناه قريب يدخل ديب واب
فهد : ربي معاك محال يخرج هادا الطفل
سفيان : لوكان يسمعك قتله طفل ليوم نهارك
فيصل : ههه انا قلتهاله خطرة ضربني في الكتف كان غادي يقتلني
سفيان : لا
طلع تريكو فيصل و شافوها
سفيان : سمانة جايا نهبطو للبلاد
سهام : وي انشاء الله
ماري : سالم حذر باش تروحي في طيارة خاصة
سهام : وي عارفة و انا نقولكم خودو بالكم من رواحكم و كونو عايلة وحدة
ميمو : و شبيكي تقول راكي تودعي
آسيا: سهام واش كاين واش هاد الهدرة
سهام بنبرة حزينة : لا ماكان والو بصح هادا سفر ناس قاع تقول هاك
ماريا : سهام هيا عندي هدرة معاك
راحو يهدرو
ماريا : سهام مالكي راني نحس كاين حاجا
سهام : أول خطرة في حياتي نخاف هاكا و انا رايحا للبلاد موالفة نكون خير
ماريا : علاه ماتروحيش معانا
سهام : نو مانقدش نريسكي بيكم روحو نتوما معا ولادي أمانة عندكم و انا نهود وحدي قادر يكونو يعسو فيا اموا نتوما تكونو بعاد
ماريا : سهام نهود معاك مانخليكش وحدك
سهام : نو غادي يفيقولنا روحي معاهم و باسبورات نتاع ولادي ما تطبعيهمش فالمطار خاطرش قادرين يحوسو علينا و درك نوصي جاسر يقولك ماما و ليث درك نهدر معاه و نفهمه شتا كاين هاكا ماكانش بروبلام
ماريا : نو خلي فيصل و سيلين و ليث خليه هنا معانا و هادي آخر هدرة
سهام : ماريا هاكا فهد غادي يحوس علاه ماتنسيش بلي صاحبه ليث
ماريا : خليها عليا قتلك
سهام : غادي نقولك حاجة العملية لي عندي من بعد العرس صعيبة و قوانينها صارمة و راكي عارفة واش نقصد
ماريا : نو سهام ماتقبليهاش ماتنسيش عندك ولاد
سهام : اموا يقولولهم امكم ماتت شهيدة و قتلت أكبر عصابة مافيا فالعالم و وعديني كي يكبر جاسر ديري المستحيل باش مايدخلش لهاد الدومان و انا غادي نهدر معا لافامي نتاع اياد باش نبدل لجاسر و اسراء اللقب نتاعهم و يبدو حيات جديدة
ماريا عينيها دمعو : و سالم واش قالك
سهام : قالي نفدي العملية و من بعد نشوف عندي 2 شهرين بعد المهمة نعيشهم معا الولاد هاكا نشبع منهم
ماريا : لا سهام ماتقوليش هاكا درك سالم يشوف كي يدير و يخرجك منها
سهام : إنشاء الله المهم الهدرة تبقا بيناتنا
راحو ريحو معاهم و ماريا عقلها بعيد تخمم واش دير باش توقف معا صحبتها تفرقو و كل واحد لشمبرتها و دراري راحو معا بعضهم
ناضو الصباح على العياط نتاع آسيا هبطو يجرو و دراري لحقو واش كاين
عطاتهم لي كانت هزتها ظرف و فيه تصويرة سهام فيها دم و معاها رصاصة هزتها سهام و شافتها
سهام : وين لقيتيه
آسيا: حدا الباب سمعت صونات كي حليت لقيته
سهام خرجت برطابل و شافت الكاميرا نتاع الباب و لي شافته خلاها تضرب البرطابل معا الحيط بكل قوتها و هما مدهوشين
سهام : حضرو رواحكم اليوم تروحو للبلاد وجدو رواحكم كيما راكم
فهد : نبقا معاك هنا
سهام : مايبقا معايا حتا واحد خلوني وحدي
ماريا : روحو نتوما و انا نبقا معاها صايي
ليث : روحو نتوما و انا نبقا معاهم
فيصل : سهام ماتتقلقيش كلش يفوت
فهد :نقدرو نعرفو واش شفتي فالبرطابل
سهام : مش لازم تعرفو لي شفته الحاجة الوحيدة تروحو ليوم للبلاد روحو وجدو رواحكم آسيا وجدي صوالح دراري فيصل جاسر أمانة عندك ماتغفلش عليه فالمطار
فيصل: سهام ماتخافيش أمانة عندي
راحت و خلت هبطت تحت و ناسية لي كان يتبع فيها و البنات الكل يجهزو في رواحهم هزت سلاحها لي منقوش باسمها بالذهب مصنوع خصيصا ليها و هادا كان هدية من عند سالم كي تفوقت في مهمة صعبة رغم صغر سنها وين باش تصوب وقف حداها
سهام : هبلت
فهد : نقد نعرف مالكي
سهام ؛ ماشي وقتها من بعد تعرف
فهد : و من وين عندك قاع هاد سلاح
سهام : ههه واقيلا نسيت شكون انا
فهد : ههه و شكون نتي
سهام : عميلة فالدولة و رئيسة المافيا فنضر الناس
فهد : سهام تهلي في روحك من مورا المهمة محتاجك في موضوع مهم
سهام : إن شاء الله
أنت تقرأ
طيبة بقلب أسد
Aventuraتروي القصة عن فتاة صغيرة علمتها الحياة بأن لا تثق بأحد جعلت منها امرأة مغرورة ناضجة و محبوبة و لا أحد يسيطر عنها و كلمتها مسموعة تزوجت صغيرة لتهرب من الناس و كانت عائلتها اغلى شيء لها ابتعدت عنهم لتوفر لهم كل محتجاتهم سافرت فرنسا و هي قاصر تزوجت في...
