ناضت الصباح دير سبور و فطرت معا صحابها دات ولادها يقرو و راحت خادمتها كيف كل اليوم لازم تراقب اوتالات الكل قبل ما تروح الكبير و هي رايحا جاها اتصال
المتصل : صباح الخير
سهام : صباح الخير
المتصل : خدمتنا تقدمت 1 جانفي لازم تكوني في ايطاليا
سهام : مانقدش لازم ولادي نأمن عليهم قبل ما نبدا العملية
المتصل : ماتخافيش نديرولهم الحراسة
سهام : قبل بعت الحراسة للجزائر لاهلي ما نامنش عليهم وحدهم و هنا ولادي
المتصل " خلاص راني ديجا بعتلهم ولادك تاني ماتخافيش
سهام : اوكي خلاص ديرني عندك
المتصل : اوكي باي
سهام : باي
كملت عادي سمانة حتا رأس العام الحفلة لي دارتها فالاوتال رواحهم و راحو لوتال حتافلت عادي حتا لصباح كملو و رجعت لدار حضرت روحا و ودعت ولادها و راحت للمطار تلاقت طيارتها حاضرة ركبت و راحت لايطاليا بعد مدة طويلة هابطة بكل ثقة طونوبيلات 4×4 كحولا و قارد يستنو فيها ركبت طونوبيل و ديراكت لوتال نتاعها دخلت دوشت و رقدت ناضت العشوة تعشات و راحت تسهر تحت فالبار مريحة بلاصة VIP و تشوف بالداخل و الخارج حتا شافت فهد و صحابه داخلين كفاه هادا جا هنا خلاته في دبي قعدت تبع فيه و فكل خطواته و طفلات يدورو عليهم و هما ولا علا بالهم جات خارجة شافها نخلع كفاه خلاها غادي جات هنا بصح كي سقسا عليا قالوله سافرت يعني هادي هيا لا لا
فهد : وليت نشوفها حتا و انا صاحي مزال ماشربت صايي هبلت انا
مايكل : واش بيك تهدر وحدك هبلت
ليث : ههه حبيبنا في بالي طاح
فهد : اسكت اسكت قاله طاح وين نطيح كملو سهرتهم و راحو رقدو و هي راحت للبيرو تتفقد الخدمة و راحت ترقد صباح ناضت لبست قشها و هبطت تفطر مريحة حتا جا معا صحابه
ليث : صباح الخير راكي هنا
سهام : صباح الخير وي عندي خدمة
مايكل : صباح الخير اول مرة نشوف مرا كيفك واقفة على صغيرة و الكبيرة
سهام : ههههه نورمال هادي خدمتي و لازم نوقف عليها
فهد : صباح الخير سقسيت عليك صحبتك و قاتلي سافرتي ما كنتش حاسب نلقاك هنا
سهام ؛ ههه حتا انا و نتوما واش جابكم
ليث : عندنا خدمة حتا حنا
سهام : اوكي ايا انا نخليكم درك صحا فطوركم
راحت و خلتهم و هوما خرجو وراها راحو للمقر
سهام : أهلا حضارات،
شاف : أهلا بيك الحمد الله على سلامتك
سهام : الله يسلمك نقد نعرف علاه تحوس تخدمني معا وحدوخرين
شاف : هادي هي القوانين
سهام : عطيني ندرس الملف و نتمنا لي خيرتهم يكونوقد المسؤولية
شاف : ماتخافيش يقدولها
سهام : اوكي ان شاء الله
هزت الملف و راحت لبيروها لي عنده شعال مسكر مريحة تدرس فالملف حتا جات سكريتار
سكريتار : سهام شاف يكلم فيك
سهام : قوله جايا
سكريتار : اوكي رآهم فقاعة الاجتماع
سهام : بيان اوكي
راحت سكريتار و هي هزت سلاحها و لاكارت علقتها في عنقها و هازا الملف دخلت عليهم من غير ماتنتبه على لي مريحين
سهام : ب ربي راك تهدر صح لي راه فالملف تضحك عليا قول
شاف ؛ هادا أمر و لازم تحتارميه
سهام : و الله راني نشوف فيه لعب دراري وي مش عملية هادي
شاف : سهام سالم طلب منك تكوني ثقيلة ماشي باش تلعبي بروحك راني عارف واش تخممي و اي غلطة راكي عارفة حياتك في خطر
سهام " ماتنساش لي حداك شكون واش تسوا فالعالم هادا
شاف : و الله حابا تهبليني
سهام : شوف من اللخر فيصل عيط ل سالم و نهز القضية وحدي ما نحب حتا واحد يخدم معايا
فيصل : روطار خلاص وصلو لي تخدمي معاهم و سنيو على الكنطرا
سهام : اوفففغفغف باش تهبلني نتا ( هنا دارت و شافت لي مريحين فالفوتاي ) اووو مين دخلو هادو
فيصل : ههه لوكان شفتي مليح كيدخلتي ماشي هجمتي عليا كي نمرحضرة العميلة
ليث : راني نشوف مليح و لا راني غالط
مايكل : لا ماراكش غالط مي مش فاهم واش صاري هنا
فهد : تقدو تفهمونا واش هاد المسرحية
فيصل : نقدملكم العميلة سهام و المعروفة بالجنية وسط المكتب و الشيطان عبر العالم و الأفعى ما بين المافيا أصغر عميلة في العمر و أكبر مرتبة في الوسط العملي
ليث : راني نحلم ولا صح
مايكل : يعني كل هاد الوقت و انتي مابايناش و حنا نسمعو غير بانجازاتك
سهام : ههه مارسي
فيصل : سهام نقدملك القناص مايكل و العميل ليث المعروف بايشطاين و العميل فهد و عنده نفس اللي نتاعك الشيطان
سهام : ههه متشرفين
فيصل : هادي هي لي غادي تخدمو معاها و نتمنا تتفاهمو مع بعضكم و كاعكمش وقت بزاف لازم تتحركو
سهام : انا ماعجبتنيش الخطة لي راكم دايرينها و ادا عجبتكم نتوما حاجة وحدوخرا
ليث : حتا انا معاك فيها بزاف غلطات و قادر يكشفونا
مايكل : بصح هوما ما يعرفوكش علابيها
سهام : مش عن لي مايعرفونيش على ما اضن نتا مزال ما قريت الملف اسكت خير
فهد : انا قريته و كنت حاسب توافقي عندك قاع المتطلبات لي تخليك تمشي على الخطة
سهام : في بالي حاسبني *****))) حداك احترم روحك قبل ما نكسرلك وجهك أخر مرة تهدر معايا هاكا
فهد : عرفي معامن راكي تهدري
سهام : الهدرة ماشي معاك نتا زيادة ليث نتلاقو فلوتال نتاعي ***** و هنا فيصل الخطة نتاعهم مرفوضة و غادي نديرو خطة جديدة
فيصل : ماشي انا لي درت الخطة دارها ******
سهام : وين راه درك هادا
فيصل : سافر عنده خدمة
سهام : هههههه حاسبني دغفة هو يعقبها عليا
فيصل : واش معنتها هادي
سهام : ههههه سي جان شراته المافيا و عطاوه هوما المخطط هادا و نتوما قاعدين تبعو فيه
فيصل : و نتي وين تعرفي
سهام : ههه قتله الف مرة حادر على روحك نقولك حتا واش كليت اليوم صباح ما غلطش
فيصل : ههه المهم واش درتيله
سهام : راه عندي قلت نستضيفه مانكمل المهمة يكون في خبر كان
فيصل : لازم تسلميه و ماتقتليهش و يعترف قدام رئيس
سهام : ههه مش حتاتقولي هوا عتارف بكل شي و الرئيس عارف باقي غير نفد الحكم عليه
فيصل : و الله برافو يعطيك الصحة
سهام : و درك باي نتلاقو فلوتال عطيتهم لادراس باي باي
أنت تقرأ
طيبة بقلب أسد
Pertualanganتروي القصة عن فتاة صغيرة علمتها الحياة بأن لا تثق بأحد جعلت منها امرأة مغرورة ناضجة و محبوبة و لا أحد يسيطر عنها و كلمتها مسموعة تزوجت صغيرة لتهرب من الناس و كانت عائلتها اغلى شيء لها ابتعدت عنهم لتوفر لهم كل محتجاتهم سافرت فرنسا و هي قاصر تزوجت في...
