كملت تدريب و طلعت لقاتهم وجدو رواحهم كلمت المطار قالولها طيارة حاضرة راحت لولدها و بنتها
اسراء : ماما رانا رايحين عند ميمي
سهام: وي ماما تروحي عند ميمي و تبقي عاقلة و انا نكمل الخدمة و نجي عند بنتي
اسراء : يا راني فرحانة
جاسر : ماما راني عارف كاين حاجة مش حابتني نعرفها بصح مهما يحصل انا نبقا نحبك و انتي اروع ام فالدنيا
سهام عينيها بالدموع : و انا نحبكم و تهلا في روحك و في اختك لازم تكون خوها و باباها و صديقها فهاد الدنيا
جاسر : ماتخافيش ماما انا راني هنا
حضنتهم شوي و هبطو
سهام ؛ حضرتو رواحكم
صليحة : سهام اي حاجة تستحقيها عيطيلي و انا غادي نتابع الخدمة من غادي
سفيان : سهام راني هنا اي وقت و كما قالت صليحة الخدمة نمشوها من البلاد ماتخميش قاع في لي اوتال
محمد : سهام انا طول عمري نقولك بلي نتي غير الكل كنت صديقة و أخت و سند اي وقت حتاجيناك لقيناك معانا حتا لدرك حبيتي دارك لينا تهلي في روحك و رجعيلنا عن قريب
سهام : تعرفوني نكره الوداع بصح لازم نهدر الحاجة لولا نبدا ب ميمو تهلا في روحك و في سارة إنسانة عاقلة و تستاهل واحد كما نتا حبها كيما هي حباتك و دارتك كامل حياتها طفلة أخرى لوكان تعرف خطيبها يحب أخرى ما تقبلش بيه و هي العكس و نتمنا ما تسمحش فيها مهما يحصل ،،،،، محمد و صليحة نتمنا تعيشو حياتكم في رفاهية و يتحقق حلمكم و تتزوجو تهلا فيها و هي تاني تتهلا فيك عس تزعفها راح تلقاني انا لولا في وجهك و نتي تاني ،،،، سعيدو و نجاة نتوما تاني تهلو في رواحكم و مادابيا سعيدو تنقص من هبالك شويا درك غادي تولي عندك عايلة ،،،،، سفيان و نسرين نتوما تاني و نسرين نقصي من عنادك و تهلي فيه راه مهبول علابالي بصح يبغيك و نتا تاني تهلا فيها ،،،،، المهم الكل تهلو في رواحكم بزاف بزاف و انا نحبكم آسيا نتي لي عشتي معايا كامل قصتي من لي دخلت للمخابرات تهلي في روحك و فالولاد أمانة عندك ماتغليش عليهم دقيقة و درك ايا باش تروحو
ودعتهم و رجعت هي و ماريا و ليث عيطت لشاف نتاعهم و عطاته خبر غادي تبدا المهمة و معاها مايا و ليث و وافق غدوة من داك راحو روسيا ثاني بلد المافيا و قامو بالعملية نتاعهم و نجحت و من تم راحو البرازيل و تخلصو على كامل المافيا بعد شهرين هبطو للبلاد راحت الاهل نتاعها قعدت معاهم و حضرت لعرس أصحابها كيما وعدتهم و راحو شهر العسل و هي قررت تروح دير عمرة راحت البيت الله معاه ربي يسامحها على اي غلطة دارتها و رجعت للبلاد تعقب آخر أيامها فيهم وصلت و دارو عرضا للأهل و الاصدقاء من غدوة راحت للمحامي و كتبت كامل املاكها لولادها جاسر و اسراء و راحت للمركز و باش تسكر ملف المافيا و هنا ماعلابالهاش بلي حطولها سم فالماء شرباته و من بعد راحت شافت صحابها و ودعت تقول حاسا بحاجة تصرا رجعت لدار قعدت معا العايلة تعشات و قصرة و طلعت حاضنة ولادها و رقدت و كانت هاديك هي آخر نهار لسهام فهاد لحياة الغدارة لي داتها و هي عادا صغيرة ناضو صباح ينوضو فيها ولاد ها والو حتا جات امها و تلاقت خلاص سهام طلعت روحها لربي حزنو الكل عليها شهر و هوما في نفس الحالة حتا جا نهار تنحل الوصية و عيطلهم الكل المحامي العايلة و صحابها لي هبطو من دبي
المحامي : سلام و بلا ما تطول عليكم سهام قبل ما تموت قسمت كامل الورث نتاعها علا ولادها يعني 50 % لكل واحد فيهم و الخدمة طلبت منكم كل واحد يبقى يخدم كيف من قبل و درك غادي نقرا الرسالة نتاعها
سهام ؛ سلام نتمنا تكونو لباس انا درك راني في بلاصة شابة علابالي توحشتوني ماعليش هادي هي دنيا اليوم جا المحامي عندكم و يكون خيركم ب الوصية و بلا ما نوصيكم على جاسر و اسراء تهلو في هم و ما تحسسوهمش بغيابي بابا تهلا في روحك رغم كنت نتا صغير فالعمر الا انك عقلك كبير و دايما تفهم الكبير و الصغير دايما بقا هاكا العايلة حاجة كبيرة و ادا خسرتها تخسر حياتك ماما نحبك تهلي في روحك و فالعايلة و ولادي أمانة عندك و خوتي تاني تهلي فيهم اياد ما تخافش عليك يا راجل دار وعدوني بلي ماتخلوش جاسر يدخل للمخابرات ماتسمحولهش حتا يخمم فيها نحبكم تهلو في رواحكم ،)
المحامي هادا واش خلت سهام بعد موتها كلمات عبرت عليهم بلي نحبكم تهلو في رواحكم
خرج المحامي و خلا وراه ناس قلوبها شاعلة ام تبكي على فلدة كبدتها و أخ يبكي عن أخت لي كانت مسانداته و صديق يبكي على لي خسر اعز الناس ليه كل واحد كان يبكي و بتفكر أيامهم بكري كل واحد عنده حكاية مخبيها في قلبه و من المستحيل ينساها مواقف حزينة و الاخرى سعيدة بعض الأوقات من التوتر ضحك بكا
حتا هبط جاسر : علاه راكم تبكو ماما ما تحبش ناس ضعفاء ايا خلاص ماما راهي عندي ربي و ماتت شهيدة بعد قضات على العصابات خلاص
الكل فرح لهاد الولد قداش قوي كيما ماماه و مايبينش الحزن نتاعه و من جيهة حزان لانه يعيش يتيم من غير ام و اب
هادي هي نهاية كرونيك نتاعنا نتمنا عجبتكم الخلاصة منها ( حاربي باش توصلي لي حابا و ماتعمرش راسك بهدرة الناس بعض الأوقات تضعف بصح بينك بين نفسك ما نبيعش للناس لانهم قادرين يستمتعو بحزنك و الاصدقاء خطارهم بإتقان سهام فالحقيقة عندها كامل هاد الاصدقاء ماشي غير فالكرونيك و نصف الكرونيك كانت حقيقة مثلا حياتها وين كانت عايشة ولد جارهم لي وثقت فيه ميمو لي حباته زواجها في فرنسا و ولادها سهام بقالها حلم واحد هو دخولها للمخابرات و دايرا المستحيل باش تحققه )
أنت تقرأ
طيبة بقلب أسد
Aventuraتروي القصة عن فتاة صغيرة علمتها الحياة بأن لا تثق بأحد جعلت منها امرأة مغرورة ناضجة و محبوبة و لا أحد يسيطر عنها و كلمتها مسموعة تزوجت صغيرة لتهرب من الناس و كانت عائلتها اغلى شيء لها ابتعدت عنهم لتوفر لهم كل محتجاتهم سافرت فرنسا و هي قاصر تزوجت في...
