داخلا المطعم بكل وهرة الكل يشوف فالملاك لي داخلة بكل ثقة رأسها عالي وصلت الطابلة ناض علاء : مرحبا بيك
سهام : الله يسلمك
علاء : راكي تهبلي
سهام : يعيشك
علاء : نهدرو و من بعد نتعشو
سهام : وي كيف ما تحب
علاء : كيف ما عرفتي انا ماجيتش غير هاكا بعتوني باش نقولك على لوتال لي راكي مسكراته
سهام : على ما اضن هادي حاجة تخصني واحد ما يدخل فيها
علاء : الوزارة مطالبة باش تحلي لوتال ولا ينحولك لوتال الكبير و راكي عارفة واش يديرو
سهام : و هادا قرار باباك
علاء : لالا بابا هو لي بعتني نقولك هاد الهدرة و قالك حالي لوتال قبل ما يبعتولك استدعاء بالغلق
سهام : ههه انا ديجا كنت راح نفتحو هاد سمانة بما انو جاهز
علاء : ما غلطش بابا كي قالي غادي تلقا جوابها حاضر
سهام : هههههه يعرفني مليح خدمت معاه بزاف من قبل
علاء : ههه وي قالي مي ما كنتش عارف قاع هاكا
سهام : و درك نتعشو
علاء : وي فازي
كلمو سارفار جا : مدام مرحبا بيك عندك مدة ماجيتيش
سهام : الله يسلمك
سارفار : مدام سهام كيما موالف صلاد سيزار و جي سيتغون
سهام ، وي مارسي
سارفار : و نتا موسيو
علاء : كيما المدام
سارفار: اوكي و راح
علاء : راني نشوف قاع ناس تعرفك من غيري انا
سهام : ههههه وي كنت نجي هنا بزاف انا و المرحوم راجلي
علاء ة الله يرحمه
سهام : آمين
سكتت و جابله سارفار طلب و قعدو ياكلو حتا وصلها مساج من آسيا
آسيا: رانا في لابوات نتاع موالف الحقينا
قرات المساج و دارت تكمل ماكلتها
علاء : نضن عندك شغل ادا حابة تروحي عادي
سهام : لا نورمال
كملو كلاو و خرجو جابولها طونوبيل ودعت علاء و راحت لابوات دخلت كيما العادة الكل يرحب و و ناس مفجوعة شكون هادي لي قاع رآهم يديرولها هاكا شتا تكون حتى وصلت طابلة VIP الناس الكل تبعوها بعينها حتا وصلت ريحت سلمت عليهم جابلها سارفار مشروبات كوكتيل هيا متشربش و هنا نطق دي جي : بالانجليزية : مرحبا باللبؤة سهام ( دورو ضو في جيهاتها و الكل يحوس واش تكون )
صحابها تعودو على هاكا شيرت بإيدها و الكل يشوف فالقنبلة نتاع قبيل
المجهول : هادي راني شايفها
المجهول 2 : انا تاني بصح مش عارف وين
3؛ هادي صاحبة أكبر سلسلة اوتالات في العالم و عندها بزاف شركات نتاع شعال من تخصص أصلها جزائرية بصح أحد الآن ما يعرفوش مصادر دراهم الكل من جاوها
1 ؛ هههه باينة معا المافيا
3: لا ماتخدمش معا المافيا
1: كفاه عندك قاع هاد المعلومات عليها
3 : نسيت بلي انا عميل FbI هههه
2 ؛ بصح علاه عندك هاد المعلومات عليها
3 : اوفف العام لفات صرا مشكل فالاوتال نتاعها في ايطاليا و كلفوني فالمهمة علابيها حوست عليها
2: بصح كيفاش عندها قاع هاد الاملاك و هي صغيرة بلاك نتاع بوها
3 : ههه البروبلام باباها كان بناء
1؛ حيرتني قصتها واش رايكم نتعرفو عليها مين نتا تعرفها ديرروحك عاقب و سلم عليها
هوما هاكا يخططو حتا وقفت حداهم : أهلا بالمحقق ليث في دبي
ليث مصدوم : أهلا مدام سهام
سهام: جيت تعقب الرأس السنة في دبي
ليث : وي جيت نبدل جو
سهام : مرحبا بيك متنساش تجوز تشرب قهوة و راك معروض لافتتاح فندق جديد نهار الخميس
ليث : مارسي
مايك : ماعرفتناش بيها
ليث : سهام اصغر صاحبة سلسلة شركات و فنادق في العالم هادا مايك و هادا فهد
سهام : متشرفين
مايك : مارسي متشرفين سمعت عليك بزاف بصح ماعلاباليش بلي لحتا هاد الدرجة
سهام " مارسي
فهد : متشرفين مدام سهام
سهام: مارسي يعيشك انا نخليكم و مرحبا بيكم معا ليث
سهام راحت قعدت و دات معاها قلب فهد لي قلب و باش يحبس ماعرفش علاه صرالو هاكا كملو تقصير و خرجو و فهاد الوقت خرجو ليث و صحابه ركب طونوبيل و قاعد يشوف فيها صحابها داهم شوفار و هي راحت بالطونوبيل نتاعها لوتال جديد تشوف ادا كملو تنظيف تمشي و هو وراها و كانو نفس الطريق و صلت تفقدت كلش و راحت لوتال باش ترقد و هي داخلا دخلت في عبد
سهام : سمحلي ماشفتكش
فهد : لا نورمال
جات العين للعين حست برعشة فالكور نتاعها و هوا تاني ضاع في عينيها لي كحولا كسواد الليل و فيهم بزاف حكايات جا الخدام : مدام سهام عندنا مشكل صغير
سهام : واش هو المشكل
الخدام : الشجرة نتاع رأس العام طاحت علا خدام ******* معانا قبيلا
سهام : واشنو كفاه ماتخبرونيش اهدر نتا زعما رئيس الخدم هنا حاسب الناس لعبا عندك
خدام ؛ لا مدام شافه طبيب و قاله ماعندك والو غير شوي ضربات و درك يروحو
سهام: و الله و الله و تزيد تتعاود هاد الخدمة نوريك واش هي حيات الناس لي تلعب بيها راك تسمع بعتلي عنوان داره و درك طير من وجهي
فهد : هدني روحك قالك ماعنده والو
سهام ؛ مهما يكون اي واحد يخدم هنا راه تحت مسؤوليتي و كما مانحبش على العايلة نتاعي مانحبش على الناس
فهد : ماكدبوش كي قالولي عمرك ماغادي تفهم عقليتها
سهام : واشنو
فهد : حزينة ،مرحة بعض الأوقات، متعصبة ،متمردة ،قاسية ،متعجرفة ،جميلة ،عاطفية
سهام : ههه واش حبيبنا درت عليا درس
فهد : ههه كيف ما تحبي
سهام : سمحلي نروح نرقد تصبح على خير
فهد: و انتي من اهله
راحت ترقد و هدرت فهد في رأسها و فهد راح دار حتا تعب من تخمام و راح رقد
طلع الصباح و جاب معاه احداث جديدة لبست قشها و هبطت تحت تتقهوا خدات قهوتها و حاطة الأوراق حداها تخدم حتا وقف حداها ميمو
ميمو : صباح الخير
سهام : صباح النور كنت تنوم فيا
ميمو : علاه مجيتيش لدار
سهام : ميمو ريح نهدر معاك اسمعني مليح انا و نتا مستحيل نرجعو لبعضنا حكايتنا خلاصت و نتا عندك بنت خالتك تزوجها و جيبها هنا تعيش معاك و راك تخدم نورمال حنا صحاب بصح حاجة وحدوخرا ماتصراش و ماغاديش تصرف باي شكل و نتمنا تفهمنا
ميمو : يعني خلاص
سهام : وي شوف حياتك و مضيعهاش على الأوهام و سارة تحبك و الله غير تحبك عطيها فرصة و تشوف لوكان ماتبغيهاش
ميمو : اوكي انا لازم نروح منقعدش هنا
سهام : ماحسبتكش خواف لهاد الدرجة
ميمو : واش حابة
سهام : اقعد علاه تهرب صحابنا قاع رآهم هنا غادي نهبطو نديرو العرس و نرجعو الكل معا بعضانا نخدمو
ميمو : اوكي اناموافق
سهام : هاكا نحبك
راحو لدار شافت ولادها و كملو روتين عادي الخدمة و القصرة و الضحك حتا جاها اتصال
سهام : الو
المتصل : الو سافا
سهام : سافا
المتصل بعد رأس العام عندك خدمة في ايطاليا لازم تكوني هنا
سهام : حاضر
قطعت و رجعت معا صحابها
سهام : حضرات واش تلبسو باش غدوة تقدمكم فالحفلة
الكل : مزال غدوة نخرجو
رشا : و انتي واش باش تلبسي
سهام : سيربريز و حقا فالسهرة كاين ضيف شرف
آسيا: علاء ولد الوزير
سهام : وي هو ايا درك نروح نرقد
راحو الكل يرقدو و ناضو الصباح نفس الروتين
سبور،دوش ،فطور ، لبس ،و خروج للشوبينق، غداء ،خدمة ، عشاء و قصرة ،تعدات يومين ما فيها جديد حتا نهار الخميس ننفس روتين صباح عندهم و لي راح الحفاف و البنات ماتعاركين علا الحفافة من غير سهام لي فلوتال تحضر في روحا هي نجمة الحفلة لبست روب غوج سيران و طويلة من تحت و محلولة مالقدام حتا لفخضها الكل يبان بيض و ضهر عريان الكل و فلقت صدرها تبان حتا ل صرتها v يعني مغطية كان لازم معا صباط نواغ طالون و البوشات شعرها دارته طالع غير خصلات هابطين خاتم نواغ و بوكل داغاي نواغ مكياج صاخب نواغ و بوردو في شايفها جاو الكل ضيوف لي رحبت بيهم صبرين و آسيا و هنا هيا هابطة بكل وهرة لبؤة بكل معنا الكل يشوفوها الباب سلمت علا لي تعرفهم و لي ماتعرفش جا وقت تلقي التحية طلعت سهام المنصة و ماعلابالهاش بلي كاين زوج قلوبهم محروقة
سهام بالانجليزية : مرحبا بكم جميعا اليوم في افتتاح فرعها الجديد و اشكركم على قبول الدعوة و اتمنا ان اكون عند حسن ظنكم و اتمنا لكم عطلة ممتعة و اقدم لكم اصدقائي و شركائه الجدد و شكرا
هبطت و راحت زادت هدرة معا الضيوف بالواحد حتا كرهت راحت للباب يخرج للجاردان و قفت تشوف بالنجوم حتا حست فاست تحطت عليها
فهد : البرد راه هنا
سهام ؛ اه مرسي سافا
فهد : الحمد الله و انتي باينة مقلقة
سهام ؛ نكره هاد الاجواء لوكان مش بسيف و الله ما نحضر
فهد ؛ هههه حتا انا معليش نسقسيك
سهام : وي تفضل
فهد : نقد نعرف علاه عينيك حزان هكا
سهام : ههه من وين جبت الهدرة هادي
فهد : عينيك يقولو هاكا
سهام : بلاك مين راني بعيدة على اهلي
فهد : بلاك مين راجلك مات صغير
سهام : بلاك
فهد : علاه ماقررتيش تبدي حياتك من جديد
سهام : هههه مانقدش ولادي ماحتاجيني رآهم عاد صغار
فهد : اه عندك ولاد
سهام : وي طفل و طفلة
فهد : ربي يخليهم لك
سهام : مارسي و نتا واش داير ولا مزال كل يوم معا طفلة
فهد : هههه كفاه عرفتي
سهام : ههههه معا ليام تعرف و درك باي نخليك
راحت و خلت فهد يخمم في هدرتها قاطعه تخمامه صوت تيليفون
فهد : الو
المتصل : عندك مهمة بعد رأس العام نلقاك في ايطاليا و المرة هادي غادي تخدم معاكم طفلة
فهد : فهاداك ماكان خاصني غير طفلة تخدم معايا
المتصل : ما تتسرعش حتا تشوفها
فهد : اوكي بأي
راح دخل عند صحابه كملو الحفلة و كل واحد راح لداره
يادرا واش غادي يصرا فالأيام جايا معا الأيام نعرفو واش هو سر نتاع سهام لي مخبياته على الناس و الحقيقة واش هيا و ميمو يقبل ب سارة كزوجة أو لا
أنت تقرأ
طيبة بقلب أسد
Przygodoweتروي القصة عن فتاة صغيرة علمتها الحياة بأن لا تثق بأحد جعلت منها امرأة مغرورة ناضجة و محبوبة و لا أحد يسيطر عنها و كلمتها مسموعة تزوجت صغيرة لتهرب من الناس و كانت عائلتها اغلى شيء لها ابتعدت عنهم لتوفر لهم كل محتجاتهم سافرت فرنسا و هي قاصر تزوجت في...
