تذكير رانا عادا معا سهام لي راها تذكر في حياتها قبل
راحت تقرا و و كلش فات عادي و هي طالعة كانت راح تشري كلاكات تسحقها فسبور ماتحبش تلبس اديداس دخلت للحانوت تذكير باباها كي طلع يخدم فالصحرا رجعو لباس من عائلة متوسطة
سهام : سلام و عليك
سفيان : سلام تفضلي ختي
سهام : انا البارح لي هدرت معاك فالفايسبوك علا كلاكات
سفيان : اه وي دقيقة يجيبهالك صاحبي من الحانوت نسيتها
سهام : اوكي
سفيان : باينة عليك سبورتيف
سهام : ههه تقد تقول حزام نواغ فالكراتي و حزام فالبوكس و ديفونسار نتاع ليكيب هاند فالولاية هادا ماكان
سفيان : ههههههه هادا مكان حزام نواغ و تقولي هادا مكان
سهام : ههههه واه ماديرش عليا كي يجبدولي علا سبور نبغي نزوخ بروحي
سفيان : ههه لا عندك الحق المهم تشرفت بمعرفتك باينة عليك مهبولة
سهام : ههه غير معا لي نعرفهم
جا هنا ميمو : سلام هبلتني و نتا تعيط كنت نتريني قتلك ندوش و نجي
سفيان : مالك تاكل في روحك قتلك خف باش نروحو نسهرو
دخل نوري : طاحتلي الصحة صاحبي و انا نجري
سفيان : سهام هاهي لي قلتيلي شوفيها
سهام حلتها و قاستها حداهم: وي هادي هي مرسي و خلصاته
سفيان : بصحتك و بيناتنا فايسبوك
سهام : ههه واه ماتخافش
نوري : معرفتناش بالانسة
سهام : ههه سهام آمي نتاع سفيان و لي جيت تجري علا جالها
نوري : ههه لوكان كان علابالي ليك نورمال عادي كلش يفوت المهم تضحكي
سفيان : صايي بركانا مالتحلاب بهدلتنا
ميمو: شوف ماليوم ماتزيدش تتمشا معايا
سهام : علاه شتا دار راه يضحك حرام راه يعبر على روحه
ميمو : واقيل عجبك ولا موالفة
سهام : اسمع مليح مزال ما ولد لي يهدر معايا هاكا راك تسمع الخطرة لولة و تالية جايح ايا سفيان باي بيناتنا فايس
سفيان : اوكي سهام باي تهلي في روحك
خرجت متعصبا منه و سفيان هدر معاه على لي قالو
ميمو : ايا خلاص قلتها خرجت من فمي
صكرو الحانوت و راحو سهرو و هوما كانو حالي قروب معا صحابه و لي هوما ليزامي نتاعها و كي قالولها مرة ماحبتش كي عرفت كاين وحدين ماتعرفهمش حتا ليل بدلت فوطو بروفيل نتاعها و لي دارت ضجة فالفايسبوك
سفيان : سهام راكي بومبة يا جدك
سهام : ههههه مارسي
سفيان : واش بيك ماراكيش فالقروب نتاع ليزامي نتاعك
سهام : قالولي و قلتلهم لالا كاين وحدين مانعرفهمش فيه
سفيان : ههه درك ندخلك
ماجات تقول لالا حتا دخلتها كونفارساسيون
الكل : أهلا بزين بصح فوطو حطيتيها ليسي كوبلي هبل و كل وحدا تقولها امي نتاعي قالك كوني معايا ساعة و هوما نفس الموضوع حتا كتب ميمو
ميمو : ايا نروح الحالة صماطت من قبيل نفس الهدرة علاه كاين غير هي طفلة
سهام : ههههه ماعجبكش الحال واقيلا نتا مريض نفسي
ميمو : شوفي الأولى نتي لي مريضة زوج متكبرةو مغرورة تلاتة ماعندي مايعجبني فيك
سهام : ههههه شكون قالك نعجب بيا و ديجا سفيان من بعد نتفاهمو على لي دخلتني قتلك لالا و خرجت هو خرج
كل واحد رقد باحلامه و صباح ناضت راحت تقرا وصلت لليسي و كل يوم نفس الروتين قاع يستنو فيها
سهام : أهلا و نتا قول الخوك من بعد كي نحكمه نوريه لي دخلني فالقروب و نتوما صدعتولي راسي آخر مرة تقولوليعلى واحد دومونداني
دخلت و هوما من موراها كملت قرات و الحشية خرجو 3 ريحو البرا و عاطيينها لضحك حتا جا ميمو و صحابه
سهام : سفيان نلقاك وحدك نقتلك ماكنتش نهدر معاك كي هدرة ندمت ( سفيان كان يجي ليسي بحكم خوه امي نتاعها و هو امي فالفايس بصح جامي هدرت معاه حتا نهار شرات من عنده )
سفيان : والله ما نعاود
ريحو يقصرو و كل واحد من بعد راح لداره فاتو ليام و ميمو ولات تعجبه حتا واحد نهار مريحين يقصرو حتا هدر ميمو : سهامنقد نهدر معاك
الكل تعجب ماعرفوش واشبيه
سهام : والله يا سي ميمو لي عندك قوله هنا خاطرش غادي يعرفو من بعد
ميمو : اوكي نهدر معاك و من بعد قولي لهم
سفيان ؛ سهام روحي
سهام ناضت و بعدو شويا عليهم : وي واش تحب
ميمو : سهام نجيك من التالي نتي تعجبيني بزاف و موحال نقد تصبر كتر
سهام ؛ ههه راك منيتك
ميمو : وي راني صح ادا تقبلي تكوني معايا طفلة الوحيدة لي هبلتني هي نتي
سهام : ههه اوكي بصح بشرط
ميمو : راني قابل
سهام : اسمعه قبل
ميمو: وي هيا قولي
سهام : نحي القلب لي في سنسلة نتاعك و بلا ما تبلعطني نعرف كلش
ميمو نحا سنسلة قاع و طيشها : و درك واش
سهام : ههه مهبول
تحضنها و من بعد حكم يدها و راحو للجماعة و هوما يضحكو
نوري : راني نشم في ريحة الحب ولا راني غالط
الكل : وي حتا حنا
سفيان : ميمو وين راهي سنسلة نتاعك
ميمو ؟ وحدين ماعجبتهمش
نوري : راني نشوف بلي بدينا نحكمو ولا شتاقالو
سهام : نجلاء حكمي عتروس نتاعك سينون ودعي دراري و المستقبل لي راكي تبني فيه
نجلاء : نتا ماكان ما دخلك من بعد نتفاهم معاك
الكل يضحك و يهدر من غير ميمو لي غايس فيها و متبسم و الكل ملاحضين هاد شي
سهام : ميمو ميمو 👋👋👋
سفيان : حرام عليك فقد الذاكرة صاحبي
الكل يضحك
سهام : ميمو وشبيك
ميمو : اه لا والو كنت نخمم في حاجة
الكل : ههههه الحاجة الحمد الله راهي حداك وشبيك
ميمو: ايا خلاص تقول غير انا لي عشقت هاهو نتوما تاني كل واحد معا حبيبته
محمد : وي بصح ماشي هي حداك و نتا رايح قاع فيها شويا حبيبنا حشمتنا
سهام : ايا خلو عمري شتا دخلكم اوبس
الكل 😯😯😯😯😯😯😯 قالت عمري
صليحة : اتيوايوا اول مرة في حياتي نسمع سهام قالت عمري لطفل الحمد الله شفتها قبل لا نموت
سهام وجها ولا طوماطيشة : ههه خلاص فضحتينا ديري ميكرو و قوليها الله ليسي
كملو قصرة و كل واحد راح لدارهم فاتت ليام و سهام عشقاته و هو تاني عرفها بقاع عايلته و امه كانت مرحبا بالفكرة باش تزوجه بيها حتا جا نهار لي تبدل كلش ماقراتش و هبطت تحت وين موالفين يريحو حتا شافت وحدا مريحا عنده و سلمت عليه كي دار شافها ماعرفش واش يدير لحقو بيهم ليزامي الليسي الكل سمع هو دار هاكا معا طفلة باش تبعد على خوه كانت تهده بالتصارو باش تبعتهم لخطيبته و هو قالها كوني معايا و خلي خويا و طفلة قبلت و هادا لي كانت تحوس عليه باش تحكم سهام لانو صاحبها كان يبغي سهام و ما بغاش يبقا معاها خرجت منهارة ماتشوف في حتا حاجة حداها طلعت ديراكت لدار و بعتتله ميساج
سهام : تهلا في روحك الحق فيا انا لي امنتك و حسبتك صح تحبني بصح ندمك على عملتك هادي
رقدت و غدوة ناضت لبست لبستها لي كانت ماتلبسهاش كان يمنعها و طلقت شعرها و راحت صبا تقرا و العشيا لبست غوب قصيرة و كانت عارفة غادي يجي ستيكت روحا و دوشت بريحة لي تفوت عليه تصرعه بريحتها وصلت ليسي قاع يشوف فالطفلة لي جايا
صليحة : هاديك سهام ولا راني غالطة
محمد: لا هي
وصلت و ريحتها مهبلتهم
نوري : واش دوشتي بريحة و لا كيفاه
و هو موالاش يشوف حداه سلمت عليهم و عطاته يدها و هو كان موصيها ماتسلم على حتا واحد و هي دارت العكس حكملها يدها و مابغاش يطلقها
سهام : خويا يدي غادي تكسرها
الكل : خويا
ميمو: وليت خوك درك
سهام : هادي ماتستاهلهاش طلق يدي
ميمو : ر***** شتا هاد لبسا لي راكي لابستها و ريحة لي دايرتها اهدري علاه تشوفي فيا طحان
سهام : 1 بركا ماتعيط 2 ماكان ما دخلك فيا 3 ما بقا بيناتنا حتا حاجة 4 علاه نتا حاسب روحك راجل
نترت يدها منه : ايا باي نخليكم راحت و خلاته ما هدر حتا حاجة
سفيان " قولها علاه درت هاكا علاه راك ساكت
ميمو : منقدش حتا كريم يهدر معا نسرين و يفهما على هاديك
نوري : بصح سهام لا.ي تروح من يديك شفتها كيفاه راهي
فطيمة : ميمو لازم تهدر معاها هي راها مبينا بلي قوية بصح نعرفا قلبها راه يتقطع مداخل
ميمو: ماشي وقتها درك الفاكونص نسرين تعرف كلش و نهدر معاها ايا باي راني رايح
راح حتا هو فاتو ليام و سهام دايرا روحا قوية و تلبس غير لي مايحبش ميمو و هو جنون دايرين بيه جا الفاكونص و خرجو و هي راحو عند بابا نسا صحابه حبو يعرفو على العايلة قررو يروحو لعنده
أنت تقرأ
طيبة بقلب أسد
Aventuraتروي القصة عن فتاة صغيرة علمتها الحياة بأن لا تثق بأحد جعلت منها امرأة مغرورة ناضجة و محبوبة و لا أحد يسيطر عنها و كلمتها مسموعة تزوجت صغيرة لتهرب من الناس و كانت عائلتها اغلى شيء لها ابتعدت عنهم لتوفر لهم كل محتجاتهم سافرت فرنسا و هي قاصر تزوجت في...
