طيبة بقلب أسد

الحلقة 8

يوم جديد و لي غادي يبدل حياتها من أ إلى ي و غادي تعيش فترة صعيبة ناضت الصباح كيف العادة و بما انو العائلة نتاعها توالفوها ناضو نفس الوقت معاها غسلت و لبست راحت عند ولادها نضفتهم و لبستهم و هبطو تلاقتهم الكل من غير أشرف
سهام : صباح الخير اييه راكم مبكرين مالكم
فطيمة : والله بنتي عندك الحق تنوض بكري راني نحس روحي لباس
خديجة " وي حتا انا راني نحس روحي غايا
نور : ههه نتوما انا راني نعسانة
سهام : أشرف وين
محمد : علاه ماراهش راقد
سهام ؛ نو حسبت نلقاه تحت آتون درك نسقسي
خرجت برا جاها القارد : صباح الخير مدام تحتاجي حاجة
سهام : وي موسيو أشرف ماشفتهش
القارد ،و ي خرج صباح بكري
سهام اوكي مرسي دخلت كلماته لولا مردش زاوجة ثاني الثالتة  رفد 
المجهول : اوه بونجوغ مدام كنت نستنا فيك
سهام : شكون نتا وينو  أشرف
المجهول: ههه مش قبل ما تقولي علاش راكي تحوسي عليا
سهام : و الله و أشرف ينقاس موتك على يدي
المجهول : ههه ماراكيش في وضع لي تهدديني
سهام : واش تحتاج
المجهول : درك واه نتفاهمو هاتي قاع الدلائل لي رآهم عندك عليا
سهام : هههه و الله ماتسلك يا كلب يا ********** انا نكتلك انا  شيطان لي غادي يعيشك الدل  تتمنا  الموت و مانعطيهالكش
المجهول ، حيات راجلك فاللعب  خطاري  تعدبيني ولا هو يموت
قص عليها و سهام نهارت و هدا قاع حدا عايلتها و هي طيح  فالهدرة و تكسر دار قلبتها و اياد قالهم خلوها طاحت فالأرض و بدأت تبكي دارهم اول مرة يشوفوها  تبكي بعد 4 سنين حتا في عرسها  و مابكاتس كي البنات الكل آخر مرة كانت في جنازة اكرام صحبتها حتا مات عندهم لافامي و مابكاتش سكتت و بقات تخمم حتا جا عندها باباها
محمد؛ واش كاين سهام
سهام ؛ أشرف خطفوه  و هددوني يا دليل لي عليهم نعطيهلهم و لا يكتلوه 
خديجة : و درك واش ديري
سهام : ماعلاباليش الحاجة الوحيدة لي نقولهالكم  ماتخرجوش و تتحركوش فالدار و الدراري الكل معاكم ماتخالوهمش وحدهم و وجدو الشنابر الكل باش تعيشو معا بعضكم حتا نحل هاد البروبلام و عيطي الخوالي قاع و و عمتي و ربيع هو تاني
فطيمة : هادا قاع بزاف عليك
سهام: مارانيش في وضع لي نزيد نخسر عباد وحدوخرين و درك عندي خدمة اياد إياك تبعني راني نبه فيك ادا صرات  حاجة خلي انا نروح
محمد ؛ سهام بديتي تخوفيني 
سهام ؛ وين راه بابا عمار
كريمة : خرج يخدم
سهام : عيطله درك يجي  و ماكانش خدمة قلتلكم ماغاديش تهبلوني و ولادي أمانة عندكم مهما واش صرا
خديجة : بنتي ربي يردك لينا سالمة نتي و أشرف
الكل : انشا الله
سهام انا راني خارجا
خرجت و عقلها بعيد راحت المقر نتاعهم و هدرت معاهم و تفاهمو على الخطة عقبة نهار صعيب و هي تخمم و تدرس بالخطة حتا العشيا راحت لدار دخلت لقاتهم الكل وقفت بكل وهرة و كريزما : اسمعوني مليح خرجا معا القاردكور ووحدكم من غير دراري اي غلطت تروح حياتكم و انا مارانيش حابة نخسرو بعضانا راكم عايشين هنا مدابيكم لي بروبلام تحبسوهم مش وقتهم و حاولو تعيشو معا بعضكم و تتاقلمو لانو هادي هي حياتكم الجديدة على الخدمة نحل البروبلام لي عندي و كل واحد تولي عندو خدمة راح ننقل الشركة نتاعي هنا و راح تكون للعائلة يعني نتوما تخدمو و تخلصو و كل واحد من العايلة غادي تولي عندو كارط نتاعو و كل شهر يدخله مصروفو و 10 % من الشركة مدخولها يروح لدار يعني مصروف و تبدال القش و راكم تعرفو كلكم كيف كيف مكانش واحد خير من لآخر و نتوما الهم لي راكم ديرو فيه تحبسوه بغيتو بالفهامة اوكي بغيتو دار خالتي راني واجدة 5 دقايق تكونو فيها و شوف شكون يخرجكم منها و درك دار داركم انا نخليكم 
واحد ماهدر ولا رد عارفين بلي رأسها قاسح و كي تقول حاجا ديرها لبست و هبطت : راني رايحا نتريني نور ايا خفي روحك
ولاد : حتا حنا بغينا نسجلو نبدلو الجو
سهام : و الله نورمال بغيتو تروحو معايا مرحبا بغيتو صال وحدوخرا تاني الله يسهل
نصرو : نروحو معاك
نور : ايا راني واجدة
سهام : ايا باي جماعة و نتوما لاصال لي حدا ليسي تتلاقوني فيها و طونوبيلات رآهم برا واجدين و ماتبقوش تتعاركو عليهم
خرجت و هوما راحو هزا حوايجهم و طي خرجو وشافو طونوبيلات نخلعو جابت لكل واحد طونوبيل لي كان يحلم بيها ركبو و قلعو لحقوها دخلو لاصال لقاوها تتريني و نور حتا هيا بصح ماشي مام ماتريال
شعيب : هه غير بشويا عليك
سهام : ههه روح الكوتش  يستنا فيك
نصرو : او علاه ندير وحدي
سهام ؛ روح نتا عمرك لادخلت لاصال  تقولي وحدي روح روح يعلمك  و راحت صاك دو بوكس و بدأت تضرب ولاد خالها خطرة لولا يشوفوها هاكا كانت تتريني  كي جامي حضرو و هي تلعب كملت و فاتت  ساعة هما عياو
نصرو : او انا عييت نروح لدار
الكل انا تاني
سهام : روحو انا مزال مانكمل
شعيب : او شعال تقعدي
سهام : 3 سوايع قال حاجا
نصرو : ههه نكون تعشيت و رقدت باي
خرجو راحو بقات غير هي و نور داها اياد معاه طلباته باش تشري صوالح بقات تتريني حتا حسة بيد على كتفها بصح المرة هادي ما ضرباتهش عرفاته من ريحته
سهام : تقد تخليني نتريني وحدي
ميمو : راكي تهلكي في روحك حبسي ريحي
سهام : مادخلكش هادي صحتي انا
ميمو : لا ماشي صحتك راكي تكتلي في روحك و فيا
سهام : ههه ما تغلطش خطبة نتاعك نهار جمعة
ميمو ، قولي دفينتي نهار جمعة واه
سهام حسة بغصة : علاه هادا عادي بنت خالتك و تبغيك هادا شعال
ميمو : بصح انا ما نبغيهاش
سهام : ربي يحفضك خليني ماشي وقت الهدرة
ميمو : غادي نخليك درك بصح الوقت لي تحتاجيني نكون هنا حاضر
سهام : اوكي مرسي
راح و هي كملت ترينات حتا مقدرتش توقف صالة فرغت و قاعدا غير هي حتا جواد عيط ل ميمو
جواد : سلام ميمو سافا
ميمو : وي حمد الله و انتا
جواد " بخير بغيت نقولك بلي سهام راها عادا هنا تتريني و ماراهاش  قادة حتا ترفد روحا و راهي تفورصي بزاف و راك عارف شتا يصرا مع تالي
ميمو : اوكي راني جاي شوف حاول ماتخليهاش تخرج
جواد : اوكي مبعد
ميمو شافوه صحابه هاكا
سفيان : واش بيك
ميمو 🤐🤐🤐🤐🤐
نوري " اهدر ماتقلقناش
ميمو : سهام راهي فلاصال دو سبور و مزال ماخرجتش و جواد قالي مش قادة حتا ترفد روحا
نوري : شوف انا امي نتاعي ايا نروحو ليها و نشوفو بلاك عندها مشكل
ميمو " سقسيتها قبيلة و ماحبتش تقولي 
سفيان : ايا نروحو و تعرفو واش كاين
راحو لاصال و لقاوها مسكرة عيطو لجواد حل عليهم
ميمو : وين  راهي
جواد: مزال تتريني قلتلها حبسي قاتلي لا
ميمو : اوكي : درك نشوفها
جواد: راها فصالة داخل و مسكرة ضو راها على ضلمة
سفيان : ما قلتلك والو
جواد : نو ماحبتش تهدر بصح باينة راهي منهارة
راحو يشوفوها لقاوها في حالة غارقة فالعرق و حمرا من تعب جات تضرب صاك دو بوكس لقاتهم حداها
نوري : سهام واش بيك فهاد الحالة
سهام : مكان والو خلوني وحدي
سفيان: سهام راكي عارفة بلي من مورا هاد سبور تمرضي
سهام : ههه نورمال خليني نمرض
ميمو : سهام حبسي و ايا نروحو
سهام : نو ما عندي وين نروح خلوني وحدي
ميمو : سهام راني نهدر ايا نروحو و مانزيدش  نعاود الهدرة
سهام ؛ هههه واش باش دير ها قول باش تضربني ولا شتا اهدر قول و بقات تضرب في صدره علاه جيت علاه خليني وحدي
ميمو عنقهاا : سهام ريحي روحك خلاص ايا نروحو منا
سهام : خليني ميمو ربي يحفضك مارانيش قادة نهدر ولا نروح لبلاصة
نوري : سهام هيا معانا نروحو الباب و تبغيها نتي و تقولي بلي غير هي لي تريحك 
سهام : اوكي هيا
خرجو و راحو ب طونوبيل نتاعها تمشو حتا تلاقاو باراج حبسو
درك 1 ؛ سلام وثائق السيارة من فضلك
سهام هبطت الكارو : سلام رآهم معايا
درك2 : سلام حضارات إسحاق يحوس عليك
سهام : سلام قوله غدو نتلاقو في بلاصتنا
درك ١: سامحيني حضارات ماعرفتكش تفضل موسيو سلام
بعد و خلاهم يفوتو و هوما مشوكيين و كل واحد عنده الف سؤال في راسه وصلو للبحر سهام مهدرتش معاهم هبطت ديراكت و راحت للشط تتمشا حتا دخلت بقشها و هوما يتبعو فيها و هي واقفة و الموجة تضرب فيها حتا عيطت ضربة وحدة
سهام :اااااااااااااااااااا علاش علاش يا ربي غير انا  علاش
نوري : ميمو روح لعندها باينة تاعبة
ميمو واقف ماعرفش واش يدير
سفيان : ميمو ميمو ميمو ميمو و عطاه كف
ميمو : اه واش كاين
سفيان : وشبيك روح لسهام مش قادة
راحلهاو خرجنا و بقا مريح هوا وياها: سهام وشبيك حبيبي حكيلي
سهام : ماقدرتش عييت و الله عييت قاع المشاكل جات معا بعضها
ميمو : سهام راني معاك قوليلي نعاونك
سهام :  ماتقدش تعاوني و مارانيش باغية تصرالكم حاجة و نزيد نخسركم
نوري : سهام فهمينا هداك قالك حضارات واش معناها
سهام ؛ مبعد نقولكم والله درك مش قادرة
سفيان : أختي ريحي روحك درك من بعد نهدرو
ريحو هاكا الليل كامل حتا طلع الصباح