كعدت الصبح وجهزت نفسي حته اروح اني والوالده للمستشفي وحته اكمل الاوراق الباقيه كعدت يم الحجيه واكلت وياها اجه صادق وكال
-شيخ عمي ابو احمد بره يريدك
طلعت للديوان البره شفت عمي واكف وي زلمنه ويسولف اجيت يمه وسلمت عليه
-ها عمي كالو تريدني
-اي يشيخ عشيره الولد ودو خبر حته نكعد ونتفاهم باقرب وقت لان ولدنه داسو حرمه بيتهم وتسرعو لازم نبادر بشي ونحلها
-ماشي يعمي دزولهم خبر اليوم نكعد ونتفاهم والي كاتبه الله يصير
اخذت الحجيه ورحت اشوف جواد الحد الان محاجين وياه لان مايكعد بسبب المسكنات كضينه وقت بالمستشفي حسيت الوالده تعبت اخذتها ورجعنه للبيت .
.
..عد طيبه ..
وره ماصار الرمي علينه واجه عمي وحجوله الصار اتصل عله الشيخ وصار العياط وضل يتوعد ويقسم قسم ماينطي ابنه وشيردون يسون شويه وهداء وسد التلفون وكال لمرته
- انه رايح للشيخ يشوفلنه حل بهالطلابه واتاخر لاتنتضروني
طلع من البيت وانه فرحانه الله جاي ياخذ حقي من امجد وادي كون يلزمونه ويموتونه حته اخلص من شره اليوم عده عله خير وجسمي مرتاح من الشغل والكتل لان مرت عمي مشغوله بسالفه ابنها وبناتها مخترعات من سالفه الرمي وخايفات لايرجعون علينه اليوم راحه بالنسبه الي ماكو اذيه ولا صياح ولا كتل حضرت فراشي حته انام بس انكسر كلبي عليهم شيحلها هالسالفه وشلون اذا اجو ورمو البيت مره ثانيه وكتلونه واني افكر وماحس بروحي ونمت .كعدت عله صوت مرت عمي وهيه تحجي وي عمي
-ابني مانطيه وماراح اخلي يرجع لهنا بعد تريد يكتلونه
-يامره افهمي انه بس اريد احلها
دخلت المطبخ وبلشت احضر الريوك .دخلت مرت عمي وهيه تصيح لان تاخر الاكل شويه بس انه شعليه جاي اشتغل وحته ماكلت شي من امس شويه ودخل عمي وكال
-اليوم العصر راح نروح لعشيره الولد ال ...
جنت شارده وافكر شنو راح يصير وماحسيت اله بايدي ومرت عمي خلتها ع النار ضليت اصرخ من الوجع وكعت بالكاع من الوجع واهدء الوجع اله وره ساعات من الالم العصر صار واني كوه اجر بروحي جر واحاول اسيطر عله ايدي وهيه توجعني وارتب البيت واجهز كلشي طلع عمي وراح لشيخ العشيره لان راح يحلونها اليوم .
.
...شيخ كاظم
اجه عباس وكلي كلشي جاهز للسفر وحضروا كلشي بس اخلص كعده وي الناس اروح للمستشفي بس مامرتاح من الناس هذوله لان اجت اخبار انهم ناس مهملين ومشكلجيه صار العصر وكلها اجت العمام واولادهم وانجمعوا وعمي ابو احمد كال نحلها باقل الخسائر .اجو اهل الولد وبلشت النقاشات والمفاوظات بس اهل الولد حيل صعبين ويردون يكلبون الحق علينه وماحترمو نفسهم وقللو من قيمتي ماحسيت اله وعلت الاصوات وصارت حرب بالكلام اهنا اتدخل جلال وكال
-انتو ناي همج ومانتنازل عن حق ابنه واخر شي عدنه تسلمونه ابنكم واذا ماسلمتو راح ناخذ منكم عشر زلم
هنا صاح عمي ابو احمد
-الظاهر ماراح نوصل لحل كلمن يريد رايه الي يمشي
ماكدرت اسكت بعد
-شوفو اخوي لحد الان مافتح عينه وحباته تحطمت ومادري العمليه تنجح لو لا وحق اخوي ماتنازل عنه
واحنه بهذا الصراح حجه عني ابو جلال
-ماكو غير حل وراح يريح الطرفين الحل ناخذ فصليه منكم للشيخ كاظم ال... ماكو غير حل لو اتسلمونه ابنكم
حجه شيخ عشيرتهم
-هذا حل وسط ويهدي الوضع
شنو هاي فصليه ليش البنيه شنو ذنبها وبعدين ليش هيج انه الي رفضت ازوج صار اربع سنوات تجبني فصليه واني ارفض هالفكره الهمجيه تالي انه اسويها ردت احجي بس عمي الو احمد سبقني
-انه اكول هذا الحل مناسب واحنه ماراح نظلم البنيه وراح تصير مرت الشيخ
انتهى الحجي لهنا عمي الجبير ختم الكلام وانه بالي كله يم جلال وسفره طلعت من يمهم ورحت وي عباس للمستشفي وشفت جلال وجهز للرحله مالتهم ودعت صادق ورجعت للبيت بس بالي يمهم وماعرف شنو اسوي رحت لغرفه الحجيه وخليت راسي بحضنها سمعت صوت ملوكه اجت عليه وحضنتني شلتها ورحت للغرفه جنت تعبان كلش ونمت بدون ماحس .
.. عد طيبه ..
رجع عمي وجهه مايتفسر ومرت عمي نازله عليه مسبه واساله تريد تعرف والكل انجمع حجه عمي
-انحلت السالفه
-شلون وابني راح ياخذو
-لا انحلت كتلج وراح نفصلهم بعد يومين
جان شكل عمي مايبشر بخير وجنت حاسه بمصيبه ومامرتاحه من هالوضع بس انه شعليه رحت اكمل شغلي وايدي شويه ارتاحت لان استخدمت مرهم بس لونها بعده احمر وجهزت العشه وكملت ترتيب المطبخ كملت شغلي وهلكت من التعب رحت ارتاح نمت بدون ماحس .فزيت عطشانه كعدت وجان البيت هادي وماكو احد كاعد وانه رايحه ع المطبخ سمعت صوت عمي ومرت عمي يسولفون وسمعت عمي يكلها
-طلبو فصليه تصير مرت الشيخ كاظم
-شنو فصليه يمه ليش
-مايردون حقهم يروح وبعدين حاير انه شلون واح افرط بوحده من بناتي
-شنو شنو ومنو كال بناني يرحن فصليه لا ابد مستحيل
-والحل منو تروح
-شوف بناتي عايشات براحتهن اميرات تريدني اذبهن للعذاب والدك ويجوز ايكتلوهو موت عندك بنت اخوك طيبه هيه الفصليه وبلكي يكتلوها ونخلص منها
جانت طيبه تسمع كلامهم وهيه ترجف راح يشمروها للموت ماتدري شتسوي رجعت لفراشها وضلت تبجي وضلت الليل كله تفكر من جهنم تروح لجحيم وشلون اذا كتلوها ضلت تفكر فقررت تشرد من بيت عمها بس حته تخلص من هالحجيم اخذت شالها وغطت وجها وفتحت باب المطبخ وشردت طلعت تركض من بيت عمها ماتدي وين تروح بنص الليل وماتسمع اله صوت الحيوانات تطوراها وبعد شويه ضلت الجلاب تركض وراها وهيه تركض دخلت بين اكوام الخرده مبدون ماتدري انشكت رجلها بالحديده وماجانت تكدر تسوف لان ظلمه كلش والجلاب ماخلتها ترتاح بس تركض وهيه تركض طلعت من الافرع تريد توصل للشارع طلعت سياره بوجها وصا الضوه بعينها وصوت الفرامل عالي وطختها السياره وبعد ماحست باي شي
.
.
.
شنو رايكم بالاحداث واعذروني لان البارت قصير بس صدكوني مالحكت اكتبه
فديتكم 😘
