جنت يم بيت عمي اناقشه بالي صار ويانه وشنو صار بعد ماطلعت لان عفتهم ورحت اشوف جواد وامن سفره عمي كلي راح ينطونه ابنيه فصليه هذا اخر قرار وانه جنت كلش ضايج وحجيت وي عمي انه شيخ معروف وكلها تحلف براسي شلون هيج اظلم بت الناس بس ماكو فايده بقيت يم عمي وعرفت منه البنين راح تكون عله ذمتي واهلها راح يجيبوها هاليومين واخذتنه السوالف والحجي مانتبهت للوقت حيل تاخر وبالي ضل يم ملوكه وردت ارجع حته احجي وي صادق يطمني عليهم اترخصت من عمي وطلعت الساعه تقريب بالوحده بالليل بيت عمي جانو بالناحيه الثانيه يعني مو قريب علينه وانه امشي بالسياره اتصلت عله صادق بس مارد عليه قلبت كلش وكفت عله صفحه ونزلت لان اعصاب مابقت بيه انه صح شيخ وجبير ومايهزني شي واواجه مصايب واحل مشاكل بس من وكع جواد بهذا الحادث وكلها التمت عليه انه هم بشر هم عندي مشاعر مو جبل .دخنت جكاره وهديت الوقت حيل تاخر حركت السياره وطلعت اريد بس اوصل للبيت وانه داسوق ماشوف اله بنيه طلعت من الفرع وصارت كبال السياره دست الفرامل حيل وصلت السياره يمها وطختها همزين مادعمتها شو هاي وكعت من طولها بالشارع نزلت ركض من السياره لكيتها بالكاع والدم تارس رجلها باوعت مالكيت احد وراها زين هاي وين اهلها وشلون هيج طالعه بهالوكت بس مبين من حالتها مفزوعه من شي اخذتها وخليتها بسيارتي وضليت افكر وين اوديها عدنه بالسلف مضمد اتصلت عليه ورحتله ضمد رجلها وكال كل يومين انغير الضماد رجعت بيها للبيت كلت باجر تكعد ونعرف سالفتها ماكدر اوديها للشرطه وين يحطوها بالمركز وهيه بهالحاله وبعدبن بيت الشيخ مفتوح للكل زغير وجبين وان شاءلله نحل سالفتها شلتها ودخلت للبيت جان هدوء الكل نايم صعدتها الغرفتي ماردت اكعد وحده من البنات وامي بس ادخل عليها بهاي البيدي تتخربط عبالها شو شصاير خليتها بالغرفه وخذت ملابسي وطلعت نزلت للصاله جوه ضليت الفكر البنيه هاي منبن شنهي سالفتها ومبينه زغيره وحيد ضعيفه حوالي تجي بعمر 17او 16مو اكثر ماكو احد جان وراها منين شارده وخايفه هبج مليون سوال تجه براسي نسيت حته اتصل عله صادق ونمت وانه قلق من هالسالفه .
الشيخ كاظم من اكبر شيوخ السلف رغم اخذ المشيخه بعمر زغير بس جان كدها وكل سالفه يدخل بيها لازم يحلها وكل واحد يوكع بضيج يجي عليه من تشوفه تكول جبل مايهتز .
....عد طيبه ...
كعدت عله ادين ناعمه وترفه وصوت خفيف فتهت عيوني شفت وجه مليان برائه وابتسامه حلوه وخصلات نازله عله عيونها حاولت اكعد بس الم قوي برجلي باوعت للمكان الي اني بي وين اني حجيتها بهمس بس الكدامي كاعده ع الجربايه سمعت وصاحت
-انتي ابيتنه
-ابيتكم شلون
واني احجي دخلت بنيه تقريبا بعمري ملامحها حلوه وابتسامتها دافيه شايله بيدها الاكل خلته ع الطاوله وكعدت يمي ضلت تحجي وياي واني ماعرف شنو اجاوب سالت عن اهلي وين بيتنه وشلون رجلي انجرحت بس ماكدرت اجاوب عله اي سوال واختنكت كلش شافتني ضليت ابجي هداتني وكالت عوفي الحجي هسه واكلي حته تطيبين بسرعه وشويه سمعت صوت رجال بره صاح اني سحبت الغطه عليه ضحكت البنيه وكالت لتخافين مايدخل لهنا وخذت الطفله الجانت كاعده يمي وطلعت شويه ورجعت اخذت ملابس وطلعت انه جنت حيل جوعانه بس ماشتهي الم رجلي موتني اكلت شويه ورجعت خليت راسي ع المخده ونمت .
....شيخ كاظم ...
فزيت الصبح عله صوت الوالده كاعده للصلاه وشافتني نايم بالصاله كعدتني حته اصلي شويه وسمعت صوت ملوكه كعدت اجت عليه جانت زعلانه لان تاخرت عنها البارحه كتلها تصيح عمتها بسرعه راحت تركض اجتي معصومه للصاله
-شيخ صحتلي
-اي بويه تعالي اريدج بسالفه
-تامر شيخ
وسولفتلها ع البنيه البغرفتي ونبهتها ماتكول لاي احد الوالده اذا درت ماراح ترتاح وكتلها تكوم بواجبها وتحضرلها كلشي تحتاجه وتحجي وياها حته نعرف اهلها وبن حته ندزلهم بتهم .راحت معصومه تجهز الريوك وكعدت انه والحجيه اتصلت عله صادق ورد عليه ضليت احجي وياه وامي هم حجت وياه دخلت ساره وسلمت وشايله الاكل وياها كعدنه اكلنه ويارن سالت عن وضع جواد وطمنتهم الحمد لله واصلين بسلامه وراح يبلشون فحص اليوم كملت ورحت سبحت اريد اطلع عندي كعده وي شيخ مزهر صعدت لفوك وكفت بره سمعت معصومه وملوكه يحاولن يحجن وياها وهيه ساكته ماكو ولا حرف كلت بي لا البت خرسه شلون نوصل لاهلها صحت عله معصومه حته تجيب ملابسي ارد اطلع ومن اجت وصيتها ع البنيه وكتلها ماريد اي احد يدي بيها هاي البنيه مبين وراها سالفه جبيره لان ضعيفه وفقيره ويجوز واكعه بمصيبه .كملت وطلعت رحت للشركه وكملت كم شغله واتصل عليه عباس كالي
-الو شيخ
-كول عباس
-شيخ مزهر ايكول خلي يجي غداه يمي ونحجي بالسالفه حته نروح للوادم
-هاي هيه تعالي للشركه انت وجلال خلي نروح
