...طيبه...
كعدت الصبح مالكيته كمت رتبت كلشي وجهزت روحي ونزلت يم الحجيه خجلت حيل لمن تباركتلي وركضت للمطبخ يم البنات ساعدتهن بالتنضيف والطبخ وساره ماسكتت كلساع تشاقيني وتحجي انه حيل خجلت صار الضهر واجه الشيخ بس مو وحده اجو وياه شيوخ وزلم هواي باوعت من الشباك وشفت عمي وياهم انه وكف كلبي من شفته ورجفت جسمي شيريد جاي توترت وماعرف شاسوي وليش جاي بس سمعت صوت الشيخ وردت روحي حضرنه كلشي للخطار
...شيخ كاظم...
قبل فتره بلش عم طيبه يدزلي ناس حته نكعد ونتناقش بس انه ماجنت انطي فرصه ماريد ينفتح موضوع اعرف نتيجته شنو بس اليوم كعدت الصبح لكيتها نايمه يمي بستها وكمت جهزت حته اطلع للشركه ماردت اكعدها تعبانه خليتها ورحت وانه اشتغل اجاني اتصال من شيخ ال،،، وطلب مني يشوفني وراح يجني لديوان رجعت للبيت واستقبلتهم وكعدنه بلش شيخهم يحجي
-شيخ كاظم ابو امجد جاي ويانه يريد يحل ساللت ابنه
-عله راسي بس السالفه انحلت
-هنا المشكله يكول اخذت بنت اخو غصب عنه والبنيه جانت عندك قبل العقد
-ها هنا السالفه زين وهسه اشرايد ابو امجد
حجه عمها
-اريد بت اخوي مو معقول اعوف بنت اخوي فصليه وانت لويت اذراعي وخذتها ماردت انطيها
-سنو قصدك ماردت تنفذ حجي الشيوخ
-لا اقصد انطي وحده من بناتي ولا انطي بنت اخوي اليتيمه
من سمعت حجيه اعصاب ماضلت عندي وعطت بي
-هسه شتريد تريد انطيك مرتي
-شيخ اخوك والحمد لله كام بسلامه واحنه عفنه المنطقه كلها ردلنه بتنه وهاي هيه
-لو اخر يوم الي تحلم تشوف اضفرها وبعدين اعرف عله شنو خايف مو حبا بيها لا خايف عله مصلحتك تضيع
اجه عباس يهديني
-جيتكم عله راسنه بس ماعتقد هذا طلب مناسب تردون الشيخ يعوف مرته مو حجي هذا
اترخصو الشيوخ وطلعت الزلم رجعت للبيت وانه اتنفس بصعوبه اجتني تركض سفت وجهاا وبتسمت
-فدوه لرويحتي ياربي ويردون ياخذوج مني
-شنو هالحجي شيخ
-عمج يريد ياخذج
حجيتلها الصار وهيه مصدومه وعيونها دمعت ماحجت شي بس شفتها مامرتاحه شبكتها وكتلها
-ماخليج هذوله يحجون بكيفهم ماياخذوج مني فهمتي
من سمعت كلامي ابتسمت اخذتها ورحنه يم اهلي حته ماتضل ضايجه اتصلت عله جلال حته يعرفلي شنو سالفت ابو امجد صار الوضع ماينسكت عنه .رحت لغرفتي اتمددت وانه افكر بالسالفه ماكدرت ارتاح من كد التفكير مجرد مافكر راح ياخذوها اشتعل نار ماكدرت اهداء بدلت ونزلت رحت لبيت عمي احمد حجيتله شصار وضلينه نتناقش تاخر الوقت فرجعت للبيت اتلكتني وشبكتني فدوه تعرف شلون تخليني اهداء صعدت للغرفه اتمددت واجت يمي خلت راسها عله ايدي وانه صافن بوجها لحد ما غفت هيه اجاني اتصال من جلال
-الو ها جلال بشر
-عرفت السالفه شيخ
-كول
-ابو امجد راد يسحب فلوس اخوه بس ماكدر اله بحضور البنيه واذا عرفو هيه متزوجه تسقط الوصايه منه وتتحول الزوجها
-ها انه جنت شاك من البدايه شوف باجر اريدك انت وعباس من وقت
-تامر شيخ
حاولت انام مكدرت انام طول الليل لحد ماطلع الضوه نزلت لكيت الحجيه جوه كعدت يمها وكتلها بشنو افكر وخذت رايها بعدها صعدت كعدت طيبه وتغزلت بيها ونزلنه تريكنه وكتلها تحضر روحها راح نطلع ماسالتني وين بس نفذت كلامي اتصلت عله جلال يسبقني هوه وعباس واخذت طيبه ورحت وصلت للمحكمه لكيتهم ينتضروني هناك دخلت ع القاضي وهيه وراي جانت مامستوعبه لحد هسه شنو يصير لحد مانطق القاضي وجانت تبجي وفرحانه طلعت من المحكمه وطيبه مرتي شرعا وقانونا هلي اشوف عمها شيسوي بعد ودزيت خبر لعمها بعد ميكدر يفك حلكه ودزيت خبر للشيوخ حته مايلكون حجه بعد
...طيبه..
من سمعت خبر عمي يريد ياخذني من الشيخ استغربت وخفت لاينجح بهالشي وعشت بقلق بس فاجئني الشيخ بالمحكمه من عقد عليه وجان هالشي صدمه لعمي بعد ماله اي وصايه عليه وساعدني الشيخ احصل عله كلشي يخص اهلي وعشت وياه بسعاده وبعد شهر من الي صار تعبت وافترت الدنيه بيه اجاني ركض شالني وكعدني بحضنه بس مو اول مره هيج ادوخ فاذني للدكتور وهنا جانت اكبر فرحه الي واله من اجه الخبر انه حامل البيت كله فرحلي وبعد اشهر زادت الفرحه من عرفت البيه ولد ضلينه نتناقش شنو نسمي كل شخص يقترح اسم وبيوم الي اجه للدنيه جانت الحجيه شايلته وكالت
-اسمه محمد
الحجيه سمته وجانت ملوكه فرحانه بس جنت اهلي بحضنها وتلعب وياه وحسيت رب العالمين عوضني عن الي عشته قبل رب العالمين عوضني بالشيخ يحبني ويخاف عليه وعوضني عن اهلي باهله ومانسه فضله عليه وربي يدوها هالسعاده واستمرت حياتنه سوه
،
،
،
،
وهاي ختام القصه يارب تكون عجبتكم
فديتكم😘
